Tuesday, July 23, 2024
- Advertisement -
- Advertisement -
ማኅበራዊከአንድ ሺሕ በላይ የጤና አገልግሎቶችን ያካተተው መሠረታዊ የጤና አገልግሎት ፓኬጅ ይፋ ሆነ

ከአንድ ሺሕ በላይ የጤና አገልግሎቶችን ያካተተው መሠረታዊ የጤና አገልግሎት ፓኬጅ ይፋ ሆነ

ቀን:

በሔለን ተስፋዬ

ወቅታዊ ሁኔታንና ኢትዮጵያ ያለችበትን ዕድገት ያገናዘበ መሠረታዊ የጤና አገልግሎት ፓኬጅ ይፋ ሆኗል፡፡ ፓኬጁ 1018 የጤና አገልግሎት ለመስጠትም ያለመ ነው፡፡

ፓኬጁን ይፋ ያደረጉት የጤና ሚኒስትር አሚር አማን (ዶ/ር)፣ መሠረታዊ የጤና አገልግሎት ፓኬጅ እ.ኤ.አ. በ2005 ሲጀመር፣ 184 የጤና አገልግሎት እንደነበረው፣ የተከለሰውና ይፋ የሆነው ፓኬጅ ተላላፊ በሽታዎችን ጨምሮ በዘጠኝ ዋና ጉዳዮች ላይ በማተኮር 1018 የጤና አገልግሎት ለመስጠት ያቀደ መሆኑን ተናግረዋል፡፡

በቀጣዮቹ አሥር ዓመታት የሚተገበረው መሠረታዊ የጤና ፓኬጅ በአገሪቱ የጤና ተደራሽነትን ለማስፋፋትና የዜጎችን ጤና ለማሻሻል ከፍተኛ ድርሻ እንዳለውም ጠቁመዋል፡፡

የፓኬጁ ተግባራዊ መደረግ ዜጎች በዝቅተኛ ዋጋ ጥራት ያለውና ፍትሐዊ አገልግሎት እንዲያገኙ እንደሚያስችልም ተገልጿል፡፡

በጤና ሚኒስቴር የመሠረታዊ ጤና አገልግሎት ፓኬጅ ክለሳ ቡድን አስተባባሪ አቶ ጌታቸው ተሾመ በበኩላቸው፣ የተከለሰው የጤና አገልግሎት ፓኬጅ ከኅዳር 2 ቀን 2012 ጀምሮ በሁሉም ጤና ተቋማት ተግባራዊ እንደሚሆን ተናግረዋል፡፡

አቶ ጌታቸው እንዳሉት፣ በአገሪቷ በነበረው ውስን አቅም ምክንያት በ2005 የተጀመረው የጤና አገልግሎት ፓኬጅ ለረዥም ጊዜ ሳይከለስ ቆይቷል፡፡ የተከለሰው ፓኬጅ በሚቀጥሉት ስድስት ወራት ለሚዘጋጀው ሁለተኛው የጤናው ዘርፍ ትራንስፎርሜሽን ዕቅድ ግብዓት እንደሚሆንም ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...