Wednesday, February 8, 2023
- Advertisement -
- Advertisement -
ዜናከአራት ቢሊዮን ዶላር  በላይ ወጪ የተፈጥሮ ጋዝ ማስተላለፊያ መስመር ለመዘርጋት የሚያስችለው ስምምነት...

ከአራት ቢሊዮን ዶላር  በላይ ወጪ የተፈጥሮ ጋዝ ማስተላለፊያ መስመር ለመዘርጋት የሚያስችለው ስምምነት ረቂቅ አዋጅ ለፓርላማ ቀረበ

ቀን:

ከአራት ቢሊዮን ዶላር በላይ ወጪ በኢትዮጵያና በጂቡቲ መንግሥታት መካከል የተፈጥሮ ጋዝ ማስተላለፊያ መስመር ለመዘርጋት የካቲት 2011 ዓ.ም. የተደረገውን ስምምነት ለማፅደቅ ረቂቅ አዋጅ የቀረበለት የሕዝብ ተወካዮች ምክር ቤት፣ የመጀመሪያ ዙር ውይይት በማድረግ ለዝርዝር ዕይታ ወደ ቋሚ ኮሚቴዎች መራው፡፡

ምክር ቤቱ ሐሙስ  ኅዳር 4 ቀን 2012 ዓ.ም. ባካሄደው አራተኛ መደበኛ ስብሰባው፣ የረቂቅ አዋጁን አስፈላጊነት በተመለከተ የመንግሥት ረዳት ተጠሪ ሚኒስትር ዴኤታ መስፍን ቸርነት (አምባሳደር) ማብራሪያ ለአባላቱ አቅርበዋል፡፡ እ.ኤ.አ. ከ1970ዎቹ ጀምሮ የተፈጥሮ ጋዝ መገኘቱ ቢነገርም እስካሁን ድረስ ጥቅም ላይ አለመዋሉን ገልጸዋል፡፡

ነገር ግን ባለፈው ዓመት በኢትዮጵያና በጂቡቲ የማዕድንና ነዳጅ ባለሥልጣናት ተፈርሞ ለምክር ቤቱ የቀረበው ስምምነት ፀድቆ ተግባራዊ ቢደረግ፣ የተፈጥሮ ጋዙን ወደ ውጭ በመላክ ለመሸጥ እንደሚያስችል፣ በድሬዳዋ ለመገንባት ለታሰበው የማዳበሪያ ፋብሪካ የተፈጥሮ ጋዝ ግብዓት ማቅረብ እንደሚቻል፣ እንዲሁም ለበርካታ ዜጎች የሥራ ዕድል እንደሚፈጥር አብራርተዋል፡፡

በረቂቅ አዋጁ የስምምነቱን አስፈላጊነት በተመለከተ በቀረበው ማብራሪያ፣ በአገሪቱ ስድስት የነዳጅ አለኝታ አካባቢዎች ተለይተው ፍለጋ እየተካሄደባቸው መሆኑን፣ ከእነዚህ መካከል በኦጋዴን አካባቢ ወደ አሥር ትሪሊዮን ኪዩብ ጫማ  የተፈጥሮ ጋዝና መጠኑ ገና በመለየት ላይ ያለ ፈሳሽ ነዳጅ መገኘቱን፣ ወደ ልማት ለማስገባት የተለያዩ እንቅስቃሴዎች በመደረግ ላይ መሆናቸው ተጠቅሷል፡፡

ምክር ቤቱ በንባብ የቀረበለትን ረቂቅ አዋጅ ካዳመጠ በኋላ ምንም ዓይነት ጥያቄዎች ሳያነሳ በቀጥታ ለዝርዘር ዕይታ በዋናነት ለተፈጥሮ ሀብት፣ መስኖና ኢነርጂ፣ እንዲሁም ለውጭ ግንኙነትና ለሰላም ጉዳዮች ቋሚ ኮሚቴዎች በሙሉ ድምፅ መርቷል፡፡

ባለፈው ዓመት ስምምነቱ በተፈረመበት ወቅት ኢትዮጵያ ፖሊጂሲኤል በተባለ የቻይና ኩባንያ አማካይነት ያገኘችውን የተፈጥሮ ጋዝ ለዓለም ገበያ ማቅረብ የሚያስችል የማስተላለፊያ መስመር ዝርጋታ፣ ከአራት ቢሊዮን ዶላር በላይ በሆነ ወጪ ይገነባል መባሉን መዘገባችን ይታወሳል። በኢትዮጵያ በኩል ስምምነቱን የማዕድንና ነዳጅ ሚኒስትሩ ሳሙኤል ሁርካቶ (ዶ/ር) ከጂቡቲ የኢነርጂና የተፈጥሮ ሀብት ሚኒስትር ዮኒስ ጉልዲ መፈራረማቸው አይዘነጋም።

የተፈጥሮ ጋዝ መስመሩ ከኢትዮጵያ ካሉብና ሂላላ እስከ ጂቡቲ ወደብ  ይዘረጋል፡፡ ስምምነቱ በኢትዮጵያና በቻይና ኩባንያ ፖሊጂሲኤል፣ እንዲሁም በጂቡቲና በኩባንያው መካከል ስለሚኖረው የጋራ ጥቅም የተመለከተ የሕግ ማዕቀፍ የተካተተበት መሆኑም ነበር በወቅቱ የተገለጸው፡፡

የመስመር ዝርጋታው 700 ኪሎ ሜትር ርዝመት ሲኖረው ከካሉብና ከሂላላ እስከ ጂቡቲ ድንበር ድረስ በኢትዮጵያ ምድር ላይ ያርፋል። 67 ኪሎ ሜትር የሚሆነው ደግሞ ከጂቡቲ ድንበር እስከ ወደቡ ድረስ የሚሸፍን እንደሚሆን ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...