Monday, July 15, 2024
- Advertisement -
- Advertisement -
ማኅበራዊባለፈው ሳምንት መገባደጃ 52.6 ኪሎ ግራም አደንዛዥ ዕፅ በቁጥጥር ሥር ዋለ

ባለፈው ሳምንት መገባደጃ 52.6 ኪሎ ግራም አደንዛዥ ዕፅ በቁጥጥር ሥር ዋለ

ቀን:

ግምቱ ከ121 ሚሊዮን ብር በላይ የሆነ ወይም 52.6 ኪሎ ግራም ኮኬይን አደንዛዥ ዕፅ የያዙ አንድ አሜሪካዊና አምስት ብራዚላውያን፣ ቦሌ ዓለም አቀፍ ኤርፖርት መንገደኞች ማስተናገጃ ተርሚናል በቁጥጥር ሥር ዋሉ፡፡

አሜሪካዊውና ብራዚላውያኑ በቁጥጥር ሥር የዋሉት፣ በጉምሩክ የክትትል (ኢንተለጀንስ) ሠራተኞች፣ በኢንተርፖል አባላትና በብሔራዊ መረጃና ደኅንነት አገልግሎት ሠራተኞች ትብብር መሆኑን፣ ገቢዎች ሚኒስቴር አስታውቋል፡፡

ሚኒስቴሩ ባወጣው መግለጫ እንዳስረዳው፣ መነሻውን ከብራዚል ሳኦፖሎ ያደረገው የኢትዮጵያ አየር መንገድ የበረራ ቁጥር ET-507 ኅዳር 7 ቀን 2012 ዓ.ም. ቦሌ ኤርፖርት ይደርሳል፡፡ በፀጥታ ኃይሎች ትብብር በቁጥጥር ሥር የዋለው አሜሪካዊው ዜጋ መዳረሻው ህንድ ቢሆንም፣ ከሻንጣው ውስጥ በፍተሻ የተያዘው 5.2 ኪሎ ግራም አደንዛዥ ፅ ወይም ኮኬይን ከ12 ሚሊዮን ብር በላይ የሚገመት መሆኑን አብራርቷል፡፡

ከአንድ ቀን በፊት በቁጥጥር ሥር የዋሉት አምስቱ ብራዚላውያን ደግሞ መነሻቸውን ከብራዚል አድርገው መዳረሻቸውን ታይላንድ፣ ሩዋንዳና ደቡብ አፍሪካ ሊያደርጉ ያሰቡ ቢሆንም፣ ቦሌ ኤርፖርት በቁጥጥር ሥር መዋላቸውን፣ 47.4 ኪሎ ግራም ኮኬይን አደንዛዥ ዕፅ ከ109 ሚሊዮን ብር በላይ ግምት እንዳለውም ተገልጿል፡፡

አምስቱ ብራዚላውያን በቁጥጥር ሥር የዋሉትም በኢትዮጵያ አየር መንገድ በረራ ቁጥር ኢት-507 ተጓጉዘው፣ ቦሌ ዓለም አቀፍ ኤርፖርት ሲደርሱ በተደረገ ፍተሻ ነው፡፡  

አደንዛዥ ዕፅ አዘዋዋሪዎቹ በቁጥጥር ሥር ሊውሉ የቻሉት፣ የዓለም አቀፍ ጉምሩክ ድርጅት የምሥራቅና ደቡብ አፍሪካ አካባቢያዊ ቢሮ የክትትልና መረጃ ቡድን ባደረሰው መረጃ መሆኑን ገቢዎች ሚኒስቴር ይፋ ካደረገው መረጃ ማወቅ ተችሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...