Wednesday, February 28, 2024
- Advertisement -
- Advertisement -
ዜናበሲዳማ ሕዝበ ውሳኔ አሥረኛውን ክልል የሚያስመሠርት ከፍተኛ ድምፅ ተገኘ

በሲዳማ ሕዝበ ውሳኔ አሥረኛውን ክልል የሚያስመሠርት ከፍተኛ ድምፅ ተገኘ

ቀን:

በደቡብ ክልል የሲዳማ ዞንን የክልልነት ጥያቄ ለመወሰን ረቡዕ ኅዳር 10 ቀን በተካሄደው ሕዝበ ውሳኔ፣ ሲዳማን አሥረኛው ክልል ለማድረግ የሚያስችል ድምፅ ተገኘ፡፡ የኢትዮጵያ ብሔራዊ ምርጫ ቦርድ ቅዳሜ ኅዳር 13 ቀን 2012 ዓ.ም. እንዳስታወቀው ከተሰጠው ድምፅ ውስጥ ለሲዳማ ክልል መሆን ድምፅ የተሰጠው ምልክት (ሻፌታ) 98.51 በመቶ ሲያገኝ፣ ከደቡብ ክልል ጋር ለመቆየት የተሰጠው ምልክት (ጎጆ) 1.48 በመቶ ድምፅ አግኝቷል፡፡

ከተጠበቀው በላይ በሰላም በተጠናቀቀው የሲዳማ ሕዝበ ውሳኔ ከ2.28 ሚሊዮን በላይ ተመዝጋቢዎች ውስጥ ድምፅ የሰጡት 2.27 ሚሊዮን ያህል መሆናቸው ታውቋል፡፡ በዚህም ተሳትፎው 99.86 በመቶ ነው ተብሏል፡፡ ሲዳማ በደቡብ ክልል እንዲቆይ ጎጆን የመረጡት 33,463 እንደሆኑ፣ በክልል እዲደደራጅ ሻፌታን የመረጡት ደግሞ 2,225,249 መሆናቸውን ከቦርዱ ገለጻ ለመረዳት ተችሏል፡፡ ዋጋ አልባ ድምፅ 18,351 እንደሆነ ተገልጿል፡፡

ለድምፅ አሰጣጡ ከስድስት ሺሕ በላይ የምርጫ አስፈጻሚዎች በ1,692 የምርጫ ጣቢያዎች ሲሰማሩ፣ 15 የወረዳ ማስተባበሪያ ጣቢያዎችና አንድ የዞን ማስተባበሪያ ጣቢያ ሥራቸውን ሲያከናውኑ እንደቆዩ ተገልጿል፡፡ የድምፅ ሰጪዎች ምዝገባ ከጥቅምት 27 ቀን 2012 ዓ.ም. እስከ ኅዳር 6 ቀን 2012 ዓ.ም. ድረስ መከናወኑ ይታወሳል፡፡

- Advertisement -

Video from Enat Bank Youtube Channel.

በሕዝበ ውሳኔው ድምፅ ውጤት መሠረት የሲዳማ ዞን አሥረኛው ክልል በመሆን ለመደራጀት የሚችል ሲሆን፣ ይህም ሕገ መንግሥቱ በ1987 ዓ.ም. ፀድቆ ዘጠኝ ክልሎች ከተደራጁና ሁለት የከተማ አስተዳደሮች ከተዋቀሩ ወዲህ የመጀመሪያው ክስተት ይሆናል፡፡ ከዚህ ቀደም በሕዝበ ውሳኔ ወደ ክልልነት ያደገ ዞን ስላልነበረም ሲዳማ እንዲሁ የመጀመሪያው ሊሆን ችሏል፡፡

በሕገ መንግሥቱ አንቀጽ 47 ንዑስ አንቀጽ 3 መሠረት ከዚህ በኋላ የደቡብ ክልል ምክር ቤት አዲስ ለሚቋቋመው የሲዳማ ክልል ሥልጣኑን የሚያስረክብ ሲሆን፣ አዲሱ የሲዳማ ክልልም ጥያቄ ማቅረብ ሳያስፈልገው በቀጥታ የፌዴራል ሪፐብሊኩ አባል ይሆናል፡፡ በደቡብ ክልል ሕገ መንግሥት መሠረትም በደቡብ ክልልና በአዲሱ የሲዳማ ክልል መካከል የንብረት ክፍፍል ይደረጋል፡፡

የሐዋሳ ከተማ አስተዳደርን በተመለከተ የሚቀጥሉት ሁለት ተከታታይ ጠቅላላ ምርጫዎች እስከሚከናወኑ ድረስ የደቡብ ክልልና አዲሱ የሲዳማ ክልል በጋራ ለማስተዳደር ስምምነት ላይ የተደረሰ ሲሆን፣ በኋላ ግን ሙሉ በሙሉ በብቸኝነት የሲዳማ ክልል ይሆናል፡፡ ነባሩ ክልል የራሱን ዋና ከተማ ያፈላልጋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...