Wednesday, December 7, 2022
ሌሎች ዓምዶች
    - Advertisement -
    - Advertisement -
    ማኅበራዊምንነቱ ባልታወቀ ምክንያት የታመሙ ከ30 በላይ ተማሪዎች ወደ ሕክምና ተወሰዱ

    ምንነቱ ባልታወቀ ምክንያት የታመሙ ከ30 በላይ ተማሪዎች ወደ ሕክምና ተወሰዱ

    ቀን:

    ምንነቱ ባልታወቀ ምክንያት ዛሬ ረቡዕ ኅዳር 17 ቀን 2012 .. ከጠዋቱ 230 ሰዓት ላይ የታመሙ የፍሬ ሕይወት ቁጥር አንድ ትምህርት ቤት የአምስተኛ እና እንዲሁም የሰባተኛ እና ክፍሎች ተማሪዎች ለሕክምና ተወሰዱ፡፡

    በድንገት በጥቂት ተማሪዎች በመጀመሪያ ክፍለ ጊዜ የጀመረው ሳል ወደ ሌሎች ተማሪዎች በመጋባቱና ወደ ትውከት በመቀየሩ ቁጥራቸው 30 እስከ 40 የሚሆኑ ተማሪዎች ለሕክምና ወደ ሆስፒታል መወሰዳቸውን የትምህርት ቤቱ ምክትል ርዕሰ መምህር አቶ ወጋየሁ ግርማ ለሪፖርተር ተናግረዋል፡፡ በክፍሎቹ ውስጥ የነበሩ ሁለት መምህራንም በመታመማቸው ለሕክምና ተወስደዋል፡፡

    በታማሚዎቹ ሥጋት ሳቢያ ሌሎች 100 በላይ የቅድመ መደበኛና መደበኛ ተማሪዎች ለሕክምና ወደ ዘውዲቱና ጥቁር አንበሳ ሆስፒታሎች እንዲሁም በዙሪያው ወደሚገኙ ጤና ጣቢያዎች ተወስደዋል፡፡

    ተማሪዎቹ በትምህርት ቤቱ ቅጥር ግቢ ውስጥ የምገባ አገልግሎት የሚሰጣቸው በመሆኑ ተማሪዎቹ የተመገቧቸውን ምግቦች ናሙና በጤና ባለሙያዎች መወሰዱ ታውቋል:: ፖሊስም ለተማሪዎቹ ምግብ የሚያቀርቡ የምግብ አዘጋጆችን ለምርመራ ወስዷቸዋል፡፡ ተማሪዎቹ ለቁርስ ዳቦ፣ ማርማላትና ሻይ የተመገቡ እንደሆነም ማወቅ የተቻለ ሲሆን፣ የመጠቀሚያ ጊዜው ያለፈ የምግብ ማሸጊያ በስፍራው እንዳልታየም ከትምህርት ቤቱ የተገኘው መረጃ ያመለክታል፡፡

    የሕክምና አገልግሎት ተሰጥቷቸው የተሻላቸው ተማሪዎች ወደ ትምህርት ቤቱ እየተመለሱ እንደሚገኙም ታውቋል፡፡

    ሆኖም በሁኔታው የተደናገጡ የተማሪዎች ወላጆች በትምህርት ቤቱ ቅጥር ግቢ በመገኘት ልጆቻችንን ስጡን እያሉ እንደሚገኙ ለማወቅ ተችሏል፡፡

    ፍሬ ሕይወት ቁጥር አንድ ትምህርት ቤት ከሜክሲኮ ወደ ሳር ቤት በሚወስደው መንገድ ጥቂት ገባ ብሎ የሚገኝ ሲሆን፣ ከአንደኛ እስከ ስምንተኛ ክፍል እንዲሁም ቅድመ መደበኛ ትምህርት የሚሰጥበት ትምህርት ቤት ነው፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...