Tuesday, July 23, 2024

ለክቡር ሚኒስትሩ የቀድሞ ሚኒስትር ስልክ ደወሉ

[ለክቡር ሚኒስትሩ አንድ የባንክ ኃላፊ ስልክ ደወለላቸው]

  • ሰላም ክቡር ሚኒስትር?
  • ዛሬ ከየት ተገኘህ?
  • ሪፖርት ላደርግ ነዋ፡፡
  • ምኑን?
  • ግዥውን ነዋ፡፡
  • የምኑ ግዥ?
  • የመስታወቱን ነዋ፡፡
  • እሺ፡፡
  • ክቡር ሚኒስትር በቃ ተተኮስን፡፡
  • እንዴት?
  • እንቅልፍ አልወስድ ብሎኛል፡፡
  • ለምን?
  • ሳስበው ነዋ፡፡
  • ምኑን?
  • ብልፅግናችንን፡፡
  • ፓርቲውን ማለትህ ነው?
  • ከፓርቲው በፊት እኛ ልንበለፅግ ነው፡፡
  • እንዴት?
  • በቃ ሁሉን ነገር በእኔ ጣሉት፡፡
  • አልገባኝም፡፡
  • ውጭ ካሉት አቅራቢዎች ጋር ተነጋግሬያለሁ፡፡
  • ስለምኑ?
  • ስለመስታወት ግዥው፡፡
  • እሺ፡፡
  • ጨረታውን በእነሱ ልክ እንሰፋዋለን፡፡
  • ከዚያስ?
  • ከዚያማ ተውት ክቡር ሚኒስትር፡፡
  • እንዴት?
  • አሁን የአገሪቱ ሁኔታም ጥሩ አይደለም፡፡
  • ምን እያልክ ነው?
  • አማራጭ አገር ሊኖረን ይገባል፡፡
  • ምን?
  • እውነቴን ነው ክቡር ሚኒስትር፡፡
  • ባለፈው አለቃችን ያሉትን አልሰማህም እንዴ?
  • ለዚያ እኮ ነው አማራጭ አገር ያስፈልገናል የምልዎት፡፡
  • ምን ማለት ነው?
  • እንደዚህ ዓይነት አጋጣሚ ሲገኝ መብላት አለብን፡፡
  • እ…
  • ብልፅግናን በተግባር ነው ማሳየት ያለብን፡፡
  • ይኼ እኮ ስርቆት ነው፡፡
  • ማን ነው ያለው?
  • ምንድነው ታዲያ?
  • እኛ ፕሮፌሽናል ሥራ ነው የምንሠራው፡፡
  • የምን ሥራ ነው?
  • ጨረታ እናወጣለን፡፡
  • እሺ፡፡
  • ከዚያም ግዥውን እንፈጽማለን፡፡
  • ዋናው ጥያቄ እንዴት የሚለው ነው?
  • ስነግርዎት ማንም ጥያቄ የማያነሳበት ሒደት ነው የሚኖረው፡፡
  • እ…
  • እኔው ራሴ ሄጄ ነኝ ዕቃውን የምመርጠው፡፡
  • ከዚያስ?
  • ከዚያማ እኛም እንቀበላለን፡፡
  • ኮሚሽን፡፡
  • እ…
  • ለዚያውም…
  • እ…
  • በዶላር!

[ለክቡር ሚኒስትሩ አንድ ባለሀብት ስልክ ደወለላቸው]

  • ምነው ክቡር ሚኒስትር?
  • ምን ሆንክ?
  • ምን አደረግናችሁ?
  • ምን እያልክ ነው?
  • ዜናውን ሰምቼ እኮ ነው፡፡
  • የምን ዜና?
  • ሊገቡ ነው የሚለውን ነዋ፡፡
  • ውህዱ ውስጥ ነው፡፡
  • ኧረ እኔ ስለውህዱ ምን አገባኝ?
  • ታዲያ ምንድነው የምታወራው?
  • ኧረ የውጭ ኩባንያዎቹን ነው ያልኩዎት፡፡
  • የት ነው የሚገቡት?
  • የዘይትና የስኳር ንግድ ውስጥ ነዋ፡፡
  • ምን ችግር አለው?
  • እኛ እኮ እዚህ የደረስነው በዚህ ንግድ ነው፡፡
  • እሱማ ይታወቃል፡፡
  • ታዲያ እኛ ላይ ምነው ጨከናችሁ?
  • እናንተ ናችሁ እንጂ ጨካኝ የሆናችሁት፡፡
  • እንዴት?
  • ይኸው በየቀኑ ሕዝቡ ላይ ዋጋ እየጨመራችሁበት ታስመርሩታላችሁ፡፡
  • እ…
  • እሱም አልበቃ ብሏችሁ ለጤንነት ተስማሚ ያልሆነ ምርት እያመጣችሁ ትቸበችባላችሁ፡፡
  • ቢሆንም ክቡር ሚኒስትር…
  • ምን ቢሆንም ትለኛለህ?
  • አይቆጡ እንጂ ክቡር ሚኒስትር?
  • ለምን አልቆጣ?
  • ምን አጠፋሁ?
  • ስንት ዓመት ዘይት ስትነግድ ፋብሪካ እንኳን ለመገንባት ምንም ፍላጎት አታሳይም?
  • ያው አያዋጣም እኮ፡፡
  • ስለዚህ አንተ ስለራስህ እንጂ ስለሕዝቡ አታስብም፡፡
  • እዚህ አገር ስለሕዝብ የሚያስብ አለ እንዴ?
  • እሱስ ልክ ነህ፡፡
  • ታዲያ እኔን ከሌሎቹ እንዴት ልለይ እችላለሁ?
  • ስለዚህ አሁን ከውጭ እናስገባለን፡፡
  • እ…
  • ለሕዝቡ የሚያስቡ የውጭ ነጋዴዎችን እናስመጣለን፡፡
  • እነሱስ ቢሆን ለሕዝቡ ያስባሉ ብለው ነው?
  • እሱን የምናየው ይሆናል፡፡
  • ግን በዚህ ጊዜ መሆኑ ያሳዝናል ክቡር ሚኒስትር፡፡
  • ለምን?
  • ስለብልፅግና እየተወራ እኛ ላይ ጫና መፍጠሩ ተገቢ አይደለም፡፡
  • ለእናንተ ብልፅግና አይገባም፡፡
  • ምንድነው የሚገባው?
  • ማረሚያ ቤት!

[ክቡር ሚኒስትሩ ከደላላ ወዳጃቸው ጋር ተገናኝተው ምሳ እየበሉ ነው]

  • ምን ይጨመር ክቡር ሚኒስትር?
  • እየበላሁ እጨምራለሁ፡፡
  • ምን ነካዎት ክቡር ሚኒስትር?
  • ምነው?
  • ጊዜው የብልፅግና ነው፡፡
  • እሱማ ልክ ነው፡፡
  • ስለዚህ ገበታው መትረፍረፍ አለበት፡፡
  • እ…
  • ክቡር ሚኒስትር መቼም ኢሕአዴግ ፈርሷል፡፡
  • ያው እሱን አፍርሰን አይደል ብልፅግናን የምናቋቁመው፡፡
  • ስለዚህ የኢሕአዴግ ሥርዓትም ፈርሷል ማለት ነው፡፡
  • ምን ጥያቄ አለው?
  • አዩ ኢሕአዴግ በወሬ እንጂ በተግባር ስለሌለበት እኛ በብልፅግና ለየት ማለት አለብን፡፡
  • እንዴት?
  • የምናወራውን በተግባር ማሳየት አለብን፡፡
  • ምን እያልከኝ ነው?
  • ብልፅግናን በተግባር ማሳየት አለብን፡፡
  • እ…
  • ለእሱ ደግሞ ከሕዝቡ በፊት መሪዎቹ በተግባር ማሳየት አለባቸው፡፡
  • ማለት?
  • መበልፀግ አለብዎት፡፡
  • እንዴት?
  • እኔ ጥሩ ስትራቴጂ እየነደፍኩ ነው፡፡
  • ምን ዓይነት ስትራቴጂ?
  • እርስዎ የሚበለፅጉበትን ነዋ፡፡
  • እኮ እንዴት?
  • ከበርካታ የውጭ ኩባንያዎች ጋር እየተነጋገርኩ ነው፡፡
  • እ…
  • ወደዚህ ለመምጣት አሰፍስፈው እየጠበቁ ነው፡፡
  • እና?
  • እናማ ከሚመጡት ሁሉ ጋር በሽርክና እንሠራለን፡፡
  • እ…
  • ክቡር ሚኒስትር ምነው ደነገጡ?
  • የምትነግረኝ ነገር ነዋ ያስደነገጠኝ፡፡
  • ስነግርዎት ብልፅግናን በተግባር ማሳየት አለብን፡፡
  • ሥልጣን ላይ የተቀመጥነው እኮ ሕዝቡን ለማበልፀግ ነው፡፡
  • አንድ ነገር ልንገርዎት ክቡር ሚኒስትር?
  • ምን?
  • እኛ ካልበለፀግን ሕዝቡ አይበለፅግም፡፡
  • እ…
  • ሁሉ ነገር መጀመር ያለበት ከመሪዎች ነው፡፡
  • እሱማ ትክክል ነው፡፡
  • ስለዚህ ብልፅግናም በእርስዎ መታየት አለበት፡፡
  • አሁን የምትነግረኝ አካሄድ ግን ትክክል አይመስለኝም፡፡
  • እንዴት?
  • በዚህ መንገድ ብንበለፅግ ባለፀጋ አንባልም፡፡
  • ታዲያ ምንድነው የምንባለው?
  • ባለጌ!

[ለክቡር ሚኒስትሩ የቀድሞ ሚኒስትር ስልክ ደወሉ]

  • ምን ፈለግክ?
  • ተው እንጂ ክቡር ሚኒስትር፡፡
  • አንዋሀድም አላችሁ አይደል እንዴ?
  • ታዲያ በማናውቀው ፕሮግራም እንዴት እንዋሀዳለን?
  • የእናንተ ፕሮግራምማ የትም አላስኬደንም፡፡
  • ይኼ ሁሉ ልማት በምን መጣ ታዲያ?
  • አሁን አገሪቱን ማስቀጠል አልቻለም፡፡
  • የእኛን ታሪክ ለማጥፋት ነው ይኼ ሁሉ ሩጫ?
  • የእናንተን ጥፋት ለማረም ነው እንጂ፡፡
  • እ…
  • ይኸው በጭቆና አንገቱን ያስደፋችሁትን ሕዝብ ቀና ልናደርገው ነው፡፡
  • በምን?
  • በብልፅግና ነዋ፡፡
  • የእናንተማ ዓላማ ገብቶናል፡፡
  • ምንድነው?
  • አሃዳዊ ሥርዓት ማምጣት ነዋ፡፡
  • አሃዳዊው ሥርዓትማ የእናንተ ነበር፡፡
  • እንዴት?
  • እናንተ አልነበራችሁ እንዴ አገሪቱን ከዳር እስከ ዳር በእጅ አዙር ስትገዙ የበራችሁት፡፡
  • እ…
  • ያበለፀጋችሁትም ራሳችሁ እንጂ ሕዝቡን አይደለም፡፡
  • ግድ የለም ጊዜ ጥሎን ነው፡፡
  • አሁን እናንተን ማንም አይፈልጋችሁም፡፡
  • እ…
  • በአዲሱ ፓርቲ ያላችሁን ቦታም በሐራጅ ሸጠነዋል፡፡
  • ቀለዱ ክቡር ሚኒስትር?
  • እውነቴን ነው፡፡
  • ችግር የለም፡፡
  • ለማንኛውም ብልፅግና የእናንተን ሥርዓት ገርስሶታል፡፡
  • የእኛ ሥርዓት ምንድነው?
  • ጨፍላቂ!

በብዛት የተነበቡ ፅሁፎች

- Advertisment -

ትኩስ ፅሁፎች

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...

የኢትዮጵያ ንግድ ባንክ ከፍተኛ ትርፍ ቢያገኝም የውጭ ምንዛሪ ገቢው ቅናሽ ማሳየቱ ተጠቆመ

የኢትዮጵያ ንግድ ባንክ በ2016 የሒሳብ ዓመት ያሰባሰበው የውጭ ምንዛሪ...
spot_img

ተዛማጅ ፅሁፎች

[ክቡር ሚኒስትሩ የቅርብ ወዳጃቸው ከሆነች አንድ ባለሀብት የተደወለላቸውን ስልክ አንስተው በኮሪደር ልማቱ ላይ የምታቀርበውን ቅሬታ እየሰሙ ነው]

ክቡር ሚኒስትር እኔ የኮሪደር ልማቱ ላይ ተቃውሞም ሆነ ጥላቻ እንደሌለኝ የሚያውቁ ይመስለኛል? በዚህ እንኳን አትታሚም።  የእውነቴን ነው ክቡር ሚኒስትር። አውቃለሁ ስልሽ? ለኮሪደር ልማቱ አዋጡ ሲባልም ያለማመንታት አምስት ሚሊዮን...

[ክቡር ሚኒስትሩ በችግኝ ተከላ ፕሮግራም ላይ ሳይገኝ ከቀረው አንድ የተቋማቸው ባልደረባ የሆነ የተቃዋሚ ፓርቲ አባልን አስጠርተው እያናገሩ ነው]

ለምንድነው በዚህ አገራዊ ፋይዳ ባለው ፕሮግራም ላይ ያልተገኘኸው? ክቡር ሚኒስትር ህሊናዬ አልፈቀደልኝም። መቃወምና መተቸት ብቻ ውጤት የሚያመጣ መስልዎህ ከሆነ ተሳስተሃል። አልተሳሳትኩም ክቡር ሚኒስትር? ቆይ የመጀመሪያ ዓመት የችግኝ ተከላ...

[ክቡር ሚኒስትሩ ከሚያከብሯቸው አንድ የቀድሞ ጉምቱ ፖለቲከኛ ስልክ ተደውሎላቸው እያወሩ ነው]

አንዳንድ ነገሮች ቢያሳስቡኝ ነው ቀጠሮ ሳልይዝ ላነጋግርህ የፈለኩት ክቡር ሚኒስትር፡፡ እርስዎማ ቀጠሮ መያዝ አያስፈልግዎትም፣ ምን ገጠመዎት? እኔማ ምን ይገጥመኛል አንተኑ ልጠይቅህ እንጂ? ምን? እውነት ለመናገር የማየው ነገር አሳስቦኛል፡፡ ይንገሩኝ...