Tuesday, October 4, 2022
ሌሎች ዓምዶች
    - Advertisement -
    - Advertisement -
    ማኅበራዊበድንገተኛ ሕመም ሆስፒታል የተወሰዱ መምህራንና ተማሪዎች ጉዳይ እየተመረመረ ነው

    በድንገተኛ ሕመም ሆስፒታል የተወሰዱ መምህራንና ተማሪዎች ጉዳይ እየተመረመረ ነው

    ቀን:

    ረቡዕ ኅዳር 17 ቀን 2012 ዓ.ም. ከጠዋቱ 2፡30 ሰዓት ላይ በድንገት ታመው የነበሩ የፍሬ ሕይወት ቁጥር አንድ ትምህርት ቤት መምህራንና ተማሪዎች ጉዳይ፣ ከምግብ መመረዝ ጋር ግንኙነት እንደሌለው ተገለጸ፡፡ በጉዳዩ ላይ ምርመራ እየተካሄደ ነው፡፡

     የምግብ ናሙና ተልኮለት እየመረመረ የሚገኘው የኢትዮጵያ የኅብረተሰብ ጤና ኢንስቲትዩት፣ የምርመራ ውጤቱን ከቀናት በኋላ እንደሚያሳውቅ ለሪፖርተር ገልጿል፡፡ ኢንስቲትዩቱ የተላከለትን የምግብ ናሙና የማይክሮ ባዮሎጂ ምርመራ እያደረገበት መሆኑን አስታውቋል፡፡

    በሳል ጀምሮ ወደ ትውከት የተለወጠው የአምስተኛ ሀ እና ለ፣ የሰባተኛ ሀ እና ለ ክፍል ተማሪዎች፣ እንዲሁም መምህራን አጣዳፊ ሕመም 36 ተማሪዎችን አዳርሶ እንደነበርና ለሕክምና ወደ ሆስፒታል መወሰዳቸው ይታወሳል፡፡

    ኅዳር 18 ቀን 2012 ዓ.ም. የአዲስ አበባ ከተማ አስተዳደር ባወጣው መግለጫ ተማሪዎቹ የገጠማቸው የጤና ችግር ከምግብ መመረዝ ጋር እንደማይገናኝ ገልጾ በአሁኑ ወቅት በመልካም ጤንነት ላይ እንደሚገኙ፣ የመማር ማስተማሩ ሒደት እንደ ወትሮው መቀጠሉን አስታውቋል፡፡

    የትምህርት ቤቱ ምክትል ርዕሰ መስተዳድር አቶ ወጋየሁ ግርማ እንዳሉት፣ ከተማሪዎቹ በተጨማሪ በወቅቱ አምስት መምህራንም ታመው ነበር ብለዋል፡፡ ጠዋት በመጀመርያው ክፍለ ጊዜ የመታመም ምልክት ያሳዩ ሰባት ተማሪዎች ነበሩ፡፡ እየቆየ ሲሄድ ግን የታመሙ ተማሪዎች ቁጥር 36 መድረሱን ገልጸዋል፡፡ ትምህርት ቤቱ ሕክምና እንደሚያስፈልጋቸው አረጋግጦ በአቅራቢያ ወደሚገኝ ጤና ጣቢያ የላካቸውም 36 ተማሪዎችን ብቻ ነበር፡፡

    ይሁንና በተፈጠረው መደናገጥ ወላጆች ትምህርት ቤት ድረስ በመሄድ ልጆቻቸውን ወደ ተለያዩ ጤና ተቋማት ወስደው በማሳየታቸው የታመሙት ተማሪዎች ቁጥር ከፍተኛ መምሰሉን፣ ትምህርት ቤቱ ለሕክምና ወደ ጤና ጣቢያ ከላካቸው 36 ተማሪዎች ከሁለቱ በስተቀር ከቀኑ ዘጠኝ ሰዓት ላይ ሕክምናቸውን ሲጨርሱ፣ ሁለቱ ደግሞ ምሽት ላይ አገግመው ወደ ቤታቸው መመለሳቸውን፣ በማግሥቱ ትምህርት ቤቱ መደበኛ የመማር ማስተማር ሒደቱን እንደቀጠለ አቶ ወጋየሁ ገልጸዋል፡፡

    ምክትል ከንቲባ ታከለ ኡማ ትምህርት ቤቱን ኅዳር 18 ቀን 2012 ዓ.ም. በጎበኙበት ወቅት ከተማሪዎች ጋር አብረው ቁርስ ሲበሉ የሚያሳየው ምሥል መታየቱ አይዘነጋም፡፡

    - Advertisement -

    ይመዝገቡ

    spot_img
    spot_img