Friday, December 8, 2023
- Advertisement -
- Advertisement -
ዜናየምርጫ ማስፈጸሚያ ሕጉን የተመለከተ ውይይት ባለመግባባት ተበተነ

የምርጫ ማስፈጸሚያ ሕጉን የተመለከተ ውይይት ባለመግባባት ተበተነ

ቀን:

የኢትዮጵያ ብሔራዊ ምርጫ ቦርድ ዓርብ ኅዳር 19 ቀን 2012 ዓ.ም. ለግማሽ ቀን ከፖለቲካ ፓርቲዎች ጋር በምርጫ ሕጉ ማስፈጸሚያ ደንብ ላይ ሲያካሂድ የነበረው ውይይት፣ ፓርቲዎቹ ከዚህ ቀደም የጠየቅናቸው ጥያቄዎች ምላሽ ሳያገኙ አንወያይም በማለታቸው መበተኑን የፖለቲካ ፓርቲዎች የጋራ ምክር ቤት ምክትል ሰብሳቢ አቶ ግርማ በቀለ ለሪፖርተር አስታወቁ፡፡

‹‹የምርጫና የፖለቲካ ፓርቲዎች አዋጅ በሕዝብ ተወካዮች ምክር ቤት ከመፅደቁ በፊት የሰጠናቸው አስተያየቶችና ያቀረብናቸው መሠረታዊ ጥያቄዎች ምላሽ ሳያገኙና በአዋጁ ላይ ጥያቄ እያለን የአዋጁ አፈጻጸም ላይ መወያየት እንደማንችል ገልጸናል፤›› ሲሉ አቶ ግርማ አስረድተዋል፡፡ 

ከዚህ በተጨማሪም ከሁለት ወራት በፊት የቦርዱንና የፖለቲካ ፓርቲዎችን ግንኙነት የሚመለከት ውይይት መካሄዱን ያስታወሱት አቶ ግርማ፣ በወቅቱም የቦርዱ ገለልተኝነት ላይ ጥያቄ አንስተው በቀጣይ ለመወያየት ቀጠሮ መያዙንም ገልጸዋል፡፡ እንዲህ ዓይነት ጉዳዮች ባልተፈቱበትና በርካታ ጉዳዮች በእንጥልጥል ላይ ሆነው ስለምርጫ ማስፈጸሚያ ሕግ መወያየቱ ፋይዳ አይኖረውም የሚል ሐሳብ በፓርቲዎች በኩል በመራመዱ፣ ቦርዱ የጠራው ስብሰባ መበተኑን አክለው ገልጸዋል፡፡

የቦርዱ ሰብሳቢ ወ/ሪት ብርቱካን ሚደቅሳ የፖለቲካ ፓርቲዎችና የምርጫ አዋጅ በሕዝብ ተወካዮች ምክር ቤት የፀደቀ በመሆኑ ከዚህ በኋላ ቦርዱን የሚመለከት ጉዳይ እንዳልሆነ በመግለጽ፣ እንደ ተቋም የአዋጁን ማስፈጸሚያ ረቂቅ ደንብ ማውጣትና መተግበር ስለሚያስፈልግ የፖለቲካ ፓርቲዎች እንደ ባለድርሻ አካል በረቂቁ ላይ ሐሳብ እንዲሰጡ መጠየቃቸው ታውቋል፡፡

የፖለቲካ ፓርቲዎች የጋራ ምክር ቤት ከዚህ ቀደም የፖለቲካ ፓርቲዎችና የምርጫ አዋጅን መውጣት ተከትሎ አዋጁ የመጨረሻ አዋጅ ሆኖ እንዳይወጣ፣ ወይም ደግሞ አዋጁን የማሻሻል ሥራ በአስቸኳይ እንዲከናወን ጠይቆ ነበር፡፡    

ይህንንና መሰል ጥያቄዎችን ሲያቀርብ የነበረው የፖለቲካ ፓርቲዎች የጋራ ምክር ቤት፣ በቃል ኪዳን ስምምነታችን መሠረት የተሰጠንን ኃላፊነት መወጣት የማያስችል አዋጅ ነው በማለት መቃወሙንም መዘገባችን ይታወሳል፡፡

ወ/ሪት ብርቱካንና የቦርዱ አባላት የፖለቲካ ፓርቲዎች በሌላ ጊዜ ውይይት ተዘጋጅተው እንዲመጡ፣ ጥያቄ ካላቸውም በጽሑፍ እንዲያቀርቡ መጠየቃቸው ታውቋል፡፡

የፖለቲካ ፓርቲዎች የጋራ ምክር ቤት የተቋቋመው በመጋቢት ወር 2011 ዓ.ም. ገዥው የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ጨምሮ 107 ፓርቲዎች በፈረሙት የቃል ኪዳን ስምምነት መሠረት ሲሆን፣ በወቅቱ ኢሕአዴግን በመወከል የቃል ኪዳን ሰነዱ ላይ ፊርማቸውን ያኖሩት ጠቅላይ ሚኒስትር ዓብይ አህመድ (ዶ/ር) ነበሩ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ታዋቂው የኤሌክትሮኒክስ ብራንድ አይቴል የስትራቴጂ ለውጥ አካል የሆነውን አዲስ አርማ እና መለዮ ይፋ አደረገ።

በአለማችን ታዋቂ ከሆኑት የኤሌክትሮኒክስ ብራንዶች መካከል አንዱ የሆነው እና...

የጠቅላላ ጉባኤ ስብሰባ ጥሪ ለሸገር አነስተኛ የፋይናንስ ተቋም አ.ማ ባለአክሲዮኖች በሙሉ

ለሸገር አነስተኛ የፋይናንስ ተቋም አ.ማ ባለአክሲዮኖች በሙሉ የሸገር አነስተኛ የፋይናንስ...

[የክቡር ሚኒስትሩ ጸሐፊ፣ የሌላ ሚኒስትር ጸሐፊ ከሆነችው የቅርብ ወዳጇ ጋር በስልክ እየተጨዋወቱ ነው]

አንቺ ግን ምን ሆነሽ ነው? ጠፋሁ አይደል? ጠፋሁ ብቻ?! ምን ላድርግ ብለሽ...

በሱዳን ላይ ያጠላው የመከፋፈል ዕጣና ቀጣናዊ ተፅዕኖው

የሱዳን ጦርነት ስምንተኛ ወሩን እያገባደደ ይገኛል፡፡ ጄኔራል አብዱልፈታህ አልቡርሃን...