Thursday, July 25, 2024
- Advertisement -
- Advertisement -
ዜናየቢሾፍቱ አውቶሞቲቭ ኢንዱስትሪ ኃላፊዎች ከ20 ሚሊዮን ብር በላይ ጉዳት ማድረስ ክስ ተመሠረተባቸው

የቢሾፍቱ አውቶሞቲቭ ኢንዱስትሪ ኃላፊዎች ከ20 ሚሊዮን ብር በላይ ጉዳት ማድረስ ክስ ተመሠረተባቸው

ቀን:

በብረታ ብረትና ኢንጂነሪንግ ኮርፖሬሽን (ሜቴክ) የቢሾፍቱ አውቶሞቲቭ ኢንዱስትሪ ዋና ሥራ አስኪያጅ፣ ምክትል ዋና ሥራ አስኪያጅና የአስተዳደር ኃላፊ፣ እንዲሁም የንጋት ኮከብ ትራንስፖርት አገልግሎት አክሲዮን ማኅበር ፕሬዚዳንት በመንግሥት ላይ ከ20.6 ሚሊዮን ብር በላይ ጉዳት አድርሰዋል ተብለው ክስ ተመሠረተባቸው፡፡

ተከሳሾቹ ኮሎኔል ገብረ መድህን ዘሥላሴ፣ ሻለቃ ረመዳን ለጋስና አቶ ይልቃል ጫኔ ናቸው፡፡ የወንጀል ድርጊቱን ፈጽመዋል በማለት የፌዴራል ጠቅላይ ዓቃቤ ሕግ ክስ የመሠረተባቸው በፌዴራል ከፍተኛ ፍርድ ቤት ልደታ ምድብ ችሎት ነው፡፡ ተከሳሾቹ በ2002 ዓ.ም. የወጣውን የሚኒስትሮች ምክር ቤት ደንብ ቁጥር 183/2002 አንቀጽ 5 (1-8)  የተደነገገውንና የወንጀል ሕግ አንቀጽ 32 (1ሀ)፣ 33 እና የሙስና ወንጀሎች አዋጅ ቁጥር 881 አንቀጽ 13 (1ሐ) እና (2) ድንጋጌን በመተላለፍ መሆኑን ዓቃቤ ሕግ በክሱ ገልጿል፡፡

የዓቃቤ ሕግ ክስ እንደሚያስረዳው፣ የቢሾፍቱ አውቶሞቲቭ ኢንዱስትሪ ዋና ሥራ አስኪያጅ ኮሎኔል ገብረ መድኅንና ምክትል ሥራ አስኪያጁ ሻለቃ ረመዳን  ኅዳር 19 ቀን 2009 ዓ.ም. ከኮከብ ትራንስፖርት አገልግሎት አክሲዮን ማኅበር ፕሬዚዳንት አቶ ይልቃል ጋር ሕገወጥ ውል ተዋውለዋል፡፡ ኃላፊዎቹ ውሉን የተዋዋሉት የተሰጣቸውን የመንግሥት ኃላፊነት ወደ ጎን በመተው ተገቢ ያልሆነ ጥቅም ለራሳቸውና ለሌላ ሰው ለማስገኘት መሆኑን ክሱ ያስረዳል፡፡

በመሆኑም የሕዝብና የመንግሥትን ጥቅም ለማስጠበቅ ውል መዋዋል ሲገባቸው ተቃራኒ በሆነ፣ አግባብነት በሌለውና ሕጋዊ ባልሆነ የድጋፍ ውል በመዋዋል 18 ሚሊዮን ብር ከብረታ ብረትና ኢንጂነሪንግ ኮርፖሬሽን ቢሾፍቱ አውቶሞቲቭ ኢንዱስትሪ የኢትዮጵያ ንግድ ባንክ ሒሳብ፣ ለንጋት ኮከብ ትራንስፖት አገልግሎት አክሲዮን ማኅበር ያላግባብ እንዲከፈል ማድረጋቸውን ዓቃቤ ሕግ በክሱ አብራርቷል፡፡

የንጋት ኮከብ ትራንስፖርት አክሲዮን ማኅበር ፕሬዚዳንት አቶ ይልቃል ዋና የወንጀል ድርጊት ተካፋይ ሆነው ቢሾፍቱ አውቶሞቲቭ ኢንዱስትሪ የመንግሥት የልማት ድርጅት እንጂ ድጋፍ ሰጪ ወይም ገንዘብ አበዳሪ ተቋም አለመሆኑን እያወቁ፣ ውል በመዋዋል ገንዘቡ ለማኅበሩ ያላግባብ እንዲከፈል ማድረጋቸውንና መንግሥትን የሚጎዳ ድርጊት መፈጸማቸውን ዓቃቤ ሕግ በክሱ ገልጿል፡፡

በመሆኑም ተከሳሾቹ ከሕግ አግባብ ውጪ እንዲከፈል ያደረጉት 18,000,000 ብርና ወለድ 2,687,178 ብር፣ በአጠቃላይ 20,687,178 ብር በመንግሥት ላይ ጉዳት በማድረሳቸው በመፈጸሙት የመንግሥት ሥራ በማያመች አኳኋን መምራት ከባድ የሙስና ወንጀል ክስ ማክሰኞ ኅዳር 30 ቀን 2012 ዓ.ም. ተመሥርቶባቸዋል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...