Sunday, April 14, 2024
- Advertisement -
- Advertisement -
ኪንና ባህልአሥራ አራተኛው የኢትዮጵያ ኢንተርናሽናል የፊልም ፌስቲቫል እየተካሄደ ነው

አሥራ አራተኛው የኢትዮጵያ ኢንተርናሽናል የፊልም ፌስቲቫል እየተካሄደ ነው

ቀን:

በተመስገን ተጋፋው

‹‹አብሮነትን በፊልም ማሳደግ›› በሚል መሪ ቃል ከታኅሣሥ 6 እስከ 13 ቀን 2012 ዓ.ም. በአዲስ አበባ በመካሄድ ላይ የሚገኘው የኢትዮጵያ ኢንተርናሽናል የፊልም ፌስቲቫል የተለያዩ ቁም ነገር አዘል ፕሮግራችን ይዞ ብቅ ብሏል፡፡

ለአንድ ሳምንት ያህል የሚቆየው ይህ የፊልም ፌስቲቫል ከተለያዩ አገሮች የተውጣጡ የፊልም ባለሙያዎችን ያሳትፋል፡፡ በኦሮሚያ ባህል ማዕከልና በጀርመን ጎተ ኢንስቲትዩት ውስጥ የተለያዩ ፕሮግራሞች እንደሚካሄድ ታኅሣሥ 6 በማሪዮት ሆቴል ላይ በተደረገው ጋዜጣዊ መግለጫ ላይ ተነግሯል፡፡

- Advertisement -

Video from Enat Bank Youtube Channel.

የፌስቲቫሉ ዋና ዳይሬክተር አቶ ይርጋሸዋ ተሾመ እንዳሉት፣ አሥራ አራተኛው የፊልም ፌስቲቫል ከ70 በላይ የሚሆኑ የአማርኛና የእንግሊዝኛ ፊልሞችን ለዕይታ እንደሚቀርቡ ተናግረዋል፡፡

ዓርብ ታኅሣሥ 10 ቀን 2012 ዓ.ም. በኦሮሚያ ባህል ማዕከል ከኢጋድ ጋር በመተባበር በሚካሄደው የግማሽ ቀን ኮንፍረንስ፣ ከተለያዩ አገር የተውጣጡ ባለሙያዎች ይገኙበታል፡፡ ትኩረቱም ወጣት የፊልም ባለሙያዎች በሰላም ግንባታ ላይ ያላቸው ሚና ምን እንደሚመስል የሚዳሰስ መሆኑን ዳይሬክተሩ ተናግረዋል፡፡ ረቡዕ ታኅሣሥ 8 በጎተ ኢንስቲትዩት ውስጥ ከኔዘርላንድ በመጣ ባለሙያ የኢትዮጵያ የፊልም ባለሙያዎች የኦንላይን ፕላት ፎርም ተጠቃሚ የሚሆኑበትን መንገድ ለማስተማር ዝግጅቶች እንደተደረጉ ተገልጿል፡፡ በኢትዮጵያ የሚገኙ የፊልም ባለሙያዎች ኦንላይ ፕላት ፎርምን በመጠቀም አገልግሎትን የሚያገኙበት በር እንደሚከፍት አቶ ይርጋሸዋ አስታውሰዋል፡፡

ከህንድ ኤምባሲ ጋር በመተባበርም ‹‹ከቦሊድ ፊልሞች ማኅበረሰቡ ምን ይማራል?›› በሚል ርዕስ የውይይት መድረክ ይካሄዳል፡፡ ፌስቲቫሉ ላይም በየዓመቱ ለኢትዮጵያ የፊልም ባለሙያዎች አጫጭር ሥልጠናዎችም እየተሰጣቸው መሆኑን ዳይሬክተሩ አስረድተዋል፡፡ 

ታኅሣሥ 13 በኦሮሚያ ባህል ማዕከል ላይ በአሥር ምድብ በመከፋፈል ምርጥ ፊልም፣ ምርጥ ሲኒማቶግራፊ፣ ምርጥ ዳይሬክተር፣ ምርጥ አጭር ፊልም፣ ምርጥ ኢዲተር፣ እንዲሁም ሌሎችን ባካተተ መልኩ የሽልማት አሰጣጥ ፕሮግራም እንደሚካሄድ፣ የሽልማቱ አሰጣጥም ከተለያዩ ቦታ የተውጣጡ ባለሙያዎች በመረጡት ምርጫ እንደሆነ አቶ ይርጋሸዋ ገልጸዋል፡፡

ኢትዮጵያ ካለችበት የፊልም ኢንዱስትሪ አንድ ዕርምጃ ከፍ እንድትል ፌስቲቫሉም ትልቅ አስተዋጽኦ እያደረገ መሆኑን፣ ይሁን እንጂ መንግሥት በአሁን ሰዓት ምንም ዓይነት ድጋፍ እያደረገላቸው እንዳልሆነ ሳይገልጹ ያላለፉት አቶ ይርጋሸዋ፣ የፊልም ኢንዱስትሪ እንዲያደግ መንግሥትም ሆነ ሌሎች ባለድርሻ አካላት አንድ ላይ በመሆን መሥራት ይገባቸዋል በማለት መልዕክታቸውን አስተላልፈዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...