Thursday, December 1, 2022
ሌሎች ዓምዶች
    - Advertisement -
    - Advertisement -
    ዜናየመስጊዶችን ቃጠሎ በመቃወም በበርካታ ከተሞች ሠልፎች ተካሄዱ

    የመስጊዶችን ቃጠሎ በመቃወም በበርካታ ከተሞች ሠልፎች ተካሄዱ

    ቀን:

    በአማራ ክልል በምሥራቅ ጎጃም ዞን በሞጣ ከተማ በቅርቡ በመስጊዶች ላይ የተፈጸመውን ቃጠሎ በመቃወም፣ በአገሪቱ የተለያዩ በርካታ ከተሞች ሠልፎች ተካሄዱ፡፡ የእስልምናና የክርስትና እምነቶች ተከታዮች በአንድነት የወጡባቸው የተቃውሞ ሠልፎችም ታይተዋል፡፡

    የተቃውሞ ሠልፎቹ ዓርብ ታኅሳስ 17 ቀን 2012 ዓ.ም. በአዲስ አበባ በኒን መስጊድ፣ በኦሮሚያ ክልል በባሌ ዞን፣ በምዕራብና በምሥራቅ ሐረርጌ ዞኖች፣ በጂማ ዞን፣ በምዕራብና ምሥራቅ ወለጋ ዞኖች፣ በአርሲ ዞን፣ በኢሊባቡራ ዞን፣ በአማራ ክልል በደቡብና በሰሜን ወሎ ዞኖች፣ በደቡብ ክልል በጉራጌ ዞን፣ በስልጤ ዞን፣ በአፋር ክልል፣ በሶማሌ ክልል፣ ወዘተ በርካታ ከተሞች ተካሂደዋል፡፡ በእንግሊዝም አገርም ኢትዮጵያዊያን ሙስሊሞች የተቃውሞ ሠልፍ አድርገዋል፡፡

    በተቃውሞ ሠልፎቹ ላይ ከተሰሙት መፈክሮች መካከል፣ ‹‹መስጊድ አቃጥለው የጨፈሩ ነውረኞች ለፍርድ ይቅረቡ፣ ጉዳት ለደረሰባቸው ሁሉ ይቅርታና ካሳ እንሻለን፣ የአማራ ክልል መንግሥት የተቃጠሉ መስጊዶችን በአፋጣኝ ያስገንባ፣ ዛሬ መስጊድን ያላስከበረ ነገ አገሩን አያስከብርም፣ አግላይ ሚዲያ የዴሞክራሲና የፍትሕ ፀር ነው፣ ለሰላምና ለፍትሕ ሁሌም ዘቦች ነን፣ አገራችንን ወደ ብልፅግና ማሸጋገር ቃል ኪዳናችን ነው፣ ለእውነት የሚወግንና ለፍትሕ የሚተጋ ዜጋ በመፍጠር አገራችንን ወደ ሥልጣኔ እናሻግራለን . . . ›› የሚሉት ተጠቃሽ ናቸው፡፡

    በተጨማሪም፣ ‹‹መስጊድ አይፈርስም፣ ቤተ ክርስቲያንም አይፈርስም፣ ኢትዮጵያ አትፈርስም፣ አፍራሾች ግን ይፈርሳሉ፤›› የሚል መፈክር በሠልፎች ላይ ታይቷል፡፡

    በሁሉም የተቃውሞ ሠልፎች ላይ በሞጣ ከተማም ሆነ ከዚያ በፊት በመስጊዶች ላይ የተፈጸሙ ጥቃቶችና ማቃጠሎች ተወግዘዋል፡፡ በሁሉም ከተሞች የተደረጉት የተቃውሞ ሠልፎች በሰላም መጠናቀቃቸው ታውቋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...