Wednesday, February 28, 2024
- Advertisement -
- Advertisement -
ዜናኢዴፓና ሁለት ተቃዋሚ ፓርቲዎች አብሮነት የተሰኘ ትብብር መሠረቱ

ኢዴፓና ሁለት ተቃዋሚ ፓርቲዎች አብሮነት የተሰኘ ትብብር መሠረቱ

ቀን:

የኢትዮጵያውያን ዴሞክራሲያዊ ፓርቲ (ኢዴፓ)፣ ኅብረ ኢትዮጵያ ዴሞክራሲያዊ ፓርቲ (ኅብረ ኢትዮጵያ) እና የኢትዮጵያውያን አገር አቀፍ ንቅናቄ ‹‹ኢሃን›› የተባሉ ሦስት የፖለቲካ ድርጅቶች፣ አገራዊ ህልውናን ማስጠበቅ በሚል አጀንዳ ላይ በጋራ ለመሥራት ያለመ የትብብር የመግባቢያ ሰነድ ተፈራረሙ፡፡

ሦስቱ ፓርቲዎች የመግባቢያ ሰነዱን መፈረማቸውና አገራዊ አደጋን ለመታደግ ያለመ የጋራ ሥራ ለማከናወን መወሰናቸውን ያስታወቁት ማክሰኞ ታኅሳስ 21 ቀን 2012 ዓ.ም. በጋራ በሰጡት መግለጫ ወቅት ሲሆን፣ የትብብሩም ስያሜ ‹‹አብሮነት ለኢትዮጵያ ፌዴራላዊ አንድነት›› የሚል መሆኑን ገልጸዋል፡፡

‹‹በተለያዩ ፖሊሲዎችና ስትራቴጂዎች ዙሪያ በመካከላችን ያሉና የሚኖሩ ልዩነቶች እንደተጠበቁ ሆነው፣ የአገራችንን ህልውና መቀጠል በተመለከተ ግን አንድ የጋራ ኮሚቴ አቋቁመን በትብብር ለመሥራት ተስማምተናል፤›› በማለት አስታውቀዋል፡፡

- Advertisement -

Video from Enat Bank Youtube Channel.

ነገር ግን የፖሊሲና የስትራቴጂ ልዩነቶች እያሉ በጋራ ለመሥራት እንዴት ይቻላል ተብሎ ለቀረበ ጥያቄ፣ ‹‹የአገርን ህልውና መታደግ የመጀመርያ ደረጃ የፖለቲካ ሥራ ነው፡፡ ከዚህ አንፃር የፖለቲካ አስተሳሰብና ልዩነት በሁለተኛ ደረጃ የሚመጣ ነገር ነው፡፡ መጀመርያ አገርን መታደግ አለብን፤›› ሲሉ የየፓርቲው ተወካዮች ተመሳሳይ ምላሽ ሰጥተዋል፡፡

ከዚህ በተጨማሪም ፓርቲዎቹ የአገርን ህልውና በተመለከተ ተመሳሳይ አቋም ካላቸው ሌሎች ፓርቲዎች ጋር ቀጣይ ግንኙነት በመፍጠር፣ አሁን በሦስቱ የተጀመረው የአብሮነት ግንኙነት በሒደት የበለጠ ለማስፋትና ለማጠናከር መስማማታቸውን ገልጸዋል፡፡

በሦስቱ የተጀመረው የአብሮነት ግንኙነት ዓላማን አስመልክቶ በተሰጠ ምላሽ ደግሞ፣ ‹‹በአሁኑ ወቅት ራሳቸውን በማሰባሰብ ለማጠናከር እየሞከሩ የሚገኙ የኮንፌዴሬሽን ኃይሎች፣ በአገሪቱ ህልውና ላይ ሊፈጥሩ የሚችሉትን አደጋ ለመቋቋም የሚያስችል አንድ ጠንካራና እውነተኛ የፌደራሊስቶች ጎራ በአገሪቱ መፍጠር፤›› መሆኑን ገልጸዋል፡፡

መጪውን ምርጫ በተመለከተም፣ ‹‹መቼም ይካሄድ መቼ›› በአንድ የምርጫ ማኒፌስቶ፣ በጋራ ለመወዳደርና ምርጫውን ለማሸነፍ የሚያስችል ውይይትና ድርድር ለመጀመር መዘጋጀታቸውንም በመግለጫው ወቅት አስረድተዋል፡፡

ፓርቲዎቹ በዋነኛነት ቅድሚያ የሚሰጡት አገራዊ ህልውናን መታደግ መሆኑን ገልጸው፣ ይህም ከማንኛውም ፖለቲካዊ እንቅስቃሴ በፊት ቅድሚያ ሊሰጠው የሚገባ ዓብይና ትኩረት የሚሻ አጀንዳ መሆኑን በመገንዘብ የመሠረቱት መሆኑንም ጠቁመዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...