Tuesday, November 29, 2022
ሌሎች ዓምዶች
    - Advertisement -
    - Advertisement -
    ዜናበድሬዳዋ ዩኒቨርሲቲ የተከሰተው ችግር በሌሎች ዩኒቨርሲቲዎች ውጥረት መፍጠሩ ተገለጸ

    በድሬዳዋ ዩኒቨርሲቲ የተከሰተው ችግር በሌሎች ዩኒቨርሲቲዎች ውጥረት መፍጠሩ ተገለጸ

    ቀን:

    በድሬዳዋ ዩኒቨርሲቲ የተከሰተው ችግር በሌሎች ዩኒቨርሲቲዎች ላይ ውጥረት መፍጠሩን የሳይንስና ከፍተኛ ትምህርት ሚኒስቴር አስታወቀ፡፡

    በድሬዳዋ ዩኒቨርሲቲ አንድ የሦስተኛ ዓመት የባንኪንግና ፋይናንስ ተማሪ በመሞቱ ምክንያት፣ ዩኒቨርሲቲው ላልተወሰነ ጊዜ ትምህርት እንዲቋረጥ ወስኖ ተማሪዎችን ያሰናበተው ቅዳሜ ታኅሳስ 18 ቀን 2012 ዓ.ም. ነው፡፡

    በዩኒቨርሲቲው የተከሰተው ችግር በሌሎች ዩኒቨርሲቲዎች ላይ እንዳይደርስ በዩኒቨርሲቲ አመራሮች ላይ ጭንቀት መፍጠሩን ለሪፖርተር የገለጹት የሳይንስና ከፍተኛ ትምህርት ሚኒስቴር ኮሙዩኒኬሽን ዳይሬክተር አቶ ደቻሳ ጉርሙ፣ በዩኒቨርሲቲው ሴኔት ውሳኔ መሠረት ላልተወሰነ ጊዜ ትምህርት ማቋረጡን ያስታወቀው ከድሬዳዋ ዩኒቨርሲቲ አመራሮች ጋር ውይይት መደረጉን፣ ትምህርት እንዲቋረጥ የተወሰነውም የተማሪው ሞት በፈጠረው መደናገጥ መሆኑ ተረጋግጧል ብለዋል፡፡

    ‹‹የቅዳሜው ክስተት ነው ሁሉንም ያስደነገጠው፡፡ በድሬዳዋ የተከሰተው እኛ ጋም ሊከሰት ይችላል ብሎ የመፍራት ነገር አለ፤›› ያሉት አቶ ደቻሳ፣ ዩኒቨርሲቲዎችን መዝጋት መፍትሔ አይሆንም ብለዋል፡፡ የድሬዳዋ ዩኒቨርሲቲ አመራሮችም ጉዳዩን በፍጥነት አጣርተው መፍትሔ እንዲያገኝ በማድረግ፣ ወደ መደበኛ ሥራቸው እንደሚመለሱ መተማመን ላይ መደረሱን ገልጸዋል፡፡

    በድሬዳዋ ዩኒቨርሲቲ ከዚህ ቀደም አንድ ተማሪ ከሕንፃ ላይ ተወርውሮ መገደሉ መዘገቡ ይታወሳል፡፡

    በሌሎች ዩኒቨርሲቲዎች ተመሳሳይ የተማሪ ሞት ወይም ሌላ አደጋ እንዳያጋጥም በአመራሮች ላይ ፍራቻ ከመፍጠር ባሻገር፣ ተመሳሳይ ዕርምጃ የወሰዱና ትምህርት እንዲቋረጥ ያደረጉ ተቋማት የሉም ብለዋል፡፡ የወለጋ ዩኒቨርሲቲ ያወጣው ማሳሰቢያም ተማሪዎች ወደ መማር ማስተማሩ ሥርዓት እንዲገቡ ከማስፈራራት አኳያ የታሰበ እንደሆነ አስረድተዋል፡፡

    ወለጋ ዩኒቨርሲቲ ሰኞ ታኅሳስ 20 ቀን 2012 ዓ.ም. ለተማሪዎቹ ያስተላለፈው ማሳሰቢያ፣ ‹‹ለሳምንታት ተቋርጦ የነበረውን ትምህርት ለማስጀመር በተደጋጋሚ በተለያዩ መድረኮች፣ ከሁሉም ባለድርሻ አካላት ጋር ውይይት በማድረግ ትምህርት ለማስጀመር ጥረት ተደርጓል፡፡ ሆኖም እስከ ዛሬ ታኅሳስ 20 ቀን 2012 ዓ.ም. ትምህርት ሊጀመር አለመቻሉንና መሻሻሎች ሊታዩ አለመቻላቸውን በመገምገም ተረጋግጧል፡፡ ይህም በሴሚስተሩና በአጠቃላይ በዓመቱ የትምህርት መርሐ ግብር ላይ ከፍተኛ ጫና ፈጥሯል፡፡ በመሆኑም ረቡዕ ታኅሳስ 22 ቀን 2012 ዓ.ም. ትምህርት የማይጀመር ከሆነ ተማሪዎች ክሊራንስ ፎርም ሞልተው፣ በእጃቸው የሚገኙ የዩኒቨርሲቲውን ንብረቶች አስረክበው እንዲወጡ፣ ትምህርት በመከታተል ላይ ከሚገኙ ተማሪዎች በስተቀር ማንኛውንም ዩኒቨርሲቲው የሚሰጣቸውን አገልግሎቶች መጠቀም አይቻልም፤›› የሚል ነው፡፡

    ወለጋ ዩኒቨርሲቲ ጊምቢ፣ ሻምቡና ነቀምት የተባሉት ሦስት ካምፓሶች አሉት ያሉት አቶ ደቻሳ፣ ማሳሰቢያውን ያወጣው ‹‹ነቀምት›› ካምፓስ እንደሆነ ገልጸዋል፡፡ በነቀምት ካምፓስ የሚገኙ ተማሪዎች ‹‹ቁርስ፣ ምሳና እራት ይበላሉ፡፡ ትምህርት ግን አይማሩም፤›› በማለት፣ የወጣው ማሳሰቢያ እነዚህን ተማሪዎች አስፈራርቶ ወደ ትምህርት ገበታ ለመመለስ እንጂ ካምፓሱ እንዲዘጋ ታስቦ አይደለም ብለዋል፡፡

    በሌሎች ዩኒቨርሲቲዎችም ተማሪዎችን ወደ ትምህርት ለመመለስ ቀንና ሌሊት እየተሠራ መሆኑን፣ ብጥብጥና ሁከት የሚያስነሱ ተማሪዎችና መምህራን በቁጥጥር ሥር እየዋሉ እንደሆነ፣ በየዩኒቨርሲቲዎቹ በየቀኑ የተለያዩ ክስተቶች እንደሚኖሩና የሚያዙ ተጠርጣሪዎች ቁጥር በየቀኑ እንደሚለዋወጥ፣ በቅርቡ ምን ያህል ሰዎች በቁጥጥር ሥር መዋላቸውን እንደሚያስታውቁም ተናግረዋል፡፡

    በዩኒቨርሲቲዎቹ ያጋጠሙ የፀጥታ ችግሮች ከባድ ጉዳት ያደረሱና የተማሪዎችን ሕይወት የቀጠፉ ስለሆነ፣ በፌዴራል ፖሊስ የሚታዩ ወንጀሎች መኖራቸውንም ሳይጠቅሱ አላለፉም፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...