Monday, December 5, 2022
ሌሎች ዓምዶች
    - ማስታወቂያ -
    - ማስታወቂያ -

    የታኅሳስ ወር አጠቃላይ የዋጋ ግሽበት 19.5 በመቶ ደረሰ

    - ማስታወቂያ -

    ተዛማጅ ፅሁፎች

    በታኅሳስ ወር 2012 ዓ.ም. የተመዘገበው አጠቃላይ የዋጋ ግሽበት ካለፈው ዓመት ተመሳሳይ ወር ጋር ሲነፃፀር በ19.5 በመቶ ከፍ ማለቱን፣ ማዕከላዊ ስታትስቲክስ ኤጀንሲ በየወሩ በሚያወጣው የዋጋ ግሽበት ሁኔታ መረጃ አስታወቀ፡፡

    ኤጀንሲው ሰኞ ታኅሳስ 27 ቀን 2012 ዓ.ም. ባወጣው መግለጫ እንዳስታወቀው፣ የታኅሳስ ወር 2012 ዓ.ም. የምግብ ዋጋ ግሽበት ካለፈው ዓመት ተመሳሳይ ወር ጋር ሲነፃፀር በ22.7 በመቶ ጭማሪ አሳይቷል፡፡

    በታኅሳስ ወር የአብዛኞቹ የእህል ዓይነቶች በተለይ ሩዝ፣ ጤፍ፣ ስንዴ፣ በቆሎ፣ ገብስና ማሽላ ዋጋ ካለፈው ወር ጋር ሲነፃፀር መጠነኛ ቅናሽ ማሳየቱን፣ የሥጋ ዋጋ  ጭማሪው ግን እንደ ቀጠለ መሆኑን አስረድቷል፡፡

    በተጨማሪም አንዳንድ የምግብ ዓይነቶች በተለይም ቲማቲም፣ ቀይ ሽንኩርት፣ ነጭ ሽንኩርት፣ ጎመን፣ ካሮት፣ ቅቤ፣ የምግብ ዘይት፣ ወተት፣ አይብና ዕንቁላል ቅናሽ ማሳየታቸውን ኤጀንሲው ገልጿል፡፡ ይሁን እንጂ ያለፈው ዓመት ተመሳሳይ ወር ዋጋ ከአሁኑ ዓመት ተመሳሳይ ወር ጋር በንፅፅር ዝቅተኛ ስለነበር፣ የዋጋ ግሽበቱ በታኅሳስ ወር ከፍ ብሏል ሲል ኤጀንሲው አክሏል፡፡ 

    በሌላ በኩል ምግብ ነክ ያልሆኑ የኢንዴክሱ ክፍሎች የዋጋ ግሽበት የታኅሳስ ወር 2012 ዓ.ም. ካለፈው ዓመት ተመሳሳይ ወር ጋር ሲነፃፀር የ15.8 በመቶ ጭማሪ ማሳየቱ፣ በኤጀንሲው መግለጫ ተካቷል፡፡ ካለፉት ጥቂት ወራት ጀምሮ ምግብ ነክ ያልሆኑ የኢንዴክሱ ክፍሎች የዋጋ ግሽበት በተከታታይ ጭማሪ እያሳየ ነው ተብሏል፡፡

    ምግብ ነክ ያልሆኑ የኢንዴክሱ ክፍሎች የዋጋ ግሽበት ካለፈው ተመሳሳይ ወቅት ጋር ሲነፃፀር ከፍ እንዲል ካደረጉት ዋና ምክንያቶች ውስጥ በተለይ ልብስና መጫሚያ፣ የቤት ኪራይ፣ የቤት እንክብካቤና ኢነርጂ (ማገዶና ከሰል)፣ የቤት ዕቃዎችና የቤት ማስጌጫዎች፣ የቤት መሥሪያ ዕቃዎች፣ ሕክምናና ትራንስፖርት፣ በተለይም የቤት መኪና ላይ የታየው የዋጋ ጭማሪ ነው፡፡

    የዋጋ ግሽበት ሁኔታ ካለፈው ዓመት ተመሳሳይ ወር ጋር በማነፃፀር የሚገኘው ውጤት ወቅታዊ የዋጋ ግሽበት ሁኔታን የሚያሳይ ሲሆን፣ በአጠቃላይ የታኅሳስ ወር 2012 ዓ.ም. አጠቃላይ የዋጋ ግሽበት 19.5 በመቶ ሆኗል፡፡ የኅዳር ወር አጠቃላይ የዋጋ ግሽበት 20.8 በመቶ እንደነበር ይታወሳል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች