Saturday, June 15, 2024
- Advertisement -
- Advertisement -

ማኅበራዊበሦስት ክልሎች የኮሌራ ወረርሽኝ 25 ሰዎች ገደለ

በሦስት ክልሎች የኮሌራ ወረርሽኝ 25 ሰዎች ገደለ

ቀን:

ከታኅሳስ አጋማሽ እስካለፈው ሳምንት ድረስ በደቡብ፣ በኦሮሚያና በሶማሌ ክልሎች በኮሌራ ወረርሽኝ የ25 ሰዎች ሕይወት ማለፉን፣ የተባበሩት መንግሥታት ድርጅት (ተመድ) የሰብዓዊ ጉዳዮች ማስተባበሪያ ቢሮ ማክሰኞ ጥር 12 ቀን 2012 ዓ.ም. ባወጣው መግለጫ አስታወቀ፡፡ ከ1,040 በላይ ሰዎች በወረርሽኙ መጠቃታቸውን አክሏል፡፡

በኮሌራ ወረርሽኙ ከፍተኛ ጉዳት የደረሰባቸው በደቡብ ክልል የደቡብ ኦሞና የጎፋ ዞኖች መሆናቸውን፣ 970 ያህል ሰዎች ሲጠቁ 12 ያህሉ ሕይወታቸው ማለፉ ተመልክቷል፡፡

በሶማሌ ክልል በተለያዩ አካባቢዎች በወረርሽኑ የተጠቁት ሰዎች ቁጥር 75 መሆኑንና በሕክምና ተቋማት መታወቁን፣ እስካለፈው ሳምንትም ስድስት ሰዎች መሞታቸው በመግለጫው ተካቷል፡፡

- Advertisement -

በኦሮሚያ ክልል ጉጂ ዞን በአዶላ ረዴና በኦዶ ሻኪሶ ወረዳዎች በአሥር ቀበሌዎች ውስጥ 100 ያህል ሰዎች መጠቃታቸውና ሰባት ሰዎች መሞታቸውን ቢሮው አስታውቋል፡፡

ከዓለም አቀፍ አጋሮች ጋር በመተባበር በክልሎችና በታችኛው እርከን የመንግሥት መዋቅሮች፣ የአስቸኳይ ጊዜ ግብረ ኃይሎች ተቋቁመው ለወረርሽኙ አፋጣኝ ምላሽ ለመስጠት ቡድኖች መሰማራታቸው ተገልጿል፡፡ ለዚህም የምላሽ ጥረት የጤና አገልግሎት ሰጪ ተቋማትም ክፍተት እንዲሞሉ እየተደረገ መሆኑ ተጠቁሟል፡፡

ተመድ እንደሚለው የኮሌራ ወረርሽኝ በኢትዮጵያ ለሕዝብ ጤና ከፍተኛ ሥጋት ነው፡፡ ዝቅተኛ የኑሮ ሁኔታ፣ በቂ የውኃና የሳኒቴሽን አገልግሎቶች አለመኖርና ደካማ የጤና አጠባበቅና የግል ንፅህና አያያዝ ምክንያት መሆናቸውን አክሏል፡፡

ባለፈው ዓመት ከጋምቤላና ከቤኒሻንጉል ጉምዝ ክልሎች በስተቀር፣ በመላ አገሪቱ 2,074 ሰዎች በኮሌራ ወረርሽኝ ተይዘው የተወሰኑ መሞታቸው አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...