Thursday, December 1, 2022
ሌሎች ዓምዶች
    - Advertisement -
    - Advertisement -
    ዜናበሞጣ ከተማ ለተቃጠሉ መስጊዶችና ተጎጂዎች የድጋፍ ፕሮግራም በመላው ኢትዮጵያ ሊደረግ ነው

    በሞጣ ከተማ ለተቃጠሉ መስጊዶችና ተጎጂዎች የድጋፍ ፕሮግራም በመላው ኢትዮጵያ ሊደረግ ነው

    ቀን:

    የእስልምና ጉዳዮች ጠቅላይ ምክር ቤት የአማራ ክልልን በሕግ እንደሚጠይቅ ጠቆመ

    በአማራ ክልል ምሥራቅ ጎጃም ዞን ሞጣ ከተማ ውስጥ ታኅሳስ 10 ቀን 2012 ዓ.ም. ማንነቱ ባልታወቀ ቡድን በእሳት ቃጠሎ ለወደሙ አራት መስጊዶችና የንግድ ተቋማት ድጋፍ የሚውል ገቢ ማሰባሰቢያ ፕሮግራም ሊያደርግ መሆኑን፣ የኢትዮጵያ እስልምና ጉዳዮች ጠቅላይ ምክር ቤት አስታወቀ፡፡

    ሪፖርተር ከምክር ቤቱ ያገኘው መረጃ እንደሚያስረዳው፣ በመስጊዶቹና በንግድ ተቋማቱ በደረሰው ጉዳት ላይ ትኩረት በማድረግ፣ የተፈጸመውን የሽብር ጥቃት የሚያጣራና መልሶ ማቋቋሚያ ሥራዎችን የሚያስተባብር ዓብይ ኮሚቴ ተቋቁሟል፡፡ አጣሪ ኮሚቴውን በቦታው በመላክ የደረሰውን የጉዳት መጠን ማጥናቱን፣ የደረሰበትን ውጤት ለሚመለከታቸው የመንግሥት አካላት እንዲደርስ ማድረጉንም ምክር ቤቱ ገልጿል፡፡

    በጥቃቱ በመንግሥት አመራር ቦታ ያሉ ሰዎች ተሳትፎ እንዳለበት በማረጋገጡ የአማራ ክልላዊ መንግሥት ተጎጂዎችን ይቅርታ እንዲጠይቅ፣ መስጊዶችን መልሶ እንዲገነባና የተጎዱ ቤተሰቦችን የማቋቋም ሥራ እንዲያከናውን ምክር ቤቱ የክልሉን መንግሥት በይፋ መጠየቁን አስታውቋል፡፡

    ምክር ቤቱ ላቀረበው ጥያቄ ይፋዊ ምላሽ አለማግኘቱንና በአንዳንድ መድረኮች የክልሉ ኃላፊዎች ራሳቸው ተጎጂዎችን ተጠያቂ የማድረግ አካሄድ እያሳዩ መሆናቸውን ጠቁሞ፣ ባቀረበው ጥያቄ መሠረት ኃላፊነት ወስዶ ለችግሩ ዕልባት ለመስጠት ዝግጁ እንዳልሆነ በመረዳቱ ጉዳዩን ወደ ሕግ እንደሚወስደው አስታውቋል፡፡

    ጠቅላይ ምክር ቤቱ የሙስሊሙ ማኅበረሰብ ወኪል መሆኑን ጠቁሞ፣ በችግር ላይ የሚገኙትን ወገኖች መልሶ ማቋቋምና መስጊዶችን ወደ መደበኛ አገልግሎት ለመመለስ አስቸኳይ መፍትሔ የሚፈልግ ጉዳይ መሆኑንም ገልጿል፡፡ በመሆኑም በሞጣ ከተማ ለደረሰው የመስጊዶችና የንግድ ተቋማት መልሶ ማቋቋሚያ የሚሆኑ የተለያዩ አማራጮችን ነድፎ፣ ከአካባቢው ሙስሊም ተወላጆች ጋር በመሆን እየተንቀሳቀሰ መሆኑንም ምክር ቤቱ አስረድቷል፡፡

    ከድጋፍ አማራጮቹ መካከል ዓርብ ጥር 22 ቀን 2012 ዓ.ም. በመላው ኢትዮጵያ በሚገኙ መስጊዶች ‹‹የጁምዓ ቀን የገንዘብ ማሰባሰብ ዘመቻ›› የሚል ፕሮግራም ማዘጋጀቱን፣ በሼሕ ቃሲም ሙሐመድ የምክር ቤቱ ዋና ጸሐፊ የተዘጋጀው ሰነድ ያስረዳል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...