Saturday, November 26, 2022
ሌሎች ዓምዶች
    - Advertisement -
    - Advertisement -
    ማኅበራዊበኢትዮጵያ ለሚገኙ ስደተኞች የሚውል የ658 ሚሊዮን ዶላር ዕርዳታ ጥሪ ቀረበ

    በኢትዮጵያ ለሚገኙ ስደተኞች የሚውል የ658 ሚሊዮን ዶላር ዕርዳታ ጥሪ ቀረበ

    ቀን:

    የተባበሩት መንግሥታት ድርጅት (ተመድ) የስደተኞች ኮሚሽን (UNHCR) እና አጋሮቹ በኢትዮጵያ ለሚገኙ 735,000 ስደተኞችና ከግማሽ ሚሊዮን ለሚልቁ ኢትዮጵያውያን ሰብዓዊ አገልግሎት የሚውል የ658 ሚሊዮን ዶላር ዕርዳታ እንደሚያስፈገው በመግለጽ፣ ዓለም አቀፉ ማኅበረሰብ አፋጣኝ ምላሽ እንዲሰጥ ጥሪ አቀረበ፡፡

    ባለፉት ዓመታት በኢትዮጵያ የሚኖሩ ስደተኞች የተጎናፀፉትን ዘርፈ ብዙ መብቶች ተፈጻሚ ለማድረግ የገንዘብ መዋጮው ዓይነተኛ ሚና እንደሚጫወት በመጥቀስ ነው፣ ለዓለም አቀፉ ማኅበረሰብ ጥሪውን ያቀረበው፡፡

    ኢትዮጵያ ያፀደቀችው የስደተኞች አዋጅ ለስደተኞች ሥራ የመቀጠር፣ ማኅበራዊ አገልግሎቶችን የማግኘት፣ እንዲሁም ከሚኖሩበት ማኅበረሰብ ጋር የመቀላቀል ሁኔታን የሚፈቅድ መሆኑ ይታወሳል፡፡

    ባለፈው ዓመት ጥር ወር የፀደቀው የስደተኞች አዋጅ በኢትዮጵያ የሚገኙ ስደተኞች የሥራ ፈቃድ፣ የመጀመርያ ደረጃ ትምህርትና የመንጃ ፈቃድ እንዲያገኙ የሚያስችል ከመሆኑም በላይ፣ ስደተኞች በወሳኝ ኩነት ማለትም የልደት ምዝገባና  የባንክ አገልግሎት ተጠቃሚ እንዲሆኑ የሚያስችል ነው፡፡

    ዓርብ ጥር 15 ቀን 2012 በተባበሩት መንግሥታት ድርጅት የስደተኞች ጉዳይ ኮሚሽንና 57 በሚሆኑ አጋሮቹ አማካይነት በአዲስ አበባ ይፋ የተደረገው ዕቅድ ከስደተኞች ጤና፣ ምግብ፣ ትምህርትና መጠለያ ጋር የተያያዙ ክፍተቶችን ለመሙላት ያለመ ሲሆን፣ የስደተኞችን የንፅህና፣ የኢነርጂና የኑሮ ዘይቤ ለማረቅ ያቀደም እንደሆነ ለማወቅ ተችሏል፡፡

    በዚህም መሠረት ያሉትን ማኅበራዊ አገልግሎቶች ማለትም እንደ ጤና፣ ትምህርት፣ ውኃና የንፅህና መሠረተ ልማቶችን ለማስፋፋት የሚለገሰው ገንዘብ አስፈላጊ መሆኑ ተጠቅሷል፡፡

    ኢትዮጵያ ስደተኞች በመቀበል የምትታወቅ ሲሆን፣ በአሁኑ ወቅት ከ735,000 በላይ የሚሆኑ የ26 አገሮች ስደተኞች በኢትዮጵያ ይኖራሉ፡፡ ከእነዚህ ስደተኞች መካከል ደግሞ 329,123 ደቡብ ሱዳናውያን፣ 191,575 ሱማሊያውያን፣ 139,281 ኤርትራውያን፣ እንዲሁም 42,285 ሱዳናውያን ተጠቃሽ ናቸው፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...