Tuesday, November 29, 2022
ሌሎች ዓምዶች
    - Advertisement -
    - Advertisement -
    ስፖርትለኦሊምፒክ ተስፋ የሰነቁት የቦክስና የቴኳንዶ ስፖርቶች

    ለኦሊምፒክ ተስፋ የሰነቁት የቦክስና የቴኳንዶ ስፖርቶች

    ቀን:

    ከአትሌቲክስ ቀጥሎ ተስፋ የተጣለባቸው ቦክስና ወርልድ ቴኳንዶ ለቶኪዮ ኦሊምፒክ የሚያበቃቸውን መሥፈርት (ሚኒማ) ለማሟላት የማጣሪያ ውድድራቸውን በሞሮኮና በሴኔጋል ያከናውናሉ፡፡ ሁለቱም ብሔራዊ ቡድኖች ባለፈው ሰኞ የካቲት 9 ቀን 2012 ዓ.ም. ወደየአገሮቹ ተጉዘዋል፡፡

    ቦክስ ኢትዮጵያ በኦሊምፒክ መሳተፍ በጀመረችባቸው ዓመታት ከአትሌቲክስና ብስክሌት ቀጥሎ አገሪቱን በመወከል ቀዳሚው እንደነበር ይነገራል፡፡ ስፖርቱ እንደአለመታደል ሆኖ አሁን ላይ “ነበር” በሚል ካልሆነ በአኅጉራዊም ይሁን በዓለም አቀፍ መድረኮች ያን ያህል ሊጠቀስ የሚችል ውጤት ከሌላቸው ስፖርቶች ተርታ ለመቀመጥ ግድ ብሎት ይገኛል፡፡

    ከፍተኛ ተከታታይ ከነበራቸው ስፖርቶች አንዱ የነበረው ቦክስ ከተወሰኑ ዓመታት ወዲህ ውጤት ብቻ ሳይሆን ለሕልውናው ማረጋገጫ ተብለው የሚጠቀሱ ክለቦች ቁጥርም ሳይቀር በከፍተኛ ፍጥነት እየቀነሰ ስለመሆኑ ጭምር የሚናገሩ የዘርፉ ሙያተኞች አልታጡም፡፡

    ውጤታቸውና በጀታቸው የሰማይና የምድር ያህል ለሚራራቁ ስፖርቶች ከሚመደበው ሁለት በመቶው ድጋፍ ቢደረግለት ስፖርቱ ውጤታማ የመሆን ዕድሉ ሰፊ እንደሆነ የሚናገሩት ሙያተኞቹ፣ በአሁኑ ወቅት ለቶኪዮ ኦሊምፒክ የሚገኝበትን ደረጃ መመልከቱ በቂ መሆኑን ያስረዳሉ፡፡

    የቦክስ ቡድን

     

    በኢትዮጵያ ኦሊምፒክ ኮሚቴ ድጋፍና ትብብር በአዲስ አበባና በአርባ ምንጭ ዝግጅቱን ሲያከናውን የቆየው ይህ ስፖርት፣ ለቶኪዮ ኦሊምፒክ የሚያበቃውን መሥፈርት ለማግኘት ይችል ዘንድ ከየካቲት 20 እስከ 29 ቀን 2012 ዓ.ም. ድረስ በሴኔጋል ዳካር በሚደረገው ማጣሪያ በስድስት ወንዶችና በአንዲት እንስት ይፎካከራል፡፡

    እንደ ቦክስ ሁሉ ለዚሁ ለቶኪዮ 2020 ኦሊምፒክ ትልቅ ተስፋ የተጣለበት ወርልድ ቴኳንዶም የመጨረሻውን ማጣሪያ የካቲት 14 እና 15 ቀን 2012 ዓ.ም. ሞሮኮ ራባት ላይ ውድድሩን ያደርጋል፡፡ በሆቴል ተሰባስቦ ዝግጅቱን ለሦስት ወራት ሲያደርግ የቆየው ቡድኑ በሁለት ወንድና በሁለት ሴቶች የማጣሪያውን ተሳትፎ እንደሚያደርግ ይጠበቃል፡፡ ኢትዮጵያ ከአትሌቲክስ በተጨማሪ በቶኪዮ በሴቶች ብስክሌት በአንድ ተወዳዳሪ እንደምትወከል ታውቋል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...