Sunday, June 16, 2024
- Advertisement -
- Advertisement -

ዜናኢትዮጵያ ለህዳሴ ግድቡ ድርድር ጊዜ እንደምትፈልግ ለግብፅ አስታወቀች

ኢትዮጵያ ለህዳሴ ግድቡ ድርድር ጊዜ እንደምትፈልግ ለግብፅ አስታወቀች

ቀን:

የታላቁ ህዳሴ ግድብ ድርድርን አስመልክቶ የተረቀቀውን ሰነድ ለማጤን ኢትዮጵያ በቂ ጊዜ እንደምትፈልግ፣ ጠቅላይ ሚኒስትር ዓብይ አህመድ (ዶ/ር) ለግብፅ አቻቸው በላኩት መልዕክት አስታወቁ።

የህዳሴ ግድቡን የውኃ አሞላልና አለቃቀቅን በተመለከተ ኢትዮጵያ፣ ግብፅና ሱዳን ሲያደርጉት የቆየው ድርድር በዚህ ሳምንት ስምምነት ተፈርሞ እንደሚጠናቀቅ ቀጠሮ ተይዞ የነበረ ቢሆንም፣ ኢትዮጵያ በጥድፊያ የምትፈርመው ስምምነት እንደማይኖር መንግሥት አቋም መያዙን የተገኘው መረጃ ያመለክታል።

ጠቅላይ ሚኒስትር ዓብይ ይህንኑ የመንግሥታቸውን አቋም የሚገልጽ ደብዳቤ፣ ለግብፅ ፕሬዚዳንት አብዱልፈታህ አልሲሲ መላካቸው ታውቋል። የጠቅላይ ሚኒስትሩን መልዕክት ይዘው ወደ ግብፅ ያቀኑት የቀድሞ ጠቅላይ ሚኒስትር አቶ ኃይለ ማርያም ደሳለኝና የጠቅላይ ሚኒስትሩ ፕሬስ ሴክሬታሪያት ኃላፊ አቶ ንጉሡ ጥላሁን ናቸው።

- Advertisement -

ጠቅላይ ሚኒስትሩ በላኩት መልዕክት ኢትዮጵያ የህዳሴ ግድብን በተመለከተ ጊዜ ወስዳ ማጤን እንደምትፈልግ፣ የምትደርሰበትን አቋም እንደምታሳውቅ የሚያስረዳ እንደሆነ ለጉዳዩ ቅርብ ከሆኑ ምንጮች ገለጻ ለመረዳት ተችሏል፡፡

መልዕክቱን ያደረሱት አቶ ኃይለ ማርያም ከግብፅ ፕሬዚዳንት ጋር የህዳሴ ግድቡን በተመለከተ ውይይት ያደረጉ መሆኑን፣ ኢትዮጵያ ከግብፅ ጋር ዘርፈ ብዙ ወዳጅነትና ትብብር የመመሥረት ፍላጎት እንዳላት ማስረዳታቸውን ዘገባዎች ያመለክታሉ።

የህዳሴ ግድብ የውኃ አሞላልና አለቃቀን በተመለከተ በአሜሪካ መንግሥት የገንዘብ ተቋም አማካይነት የተረቀቀው የሕግ ማዕቀፍ ለሦስቱም አገሮች እንደተላከ ምንጮች የገለጹ ሲሆን፣ የኢትዮጵያ ተደራዳሪ ቡድን አባላትና ሌሎች ኢትዮጵያዊያን የሕግና የቴክኒክ ባለሙያዎች በረቂቅ የሕግ ማዕቀፉ ላይ ባለፈው ሳምንት የጀመሩት ጥልቅ ምርመራ፣ በዚህ ሳምንትም በውጭ ጉዳይ ሚኒስቴር ውስጥ መቀጠሉ ታውቋል።

ከባለሙያዎቹ በተጨማሪ የውጭ ጉዳይ ሚኒስቴርና የጠቅላይ ዓቃቤ ሕግ ባለሙያዎችም እየተሳተፉ እንደሚገኙ፣ በዚህ ምክክር ባለሙያዎቹ የሚደርሱበት ድምዳሜ ለመንግሥት ቀርቦ ፖለቲካዊ ውሳኔ እንደሚሰጥበት ለማወቅ ተችሏል።

ኢትዮጵያዊ የሆኑ በርካታ የዓለም አቀፍ ሕግ፣ የኃይድሮሎጂና የፖለቲካ ምሁራን፣ መንግሥት ይህንን ድርድር አቋርጦ እንዲወጣ በተለያዩ የመገናኛ ዘዴዎች ጥሪ በማቅረብ ላይ ናቸው። ከልሂቃኑና ከማኅበረሰቡ እየተነሳ ያለውን ሥጋት አዘል ግፊት ያስተዋለው መንግሥት፣ የአገሪቱን ጥቅም የሚጎዳ ስምምነት እንደማይፈርም ማስታወቁ ይታወሳል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...