Sunday, May 26, 2024
- Advertisement -
- Advertisement -

ዜናበኢትዮጵያ ካቶሊካዊት ቤተ ክርስቲያን ሊቀ ጳጳሳት የሚመራው ልዑክ ኤርትራ እንዳይገባ ታግዶ መመለሱ...

በኢትዮጵያ ካቶሊካዊት ቤተ ክርስቲያን ሊቀ ጳጳሳት የሚመራው ልዑክ ኤርትራ እንዳይገባ ታግዶ መመለሱ ተገለጸ

ቀን:

ለ16 ሰዓታት በአስመራ ኤርፖርት ታግቶ መቆየቱም ተጠቁሟል

በኤርትራ አሥመራ የኪዳነ ምሕረት ካቴድራል 50ኛ ዓመት የወርቅ ኢዮቤልዩ በዓል ላይ እንዲገኙ የተጋበዘው በኢትዮጵያ ካቶሊካዊት ቤተ ክርስቲያን ሊቀ ጳጳሳት የሚመራው ልዑክ፣ አስመራ ኢንተርናሽናል ኤርፖርት ከደረሰ በኋላ ኤርትራ እንዳይገባ ከመከልከሉም በተጨማሪ ለ16 ሰዓታት ኤርፖት ውስጥ ታግቶ መቆየቱ ተገለጸ፡፡

በአስመራ ካቶሊካዊ ሀገረ ስብከት ሊቀ ጳጳሳት አቡነ መንግሥተ አብ ተስፋ ማርያም የተጋበዙት ሊቀ ጳጳሳቱ ብፁዕ ካርዲናል ብርሃነ ኢየሱስ ሱራፌል፣ በኢትዮጵያ አየር መንገድ የበረራ ቁጥር ET314 ቅዳሜ የካቲት 14 ቀን 2012 ዓ.ም. በ11፡15 ሰዓት አስመራ ኢንተርናሽናል ኤርፖርት በቪአይፒ አገልግሎት አቀባበል ከተደረገላቸውና ብዙ ሰዓት ከጠበቁ በኋላ፣ ‹‹ከበላይ በመጣ ትዕዛዝ ኤርትራ መግባት አትችሉም፤›› መባላቸውን፣ የኢትዮጵያ ካቶሊካዊት ቤተ ክርስቲያን ጠቅላይ ጽሕፈት ቤት አስታውቋል፡፡

- Advertisement -

ጽሕፈት ቤቱ ለሪፖርተር እንዳሳወቀው ከብፁዕ ካርዲናሉ ጋር አብረው የተጓዙት፣ የእምድብር ሀገረ ስብከት ጳጳስ ብፁዕ አቡነ ሙሴ ገብረ ጊዮርጊስና የቤተ ክርስቲያኒቱ የጳጳሳት ጉባዔ ዋና ጽሕፈት ቤት ኃላፊ አባ ተሾመ ፍቅሬ (ዶ/ር) ናቸው፡፡

ጠቅላይ ጽሕፈት ቤቱ በአስመራ ኤርፖርት የተፈጸመውን ክስተት ሲያብራራ፣ ልዑካኑ በኤርፖርቱ የኢሚግሬሽን ሒደቱን ከፈጸሙና የአንድ ወር መቆያ ቪዛ ቢሰጣቸውም ሊቀበሏቸው ይጠብቋቸው ከነበሩ ሰዎች ጋር ሳይገናኙ ቆይተዋል፡፡ በደኅንነት አባላት ባልታወቀ ምክንያት ኤርትራ መግባት እንደማይችሉና በማግሥቱ እሑድ ወደ ኢትዮጵያ እንዲመለሱ መወሰኑን ገልጸውላቸዋል፡፡

በዚህም ምክንያት ልዑካኑ በኤርፖርቱ ማቆያ ውስጥ ደረጃውን ባልጠበቀ ሁኔታ እንዲያድሩ ተደርጎ፣ በማግሥቱ እሑድ የካቲት 15 ቀን እኩለ ቀን ላይ በET313 ወደ አዲስ አበባ እንዲመለሱ ገልጸዋል፡፡

‹‹ለዘመናት ብዙዎቻችን ስንመኘውና ስንደክምለት የቆየነው የኢትዮጵያና የኤርትራ ግንኙነት ተለውጦ የሁለቱም አገሮች ሕዝቦች በነፃነት በሚዘዋወሩበት በአሁኑ ጊዜ፣ ብፁዕ ካርዲናል ብርሃነ ኢየሱስና ልዑካኑ አስመራ እንዳይገቡ መደረጉ የኢትዮጵያ ካቶሊካዊት ቤተ ክርስቲያን ብቻ ሳይሆን መላውን የካቶሊካዊት ቤተ ክርስቲያን ያሳዘነ ጉዳይ ነው፤›› ያለው መግለጫው፣ ‹‹የኢትዮጵያ ካቶሊካዊት ቤተ ክርስቲያን ጉዳዩ አግባብ ባላቸው የኢትዮጵያ የመንግሥት አካላት ክትትል ተደርጎና ተጣርቶ ግልጽ እንዲሆን የበኩሏን ጥረት እያደረገች ትገኛለች፤›› ብሏል፡፡

ኤርትራ ከኢትዮጵያ በ1983 ዓ.ም. የተገነጠለች ቢሆንም፣ የካቶሊክ ቤተ ክርስቲያኗ ግን እስከ 2007 ዓ.ም. ድረስ በአዲስ አበባ ሀገረ ስብከት ሊቀ ጳጳሳት ካርዲናል ብርሃነ ኢየሱስ ሱራፌል ሥር ስትመራ መቆየቷ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...