Wednesday, June 19, 2024
- ማስታወቂያ -
- ማስታወቂያ -

በ200 ሚሊዮን ብር ወጪ የተገነባው የታሸገ ውኃ ማምረቻ ሥራ ጀመረ

spot_img

ተዛማጅ ፅሁፎች

በኦሮሚያ ክልል በቢሾፍቱ ከተማ በ30 ሺሕ ካሬ ሜትር ላይ ያረፈው ኪያ የታሸገ ውኃ ማምረቻ በ200 ሚሊዮን ብር ወጪ ተገንብቶ የካቲት 14 ቀን 2012 ዓ.ም. ወደ ምርት ሥራ መግባቱ ታውቋል፡፡

ኪያ ውኃ አምራች ድርጅት የንግድ መምሪያ ሥራ አስኪያጅ አቶ ሀብታሙ አየለ እንደተናገሩት፣ በአሁኑ ወቅት ‹‹በአሁኑ ወቅት ‹‹የአምስተኛው ትውልድ›› የተሰኘውን ቴክኖሎጂ በመጠቀም ጥራቱ የተጠበቀ ውኃ ከማምረት ባሻገር፣ የአገሪቱን የንፁህ ውኃ አቅርቦት በተወሰነ ደረጃ ይደግፋል ብለዋል፡፡

ድርጅቱ በቀን ከ280 እስከ 300 ሺሕ ሊትር የታሸገ ውኃ እንደሚያመርት ሲገለጽ፣ በቀን 12 ሺሕ ባለ 20 ሊትር (ጃር) እሽግ ውኃ በማምረት አቅርቦቱን ተደራሽ ያደርጋል፡፡

ውኃ አምራቹ 300 ወጣቶች የሥራ ዕድል ፈጥሯል ያሉት አቶ ሀብታሙ፣ በዚህም የቴክኖሎጂ ስርፀትና የሥራ ልምድ እንዲቀስሙ እየሠራ እንደሚገኝ ተናገረዋል፡፡

ኢትዮጵያ እምቅ የውኃ ሀብት አላት የሚሉት የኪያ ውኃ አምራች ድርጅት ባለቤት አቶ አሸናፊ ሶሪ፣ ያለውን ሀብት ጥራቱን ጠብቆ ለማኅበረሰቡ ማድረስ የውኃ አምራች ድርጅት ኃላፊነት በመሆኑ ለዚህ ጉልህ ሚና መጫወት ይገባል ብለዋል፡፡

የማስፋፊያ ግንባታ ለማካሄድ ከባንኮች ጋር ስምምነት ለማድረግ እየጣረ እንደሚገኝ ተገልጾ፣ በቅርቡም ድርጅቱ ውኃ በሰፊው አምርቶ ለኅብረተሰቡ እንደሚያቀርብ ተገልጿል፡፡

በተለያዩ ከተሞች ከሚገኙ 50 ወኪሎች ጋር ስምምነት በመደረጉ፣ በተመጣጣኝ ዋጋ ውኃው እንዲዳረስ ድርጅቱ ክትትል እንደሚያደርግ አስታውቋል፡፡ በአገሪቱ ያለውን የንፁህ ውኃ እጥረት፣ የታሸገ ውኃ ዋጋ ውድነትን ለመፍታት ውኃ አምራች ድርጅቶች በብዛት ወደ ዘርፉ መግባት እንዳለባቸውና ዋጋውም በዚህ መልኩ ሊቀንስ እንደሚችል የድርጅቱ ኃላፊዎች ይገልጻሉ፡፡

ኪያ ውኃ አምራች ድርጅት ግሬት ላንድ ሞተርስ በተሰኘ እህት ኩባንያ የተመሠረተ ሲሆን፣ ለረዥም ዓመታት በዚሁ የሥራ መስክ የቆየ ነው፡፡ የውኃ ማምረቻውን ለመገንባት ከሁለት ዓመት በላይ እንደወሰደ ተገልጿል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች