Monday, June 24, 2024
- Advertisement -
- Advertisement -
ዜናምርጫ ቦርድ ለፖለቲካ ፓርቲዎች አቤቱታ ክልሎችና የፖሊስ ኮሚሽኖች ምላሽ እንዲሰጡ ጠየቀ

ምርጫ ቦርድ ለፖለቲካ ፓርቲዎች አቤቱታ ክልሎችና የፖሊስ ኮሚሽኖች ምላሽ እንዲሰጡ ጠየቀ

ቀን:

የኢትዮጵያ ብሔራዊ ምርጫ ቦርድተለያዩ ፓርቲዎች ያቀረቡለትን አቤቱታዎች መነሻ በማድረግ፣ ክልሎችና የፖሊስ ኮሚሽኖች ምላሽ እንዲሰጡ በደብዳቤ መጠየቁን አስታወቀ፡፡ ክልሎቹና የፖሊስ ኮሚሽኖች ትግራይ፣ አማራ፣ ደቡብና ኦሮሚያ ናቸው፡፡

ትግራይ ክልል ላይ አቤቱታ ያቀረበው የትግራይ ዴሞክራሲያዊ ፓርቲ (ትዴፓ) መሆኑን የገለጸው ቦርዱ አቤቱታውም እስር፣ ማስፈራራትናቢሮ መዘጋት ነው ብሏል፡፡

በአማራ ክልል ላይ አቤቱታ ያቀረበው የኢትዮጵያ ዜጎች ለማኅበራዊ ፍትሕ ፓርቲ (ኢዜማ) ደግሞስብሰባዎች መሰናከል በጎንደርና በደብረ ብርሃን እንዳጋጠመው፣ የፀጥታ ኃይሎችም ለስብሰባዎች መሰናከል ትብብር ማድረጋቸውን ማመልከቱን ቦርዱ አስታውቋል፡፡

ኦሮሚያ ክልል ላይ አቤቱታ ያቀረቡት የኦሮሚያ ብሔራዊ ፓርቲ (ኦብፓ)፣ የኦሮሞ ፌዴራሊስት ኮንግረስ (ኦፌኮ) እና የኦሮሞ ነፃነት ግንባር (ኦነግ) የአባላት እስራት፣ቢሮ መዘጋት፣ታፔላ መነቀል፣ ማስፈራራትና የመሥራቾች ፊርማ መነጠቅ በተለያዩ የኦሮሚያ ክፍሎች እንደ ደረሱባቸው መግለጻቸውን ቦርዱ አስረድቷል፡፡

በደቡብ ክልል ላይ አቤቱታ ያቀረበው የጌዴኦ ሕዝብ ዴሞክራሲያዊ ድርጅት (ጌሕዴድ) መሆኑን፣ የተፈጸመበት ድርጊትም ሰነድ መነጠቅና የማሟያ ፊርማ ማሰባሰብደት መደናቀፍ እንደሆነ ከምርጫ ቦርድ ለመረዳት ተችሏል፡፡

ብሔራዊ ምርጫ ቦርድ የፖለቲካ ፓርቲዎቹ ያቀረቡትን አቤቱታ በማያያዝ፣ የሚመለከታቸውን የመንግሥት አካላት ጉዳዩን ከሚያስረዱ ሰነዶች ጋር የካቲት 26 እና 27 ቀን 2012 .ም. በቦርዱ ጽሕፈት ቀርበው እንዲያስረዱ ደብዳቤ መላኩን አስታውቋል

ለአቤቱታዎቹ ምላሽ እንዲሰጡ ጥሪ የደረሳቸው ተቋማትም ትግራይ ብሔራዊ ክልላዊ መንግሥት መስተዳድር፣ የኦሮሚያ ብሔራዊ ክልላዊ መንግሥት መስተዳድር፣ የአማራ ክልል ፖሊስ ኮሚሽን፣ ደቡብ ክልል ፖሊስ ኮሚሽን፣ የኦሮሚያ ፖሊስ ኮሚሽን፣ የኦሮሚያ ክልል ምሥራቅ ሸዋ ዞን ዝዋይ ባቱ ከተማ ፖሊስ መሆናቸውን ብሔራዊ ምርጫ ቦርድ ገልጿል፡፡

ምርጫ ቦርድ የክልሎቹንና የፖሊስ ኮሚሽኖቹን ምላሽና የራሱን ውሳኔ በመገናኛ ብዙኃን አማካይነት ይፋ ያደርጋል ተብሎ ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...