Monday, June 24, 2024
- Advertisement -
- Advertisement -
ዜናፓርላማው የአራት ሚኒስትሮች ሹመትን በአብላጫ ድምፅ አፀደቀ

ፓርላማው የአራት ሚኒስትሮች ሹመትን በአብላጫ ድምፅ አፀደቀ

ቀን:

የሕዝብ ተወካዮች ምክር ቤት ዛሬ መጋቢት 3 ቀን 2012 ዓ.ም. ባካሄደው ስብሰባ፣ የአራት ሚኒስትሮችን ሹመት በአብላጫ ድምፅ አፀደቀ፡፡

የገቢዎች ሚኒስትር የነበሩት ወ/ሮ አዳነች አቤቤ የፌዴራል ጠቅላይ ዓቃቤ ሕግ ሆነው የተሾሙ ሲሆን፣ የጤና ሚኒስትር ዴኤታ የነበሩት ዶ/ር ሊያ ታደሰ የጤና ሚኒስትር ሆነዋል፡፡ የአማራ ክልል ምክትል ርዕሰ መስተዳድር የነበሩት አቶ ላቀ አያሌው ደግሞ የገቢዎች ሚኒስትር ሆነው ተሹመዋል፡፡ በሶማሊ ቋንቋ የመጀመርያው የግል ቴሌቪዥን የሆነው የነበ  ቴሌቪዥን መሥራችና ዋና ሥራ አስፈጻሚ የሆኑት ወ/ሮ ፈልሰን አብዱላሂ የሴቶች፣ ሕፃናትና ወጣቶች ሚኒስትር ሆነው ተሹመዋል፡፡

የአራቱን ሚኒስትሮች ሹመት 21 የሕወሓት አባላት ተቃውመውታል፡፡ ሹመቱ የትግራይ ተወላጆችን ያገለለ እንደሆነ፣ ላለፉት 27 ዓመታት ሕወሓት ያፈራውን ሀብት ለመቀራመት የሚደረግ ሹመት ነው የሚሉ ተቃውሞዎችን አሰምተዋል፡፡

ሌሎቹ የምክር ቤት አባላት በተሿሚዎቹና በሹመቱ ላይ የቀረበውን ትችት ያስተባበሉ ሲሆን፣ ‹‹ሚኒስትሮቹ የሚሾሙት ላለፉት ዓመታት የተዘረፈ ሀብትን ለማስመለስ ነው፤›› ሲሉ ወ/ሮ ብርቱካን ታደሰ የተባሉ የምክር ቤቱ አባል ምላሽ ሰጥተዋል፡፡

የምክር ቤቱ አባል የሆኑት አቶ ተስፋዬ ዳባ ደግሞ ዶ/ር ሊያ ከትግራይ ብሔር መሆናቸውን ገልጸዋል፡፡  አቶ ተስፋዬ ከዚህ ቀደም ሚኒስትሮችን ለመሾም የደኅንነት መሥሪያ ቤቱ ቡራኬ ያስፈልግ እንደነበር ገልጸው፣ አሁን ግን ጠቅላይ ሚኒስትሩ ሕገ መንግሥቱ የሰጣቸውን መብት ተጠቅመው ሹመት መስጠት በመጀመራቸው ምክንያት የቀረበ ተቃውሞ ነው ሲሉ ተችተዋል፡፡

የዕጩዎቹ ሹመት በ21 ተቃውሞ በአብላጫ ድምፅ ፀድቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...