Saturday, November 26, 2022
ሌሎች ዓምዶች
    - Advertisement -
    - Advertisement -
    ስፖርትከዓለም ጦርነት በኋላ ኦሊምፒክን ሊያሰርዝ የሚችለው የኮሮና ቫይረስ ወረርሽኝ

    ከዓለም ጦርነት በኋላ ኦሊምፒክን ሊያሰርዝ የሚችለው የኮሮና ቫይረስ ወረርሽኝ

    ቀን:

    ዓመታዊ የስፖርት ክንውኖች ፋይዳቸው ከውድድር በላይ መሆኑ ዕሙን ነው፡፡ ስፖርት ማኅበረሰብ ያቀራርባል፣ ወዳጅነትን ያመጣል ከዛም ባሻገር ለአገር ሉዓላዊነት ክብር ያሳጣል፡፡ የዓለም አገሮች በአንድ ላይ በማሰባሰብ ረገድ የስፖርት ውድድሮች ሚና የጎላ ነው፡፡ ከአኅጉራዊ ውድድሮች ጀምሮ ኦሊምፒክ የአንበሳውን ድርሻ ይወስዳል፡፡

    አራት ዓመት አንዴ ጠብቆ የሚከናወነው ዘመናዊው ኦሊምፒክ ከጀመረበት እ.ኤ.አ 1896 ጀምሮ ተወዳጅነቱ እንደቀጠለ አለ፡፡ ኦሊምፒክ የዓለም አገሮችን በአራት የሚያሰባስብ ከመሆኑ አንጻር ቅድመ ዝግጅት ማድረግ የውድድሩ ባህሪ ነው፡፡ ዘመናዊ የኦሊምፒክ ውድድር መከናወን ከጀመረበት ጊዜ አንስቶ ፖለቲካዊ፣ ማኅበራዊ እንዲሁም ወቅታዊ ለሆኑ ጉዳዮች ተጋላጭ ነው፡፡ ኦሊምፒክ መከናወን ከጀመረበት ወቅት አንስቶ በ1916 በርሊን፣ በ1940 ሂልሲንኪ እና በ1944 ለንደን ሊከናወኑ የነበሩት የኦሊምፒክ  ጨዋታዎች ሳይደረጉ ቀርተዋል፡፡

    በዓለም ጦርነት ምክንያት ኦሊምፒክ ብቻ የተቋረጠበት እንጂ ሌሎች ዓመታዊ የስፖርት ውድድሮች በጅምላ የተቋረጡበት ጊዜ ተሰምቶም አያዋቅም ቢባል አያስገርምም፡፡

    ከሐምሌ 17 እስከ ነሐሴ 3 ቀን 2012 ዓ.ም. በጃፓንዋ ቶኪዮ ለማከናወን ዕቅድ የያዘችው ከተማዋ ሽርጉድ ማለት ከጀመረች ዓመታት ተቆጥረዋል፡፡ የስታዲየም ግንባታዎች፣ የከተማ ማስፋፊያ እንዲሁም በቂ የመወዳደሪያ ሥፍራዎችን ገንብታ አጠናቃ እንግዶችዋን ለመቀበል ወራት ነበር የቀራት፡፡ ዳሩ ልፋቷን  መና የሚያስቀር የሚመስል መረጃዎች ከዓለም አቀፍ ሚዲያዎች እየወጡ ይገኛል፡፡ በሺዎች የሚቆጠሩ ሰዎችን ሕይወት እየቀጠፈ የሚገኘው ኮሮና ቫይረስ (ኮቪድ-19) ምክንያት ላይከናወን እንደሚችል እየተነገረ ይገኛል፡፡

    ታኅሣሥ 21 ቀን 2012 ዓ.ም. በቻይና ሁዋን ከተማ የተከሰተው ቫይረሱ በዓለም አገሮች እየተስፋፋ በመምጣቱ የጣሊያን፣ የስፔን፣ የእንግሊዝ፣ የአውሮፓ ማጣሪያ የእግር ኳስ ጨዋታዎች እንዲሁም የአገሮች ውድድሮች እንዲቋረጡ ከተደረጉ ሰነባብተዋል፡፡

    በሽታው የዓለም የጤና ድርጅት ‹‹ወረርሽኝ›› ብሎ ከአወጀው በኋላ ኅብረተሰቡ በአንድ ቦታ መሰባሰብ ለበሽታው ተጋላጭ ስለሚያደርግ ውድድሮች እንዲቋረጡ አድርጓል፡፡ የቦስተንና ለንደን ማራቶንን ጨምሮ በርካታ የጎዳና ላይ ውድድሮች ለመሰረዝ ተገደዋል፡፡

    የዘንድሮ የቶኪዮ ማራቶን ያለምንም ተመልካች፣ ከተሳታፊ በስተቀር የተወሰኑ ሰዎች ብቻ መሳተፋቸው ተነግሯል፡፡ ወረርሽኙ ወደ ኦሊምፒክ አዘጋጅ አገር ከገባበት ጊዜ አንስቶ ከ12 ሰዎች በላይ መሞታቸው ተገልጿል፡፡ በሽታው ከ121 አገሮች ላይ መሠራጨቱንና ከ130,000 ሰዎች በላይ በበሽታቸው መጠቃታቸውንና ከ5,116 ሰዎች በላይ ሕይወት አልፏል፡፡ ችግሩ በቻይና እያገገመ የመጣ ቢመስልም ዘግይቶም ቢሆን ወደ አፍሪካ እየተስፋፋ መጥቷል፡፡ በተለይ በሽታው በንክኪና በትንፋሽ ተላላፊ ከመሆኑ አንፃር ታላላቅ ተጫዋቾችን፣ አሠልጣኞችን እንዲሁም የጤና መሪዎችን ሳይቀር ማጥቃት ችሏል፡፡

    ይኼን ተከትሎ ቶኪዮ የዘንድሮውን ኦሊምፒክ በተያዘለት መርሐ ግብር እንደምታከናውን ብታስረዳም በአንፃሩ ደግሞ ውድድሩን ወደ ሁለት ዓመት ገፋ በማድረግ 2022 ላይ መደረግ አለበት የሚሉ መከራከሪያዎች እየወጡ ነው፡፡ የዓለም አቀፍ ኦሊምፒክ ኮሚቴ (አይኦሲ) በበኩሉ ውድድሩ በተያዘለት መርሐ ግብር እንደሚካሄድ ፅኑ አቋም ይዟል፡፡ አንዳንድ አገሮች የሚያቀርቡት መከራከሪያ በርካታ የቅድመ ማጣሪያ ጨዋታዎች በተያዘላቸው ሰዓት ባለመደረጋቸውና በበሽታው መስፋፋት ምክንያት መራዘማቸው ለዋናው ኦሊምፒክ ዝግጅት መድረስ አለመቻላቸው ያስረዳሉ፡፡

    ዓርብ መጋቢት 4 ቀን 2012 ዓ.ም. በወጣው ዘገባ ደግሞ ጃፓን ውድድሩን ባታሰናዳው እንደሚሻል የአሜሪካ ፕሬዚዳንት ዶናልድ ትራምፕ መክረዋል፡፡ እንደ ብሉምበርግ ዘገባ ከሆነ ዶናልድ ትራምፕ ውድድሩን ቢያንስ ለአንድ ዓመት ወደፊት ገፋ ማድረግ እንደሚገባ መክረዋል ሲል አስነብቧል፡፡

    ወረርሽኙ ከታወቀበት ጊዜ አንስቶ የተለያዩ እግር ኳሳዊ ውድድሮች በዝግ ስታዲየሞች ሲደረጉ ሰንብተዋል፡፡ ግን ኦሊምፒክ የመሰለ ውድድር ያለ ተመልካች ከማስተናገድ አንድ ወይም ሁለት ዓመት ገፋ አድርጎ ማከናወን እንደሚያስፈልግ ፕሬዚዳንቱ ምክራቸውን ለጃፓን ጠቅላይ ሚኒስቴር ሺንዞ አቤ ለግሰዋል፡፡

    ምንም እንኳን የአሜሪካ ፕሬዚዳንት ሥጋታቸውን ቢገልጹም ውድድሩ በተያዘለት መርሐ ግብር እንደሚከናወንና ዝግጅታቸውንም አጠናክረው እንደሚቀጥሉ የጃፓን ኦሊምፒክ ሚኒስትር ሊኮ አሺሞት አስተያየታቸውን ሰንዝረዋል፡፡

    መንግሥታቸው ከዓለም አቀፍ ኦሊምፒክ ኮሚቴ ጋር የበለጠ እንደሚሠራና ተቀናጅቶ የበለጠ ጥረት እንደሚያደርግ ሚኒስትሩ አልሸሸጉም፡፡ እንደ በርካቶች አስተያየት ከሆነ ውድድሩ ሙሉ በሙሉ ካለማድረግ ደግሞ ቀኑን ትንሽ ገፋ አድርጎ ማከናወን ወይም በዝግ ስታዲየም ማጫወትን እንደ ምርጫ ያስቀምጣሉ፡፡

    በተቃራኒው ውድድሩን አለመከናወን በጃፓን ላይ ከሚያደርሰው የገንዘብ ቀውስ ባሻገር ጠቅላላ ዝግጅቱን በቴሌቪዥን መስኮት ለማስተላለፍ ፈቃድ የገዙትን ድርጅቶች ሳይቀር ኪሳራ ውስጥ ሊከታቸው እንደሚችል እየተነገረ ይገኛል፡፡

    እንደ አገሪቱ የፋይናንስ መረጃ መሠረት ጃፓን ኦሊምፒኩን ለማሰናዳት 13.4 ቢሊዮን ዶላር ወጪ አድርጋለች፡፡ ከዚህም ውስጥ 277 ሚሊዮን ዶላር ደግሞ ለስታዲየም ግንባታ የወጣ ነው፡፡

    የዓለም አቀፍ ኦሊምፒክ ኮሚቴ ውድድሩ አሰናድቶ ገንዘብ ከሚያገኝባቸው ውድድሮች አንዱ ኦሊምፒክ ቀዳሚ በመሆኑ ዘንድሮም ከቴሌቪዥን ሥርጭት የሚያገኘው ገቢ ሊያጣ ይችላል፡፡

    እንደ አሶሽዬትድ ፕረስ ዘገባ ከሆነ የዓለም አቀፍ ኦሊምፒክ ኮሚቴ 75 በመቶ የሚሆነው (5.7 ቢሊዮን ዶላር) ገቢ በቴሌቪዥን ሥርጭት የሚያገኘው ነው፡፡ ከዚህም ባሻገር በኦሊምፒክ ለመታደም 80 ሚሊዮን ትኬቶች የተመልካች ፍላጎት እንዳለና 4.5 ሚሊዮን ትኬት በሁለት ምዕራፍ ለታዳሚዎች እንደተሸጠ ተናግረዋል፡፡

    የኮሮና ቫይረስ ወረርሽኝ አሁንም መስፋፋቱን የቀጠለ ሲሆን ዓርብ መጋቢት 4 ቀን 2012 ዓ.ም. በወጣው መረጃ መሠረት በኢትዮጵያም መግባቱ ተሰምቷል፡፡ ቶኪዮ የዘንድሮን ኦሊምፒክ ታከናውናለች አታከናወንም የሚለውን ጊዜ የሚፈታው ጉዳይ ይሆናል፡፡

    ከአራት ዓመት በፊት በላቲን አሜሪካ ተከስቶ የነበረው የዚካ ቫይረስ በሪዮ ኦሊምፒክ ጊዜም መነጋገሪያ ሆኖ ማለፉ ይታወሳል፡፡  

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...