Wednesday, February 1, 2023
- Advertisement -
- Advertisement -
ማኅበራዊሞዛምቢክ ውስጥ 64 ኢትዮጵያዊያን ሞተው ተገኙ

ሞዛምቢክ ውስጥ 64 ኢትዮጵያዊያን ሞተው ተገኙ

ቀን:

ማክሰኞ መጋቢት 15 ቀን 2012 ዓ.ም. ማለዳ ከማላዊ ወደ ሞዛምቢክ ኢትዮጵያዊያንን ጭኖ ሲጓዝ በነበረ የጭነት ተሽከርካሪ ኮንቴይነር ውስጥ፣ 64 ኢትዮጵያዊያን ሞተው መገኘታቸውን የሞዛምቢክ ባለሥልጣናት አስታወቁ፡፡ ሰነድ አልባ ስደተኞቹ ወደ ደቡብ አፍሪካ ለመሸጋገር ጉዞ የጀመሩ እንደሆኑ ታውቋል፡፡

በስደት ወደ ደቡብ አፍሪካ ለመሄድ የጭነት ተሽከርካሪውን ተሳፍረው የነበሩት 78 ኢትዮጵያውያን እንደነበሩ፣ 14 ኢትዮጵያውያን ግን በሕይወት መገኘታቻው ተሰምቷል፡፡ ለ64 ኢትዮጵያውያን ሕይወት ማለፍ ምክንያቱ በአየር ማጣት መታፈን ሊሆን እንደሚችል ተገልጿል፡፡

በሞዛምቢክ ሰሜናዊ ምዕራብ ቴቴ በተባለ ሥፍራ በሚገኝ ሙሳካና በተባለ የክብደት መመዘኛ ጣቢያ ተሽከርካሪው በኢሚግሬሽን ሠራተኞች እንዲቆም ተደርጎ ፍተሻ ሲካሄድ፣ 64 ሟቾች በሕይወት ከተረፉት ጋር መገኘታቸውን አዣንስ ፍራንስ ፕሬስ የሆስፒታል ምንጭ ጠቅሶ ዘግቧል፡፡

የሞዛምቢክ ሰሜን ምዕራብ ግዛት ባለሥልጣናት ከጭነት ተሽከርካሪው ላይ አስከሬናቸው የተገኙ ኢትዮጵያውያን፣ ሕይወታቸው በምን ምክንያት እንዳለፈ ምርመራ እየተደረገ መሆኑን መግለጻቸው ታውቋል።

በሌላ በኩል ኢትዮጵያውያኑ ሕይወታቸው ያለፈው በኮንቴይነር ውስጥ ታፍነው ሊሆን እንደሚችል በሞዛምቢክ ባለሥልጣናት የተገለጸ ሲሆን፣ የሞዛምቢክ ብሔራዊ ኢሚግሬሽን አገልግሎት ቃል አቀባይ አሜሊያ ደሪዬሮ ሟቾቹን አሳፍሮ የነበረው የጭነት ተሽከርካሪ ሾፌር እንዲቆም ሲጠየቅ ፈቃደኛ እንዳልነበረ መናገራቸውን ቢቢሲ ዘግቧል።

እንደ ቃል አቀባይዋ ማብራሪያ የኢሚግሬሽን ሠራተኞች በተሽከርካሪው ውስጥ ድምፅ በመስማታቸው፣ ስደተኞች በውስጡ ሊኖሩ ይችላሉ የሚል ጥርጣሬ አድሮባቸው እንዲቆም ሲያደርጉ ሟቾችን አግኝተዋል።

ወደ ደቡብ አፍሪካ በስደት የሚጓዙ ሰነድ አልባ ስደተኛ ኢትዮጵያዊያን ኬንያን፣ ታንዛኒያን፣ ማላዊና ሞዛምቢክን ለመሸጋገሪያነት የሚጠቀሙባቸው እንደሆነ፣ የዛምቢያ ሰሜን ምዕራብ ግዛትም ዋናው የሰነድ አልባ ስደተኞች መተላለፊያ መሆኑን የተለያዩ ሚዲያዎች ዘገባዎች ያመለክታሉ፡፡

በሕይወት የተረፉት 14 ኢትዮጵያዊያን የኮሮና ቫይረስ ምርመራ እንደ ተደረገላቸው ቃል አቀባይዋ መናገራቸውን ቢቢሲ በዘገባው አካቷል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...