Wednesday, February 8, 2023
- Advertisement -
- Advertisement -
ስፖርትታላቁ ሩጫ በዋሽንግተን ዲሲ በኮሮና ቫይረስ ምክንያት ተራዘመ

ታላቁ ሩጫ በዋሽንግተን ዲሲ በኮሮና ቫይረስ ምክንያት ተራዘመ

ቀን:

በአሜሪካ ዋሽንግተን በመጪው ሰኔ ሊካሄድ የነበረው ‹‹ታላቁ ሩጫ በዲሲ›› በኮሮና ቫይረስ ምክንያት መራዘሙ ተገለጸ፡፡

በአሜሪካ የኢትዮጵያ ኤምባሲ መጋቢት 15 ቀን 2019 ዓ.ም. በላከው ጋዜጣዊ መግለጫ እንዳስታወቀው፣ ኢትዮጵያውያንን ጨምሮ ብዙኃን ተሳታፊዎችን እንዲሁም በኦሊምፒክና በዓለም አትሌቲክስ ሻምፒዮና በመሳተፍ ታላላቅ ድሎችን በማስመዝገብ የሚታወቁ ከ20 በላይ ኢትዮጵያውያን አትሌቶችን የሚያሳትፈው ታላቁ ሩጫ በዲሲ እንዲራዘም የሆነበት ምክንያት፣ የዓለም ሕዝቦችን ዘር፣ ፆታ፣ ሃይማኖትና ብሔር እንዲሁም ወንድና ሴት፣ ሕፃን አዋቂ ሳይለይ በከፍተኛ ፍጥነት እያጠቃ ያለውን ኮሮና ቫይረስ ለመከላከልና ሕዝቡ ቅድሚያ ራሱን እንዲጠብቅ ለማስቻል ነው፡፡

እንደ መግለጫው ከሆነ፣ ዘንድሮ ለሁለተኛ ጊዜ በዋሽንግተን ዲሲ በሚደረገው ታላቁ ሩጫ በዲሲ ጥሩነሽ ዲባባና እህቶቿ እንዲሁም በሰሜን አሜሪካ የሚኖሩ ትውልደ ኢትዮጵያውያን ጨምሮ በርካቶችን ለማሳተፍ ዝግጅቱን አጠናቆ የነበረ ቢሆንም፣ በወረርሽኙ ምክንያት ወደ ሚቀጥለው ዓመት ታኅሳስ ወር እንዲሸጋገር ተደርጓል፡፡ ወረርሽኙ መፍትሔ የማያገኝ ከሆነ ቀኑ እንደገና ሊራዘም እንደሚችል ጭምር በመግለጫው ተካቷል፡፡

በአሜሪካ የኢትዮጵያ ባለ ሙሉ ሥልጣን አምባሳደር አቶ ፍጹም አረጋ፣ ‹‹እያንዳንዱ ሰው የሚወስደው ጥንቃቄና ዕርምጃ የቫይረሱን የመሠራጨት መጠን በስፋት ይቀንሳል፣ በተለይ አካላዊ ርቀትን በመጠበቅ የኮቪድ 19ን ሥርጭት ለመግታት አንዱና ዋነኛው መንገድ ነው፣” በማለት የባህሪ ለውጥ በቶሎ ማምጣት ያልቻሉ አገሮች ምን ያህል ዋጋ እየከፈሉ እንደሚገኙ፣ ኢትዮጵያውያንም ከዚህ መማር እንደሚገባ መልዕክታቸውን አስተላልፈዋል፡፡

በአሜሪካ የኢትዮጵያ ኤምባሲ ጋር በመተባበር የውድድሩን ዋና አዘጋጅ ጋሻው አብዛ (ዶ/ር) በበኩላቸው፣ “ማኅበረሰባችን ይህን ፈታኝ ጊዜ የጤና ባለሙያዎችን ምክር በመከተል ልናልፈው ይገባል፣” ብለው ይህ ወረርሽኝ ከተወገደ ታላቁ ሩጫ በዲሲ በሁሉም ዘርፍ በተሳካና በተደራጀ መልኩ ተዘጋጅቶ እንደሚቀርብ እምነታቸው መሆኑን ተናግረዋል፡፡      

ዘንድሮ ለሁለተኛ ጊዜ በዋሽንግተን ዲሲ ሊካሄድ የነበረው ይህ ሕዝባዊ ሩጫ፣ ባለፈው ዓመት ለመጀመሪያ ጊዜ ሐምሌ 14 ቀን 2011 ዓ.ም. መካሄዱ አይዘነጋም፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...