Wednesday, July 24, 2024
- Advertisement -
- Advertisement -
ማኅበራዊብሔራዊ ደም ባንክ በኮሮና ምክንያት የለጋሾች መቀነስ ሥጋት ውስጥ ከቶኛል አለ

ብሔራዊ ደም ባንክ በኮሮና ምክንያት የለጋሾች መቀነስ ሥጋት ውስጥ ከቶኛል አለ

ቀን:

ለዓለም ከፍተኛ ሥጋት የሆነው የኮሮና ቫይረስ ወረርሽኝ በኢትዮጵያ መገኘቱ ከተረጋገጠ በኋላ ደም ለጋሾች በመቀነሳቸው ሥጋት ውስጥ መሆኑን የኢትዮጵያ ብሔራዊ የደም ባንክ አስታወቀ፡፡

የኢትዮጵያ ብሔራዊ የደም ባንክ ተጠባባቂ ዋና ዳይሬክተር አቶ ያረጋል ባንቴ በፊርማቸው ወጪ የተደረገ ደብዳቤ እንደሚገልጸው፣ ወረርሽኙ እንዳይስፋፋ መንግሥትና የሚመለከታቸው አካላት አስፈላጊ ነው ያሉትን ዕርምጃ ሁሉ እየወሰዱ ነው፡፡ ብዙ ሕዝብ የሚገኝባቸውን ዝግጅቶች መሰረዝ፣ ትምህርት ቤቶችንና ዩኒቨርሲቲዎችን መዝጋት መንግሥት ከወሰዳቸው ዕርምጃዎች ጥቂቶቹ ናቸው፡፡

በቀጣይ ግን ማንኛውም ዓይነት እንቅስቃሴዎች ቢዘጉ ወረርሽኙን ለመከላከል ተገቢ ዕርምጃ ቢሆንም፣ በተቃራኒው ግን ሌላም ችግር ሊያመጣ እንደሚችል አስታውቀዋል፡፡ ተጠባባቂ ዋና ዳይሬክተሩ ደም የሚለግሱ በጎ ፈቃደኞች መቀነሳቸውና ጨርሶም አለመኖራቸው አሳሳቢ ነው ብለዋል፡፡

የደም አቅርቦት በጣም አስፈላጊ ቢሆንም አሁን እየለገሱ ባሉ ጥቂት ወገኖች ብቻ የሚሰጠው ደም በቂ አለመሆኑን ገልጸዋል፡፡ ለካንሰር ሕሙማን፣ ለድንገተኛ አደጋዎችና ለወላድ እናቶች በዚህ በወረርሽኝ ወቅትም አስፈላጊ መሆኑን አስረድተዋል፡፡

ደም በተፈጥሮው የመጠቀሚያ ጊዜው አጭር በመሆኑ ያለማቋረጥ መሰብሰብ እንደሚያስፈልግ ጠቁመው፣ ደም ለመሰብሰብ ደግሞ በርካታ ሰዎች ስለሚያስፈልጉ አሁን ባለው የአካል መራራቅ ሒደትም መለገስ እንደሚቻል ተናግረዋል፡፡

ተገቢ የሆኑ የኢንፌክሽን መቆጣጠሪያ ዘዴዎችን በመጠቀም በአደባባዮችና በጋራ መኖሪያ ቤቶች በኮንዶሚኒየም በመዘዋወር ደም የሚለግሱ ወገኖችን መጠየቅ ተገቢ በመሆኑ፣ የደም ልገሳ መርሐ ግብር እንደሚካሄድ አስታውቀዋል፡፡ ሁሉም ጤናማ የአገሪቱ ዜጎች በአቅራቢያቸው በሚገኙ ደም ባንኮች  ወይም ደም መለገሻ ጊዜያዊ ጣቢያዎች በመገኘት ደም እንዲለግሱ ጠይቀዋል፡፡

ከብሔራዊ ደም ባንክ በተገኘ መረጃ መሠረት የአገሪቱ ዓመታዊ የደም ፍላጎት አንድ ሚሊዮን ዩኒት ያህል ቢሆንም፣ በየዓመቱ የሚያገኘው ግን ከ223 ሺሕ ዩኒት አይበልጥም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...