Tuesday, July 23, 2024
- ማስታወቂያ -
- ማስታወቂያ -

ባንኮች ከ70 ሚሊዮን ብር በላይ ለኮሮና መከላከለያ ድጋፍ ለግሰዋል

ተዛማጅ ፅሁፎች

ሚድሮክን ጨምሮ በርካታ ድርጅቶች መዋጮ እያደረጉ ነው

የኮሮና ቫይረስን ለመከላከል መንግሥት ያደረገውን የድጋፍ ጥሪ በመከተል የፋይናንስ ተቋማት እስካሁን 71 ሚሊዮን ብር ለግሰዋል፡፡ ሚድሮክ ብቻውን ከ120 ሚሊዮን ብር በላይ ገንዘብ ሲለግስ፣ ከዜጎችና ከኩባንያዎች ከ150 ሚሊዮን ብር በላይ ገንዘብ መዋጣቱ ታውቋል፡፡

ካለፈው ሳምንት ጀምሮ በተከታታይ ድጋፍ በማድረግ ከ71 ሚሊዮን ብር በላይ ድጋፍ ያደረጉት 14 የፋይናንስ ተቋማት፣ ከቅዳሜ መጋቢት 19 ቀን 2012 ዓ.ም. ጀምሮ በተደረገው ድጋፍ ዳሸንና አዋሽ ባንክ እያንዳንዳቸው አሥር ሚሊዮን ብር ሰጥተዋል፡፡

ከሁለት ባንኮች ባሻገር አዲስ ኢንተርናሽናል ባንክ ሁለት ሚሊዮን ብር፣  እናት ባንክ ሁለት ሚሊዮን ብር፣ ኦሮሚያ ኢንተርናሽናል ባንክ አምስት ሚሊዮን ብር፣ ዓባይ ባንክ ሦስት ሚሊዮን ብር እንዲሁም፣ ደቡብ ግሎባል ባንክ ሁለት ሚሊዮን ብር በማዋጣት ድጋፍ ማድረጋቸው ተገልጿል፡፡

ከኢንሹራንስ ኩባንያዎች መካከል ንብ ኢንሹራንስ አንድ ሚሊዮን ብር፣ አዋሽ ኢንሹራንስ ሦስት ሚሊዮን ብር ሰጥተዋል፡፡ እስካሁን በዚህ የፋይናንስ ድጋፍ 71 ሚሊዮን ብር ድጋፍ ከሰጡት ውስጥ አሥሩ ባንኮች ሲሆኑ፣ አራቱ የኢንሹራንስ ኩባንያዎች ተካተዋል፡፡

መንግሥት የድጋፍ አሰባሳቢ ኮሚቴ በማቋቋም ከዜጎች ድጋፍ በማሰባሰብ ላይ ሲሆን፣ ሚድሮክ ቴኖክሎጂ ግሩፕ ከሠራተኞቹ ጋር በማቀናጀት ከሰጣቸው ድጋፎች በተጨማሪ፣ ከ120 ሚሊዮን ብር በላይ ልገሳ ማድረጉን የአዲስ አበባ ከተማ ከንቲባ ታከለ ኡማ ገልጸዋል፡፡

ከገንዘብ ድጋፍ ባሻገር በዓይነት እየቀረበ የሚገኘው ድጋፍም ወረርሽኙን ለመመከት የሚደረገውን ርብርብና ትብብር እያመላከተ ነው፡፡ ሕንፃዎቻቸውን፣ የግል ቤታቸውን፣ በርካታ ቁሳቁሶችን፣ የሕክምና መገልገያዎችና ሌሎችንም ጨምሮ በኢትዮ ቴሌኮም በኩል በስልክ የሚደረገው መዋጮ ሕዝብ ለኮሮና አደጋ ትኩረት በመስጠት እየተንቀሳቀሰ ይገኛል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች