Wednesday, December 7, 2022
ሌሎች ዓምዶች
    - Advertisement -
    - Advertisement -
    ስፖርትአትሌቶች ባሉበት ቦታ ልምምድ እንዳያቋርጡ የታቀደው አሠራር

    አትሌቶች ባሉበት ቦታ ልምምድ እንዳያቋርጡ የታቀደው አሠራር

    ቀን:

    የኮሮና ቫይረስ ወረርሽኝ ጉዳት ካደረሰባቸው ዘርፎች አንዱ ስፖርቱ ነው፡፡ በወረርሽኙ ምክንያት በሒደት ሊመጣ የሚችለውን ኢኮኖሚያዊና ማኅበራዊ ቀውስ በተወሰነ መልኩ መቀነስ ይቻል ዘንድ በየደረጃው የሚገኙ ተቋማት የአትሌቶቻቸውን ሥነ ልቦናና ሞራል የሚጠብቁ ሥራዎችን እያከናወኑ ይገኛሉ፡፡

    የኢትዮጵያ አትሌቲክስ ፌዴሬሽን ጨምሮ ሁሉም ብሔራዊ ፌዴሬሽኖችና አሶሴሽኖች አትሌቶቻቸው በወረርሽኙ ምክንያት ከተለመደው የዕለት ተዕለት እንቅስቃሴያቸው ውጭ ሳይሆኑ፣ በተቻላቸው መጠን ከአካላዊ ንክኪ ተቆጥበው ልምምድ እንዳያቋርጡ ድጋፍ የታከለበት ክትትልና ቁጥጥር እያደረጉ ነው፡፡

    ኢትዮጵያ በተለያዩ ዓለም አቀፋዊና አኅጉራዊ ውድድሮች ላይ ከውክልናም አልፎ ውጤት የምታስመዘግብበት አትሌቲክሱ ይጠቀሳል፡፡ እንደ ዘርፉ ሙያተኞች ‹‹አትሌቲክስ ቀጣይነት ያለው ዝግጅትና ከፍተኛ ድካም የሚጠይቅ ነው፡፡ ወቅቱ ብዙዎቹ አትሌቶች በወረርሽኙ ምክንያት ልምምዶችን ጨምሮ ከተለመደው እንቅስቃሴ ውጪ የሆኑበት አጋጣሚ ተፈጥሯል፡፡ አሠልጣኞች አትሌቶቹን በአካል አግኝተው ምን ዓይነት ዝግጅት ማድረግ እንዳለባቸው ዕገዛ እያደረጉላቸው አይደለም፡፡

    የብሔራዊ ቡድን አትሌቶችን ጨምሮ በአዲስ አበባ ይኖሩ የነበሩ አትሌቶች የኮሮና ቫይረስ ወረርሽኝ በኢትዮጵያ መከሰቱ ከታወቀበት ዕለት ጀምሮ እንደወትሮ የሚያዘወትሩባቸው ቦታዎች አካባቢ እንቅስቃሴ ሲያደርጉ አይታዩም፡፡ ብዙዎቹ ወደ ትውልድ ቀያቸው መጓዛቸው ነው የሚነገረው፡፡ ብሔራዊ ፌዴሬሽኑ መጋቢት 21 ቀን 2012 ዓ.ም. ለብሔራዊ አትሌቶችና አሠልጣኞች ሞራል መጠበቂያ ይሆን ዘንድ ለ211 ብሔራዊ አትሌቶችና 56 ብሔራዊ አሠልጣኞች የገንዘብና የትጥቅ ድጋፍ ማድረጉ አይዘነጋም፡፡

    ፌዴሬሽኑ በተጨማሪም በቀጣይ ዓመት ለሚደረጉት አኅጉራዊ፣ ዓለም አቀፋዊና የኦሊምፒክ ጨዋታዎች አትሌቶችና አሠልጣኞች ከወዲሁ አካላዊ፣ አዕምሯዊና ሥነ ልቦናዊ ዝግጅት እንዲያደርጉ የሚያስችሉ አዳዲስ ፕሮግራሞችን ጭምር በማዘጋጀት ለዚህም ሲባል የተለያዩ የሚዲያ አማራጮችን በመጠቀም ሥራዎችን ለመሥራት ዕቅድ እንዳለው ተናግሯል፡፡

    አትሌቶቹ የሚሰጣቸውን የገንዘብ ድጋፍ ጨምሮ ሌሎችም ከፌዴሬሽኑ የሚወርዱ መመርያና ደንቦች በቀላሉ ማግኘት ይችሉ ዘንድ አትሌቶቹ ሙሉ ስማቸውንና የኢትዮጵያ ንግድ ባንክ የሒሳብ ቁጥራቸውን በአካል አልያም ለአሠልጣኞቻቸው እንዲልኩ መጠየቁም ታውቋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ትውፊቶች ከደቡብ እስከ ሰሜን

    ፌዴራላዊ ሪፐብሊክ የተመሠረተበት የኢትዮጵያ ሕገ መንግሥት ከፀደቀ ዘንድሮ ኅዳር...

    ምስርን የተካው የተቀናጀ የስንዴ ልማት በጊንቢቹ

    በኦሮሚያ ክልል ምሥራቅ ሸዋ ዞን በምትገኘው ጊንቢቹ ወረዳ ለእርሻ...

    የሱዳንን የፖለቲካ ቀውስ ይፈታል የተባለው የሱዳን ጄኔራሎችና የፖለቲካ ፓርቲዎች ስምምነት

    የሱዳን የጦር መኮንኖችና የፖለቲካ ፓርቲዎች ለሁለት ዓመታት የሚቆይ ሲቪል...

    ፈጠራና ቴክኖሎጂ የተሳሰሩበት ዓውደ ርዕይ

    በአበበ ፍቅር ዘጠነኛው ዓለም አቀፍ የኢንተርፕርነርሺፕ ሳምንትን በማስመልከት የተለያዩ   የፈጠራ...