Saturday, June 15, 2024
- Advertisement -
- Advertisement -

ማኅበራዊለጤና ባለሙያዎች የታሰበ የፊት መሸፈኛ ማስክ መሥራት ተጀመረ

ለጤና ባለሙያዎች የታሰበ የፊት መሸፈኛ ማስክ መሥራት ተጀመረ

ቀን:

በተመስገን ተጋፋው

የኮሮና ቫይረስን ለመከላከል አገልግሎት እየሰጡ ለሚገኙ የጤና ባለሙያዎች የፊት መሸፈኛ ማስክ እየሠራ እንደሚገኝ የአቡጊዳ የሮቦቲክና የቴክኖሎጂ ማዕከል አስታወቀ፡፡

የማዕከሉ ሥራ አስኪያጅ ታሪኩ ፈቃዱ (ዶ/ር)፣ ኮቪድ-19ን ለመከላከል የሚረዳው የፊት መሸፈኛ ማስክ የተሠራው የጤና ባለሙያዎች  ተጋላጭ ስለሆኑ በቅድሚያ ቅድመ ጥንቃቄ እንዲያደርጉ ታሳቢ መሆኑን ገልጸዋል፡፡

- Advertisement -

የፊት መሸፈኛ ማስኩንም ከአዲስ አበባ ዩኒቨርሲቲ የኬሚካል ኢንጂነሪንግ ዲፓርትመንት ጋር በመሆን እየሠሩ እንደሚገኙ ዶ/ር ታሪኩ አስረድተዋል፡፡

ምርቱን በብዛት ለማቅረብ እንዲቻል የፕላስቲክ ፋብሪካዎችን በማናገርና አብሮ  ለመሥራት ሒደት ላይ መሆናቸውን የገለጹት ዶ/ር ታሪኩ፣ ለጤና ባለሙያዎች የሚያገለግለውን አንድ የፊት መሸፈኛ ማስክ ለመሥራት ሁለት ሰዓት ያህል የሚፈጅ ሲሆን፣ በቀን አሥር ማስኮችን እንደሚያመርቱ አክለዋል፡፡

ኮሮና ቫይረስን ለመከላከል ሁሉም ባለድርሻ አካላት ተገቢውን ሥራ መሥራት ይገባል ሲሉ ዶ/ር ታሪኩ አሳስበዋል፡፡

የአቡጊዳ የሮቦቲክና የቴክኖሎጂ ማዕከል መሥራች ምሕረት ዋልጋ (ኢንጂነር)፣ ለጤና ባለሙያዎች የሚያገለግል የፊት ማስክ በመሥራት፣ ለቅዱስ ጴጥሮስ ስፔሻላይዝድ ሆስፒታል ለሙከራ ማስረከባቸውን ተናግረዋል፡፡

ለማስኩ ምንም ዓይነት ገንዘብ እንደማያስከፍሉና ዲዛይንኑንና አሠራሩን ለመማር የሚፈልጉ ሰዎች በነፃ መማር እንደሚችሉም አስታውቀዋል፡፡

የኮሮና ቫይረስ ሥርጭትን ለመቀነስ መንግሥት የሚያደርገውን ጥረት በጥቂቱ ለማገዝም እጅን በ25 ሳንቲ ሜትር ርቀት በማስጠጋት ሳኒታይዘር መርጨት የሚችል ሮቦት ሠርተው ማቅረባቸውንም ሳይገልጹ አላለፉም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...