Wednesday, July 24, 2024
- ማስታወቂያ -
- ማስታወቂያ -

ሕብረት ባንክ ከ26 ሚሊዮን ብር ወጪ የሚያድንለት አዲስ ቴክኖሎጂ በራሱ ባለሙያዎች ማስተግበር መቻሉን አስታወቀ

ተዛማጅ ፅሁፎች

ሕብረት ባንክ በራሱ የቴክኖሎጂ ባለሙያዎች ቡድን የበለፀገ አዲሱ የኮር ባንኪንግ ሲስተምና የኦላይን ባንኪንግ ሥርዓት ሙሉ በሙሉ በመተግበር 26 ሚሊዮን ብር የሚገመት ወጪ ማዳኑን አስታወቀ፡፡

ባንኮች የኮር ባንኪንግና ተዛማጅ ቴክኖሎጂ ተኮር ሥራዎችን የመጠቀም አቅማቸውን ለማሳደግ የአገልግሎቱ አምራቾች ከሆኑ ኩባንያዎች በመግዛትና ባለሙያዎቻቸውን በማስመጣት ሲያስተገብሩ ቆይተዋል፡፡ ሕብረት ባንክ ግን አዲሱን የኮር ባንኪንግና የኦላይን ባንኪንግ ሥርዓት በራሱ ባለሙያዎች ማሠራት መቻሉን ገልጿል፡፡

ባንኩ ስለዚሁ ቴክኖሎጂ ባወጣው መግለጫ መሠረት፣ የኢንፎርሜሽን ቴክኖሎጂ ባለሙያዎቹ የመጨረሻውንና ትልልቅ የፋይናንስ ተቋማት የሚጠቀሙበትን የኮር ባንኪንግ ሲስተም እንዲሁም የኦንላይን ባንኪንግ ቴክኖሎጂን መተግበር ችሏል፡፡ ይህም በኢትዮጵያ ቀዳሚ እንደሚያደርገውና ይህ ስኬት በአፍሪካ ባንኮች አኳያም በዚህ ዓይነቱ ቴክኖሎጂ በመጠቀም ልዩነትን መፍጠር እንዳስቻለው ሕብረት ባንክ አስታውቋል፡፡

የዚህ ቴክሎጂ ትግበራ መደበኛውን የኮር ባንኪንግ፣ የወለድ አልባ ወይም ኢዝላሚክ ኮር ባንኪንግ የተሰኙትን ጨምሮ የብድር አሰጣጥን ወይም ኦሪጅኔሽንና የኢንተርኔት ባንኪንግን (ኦራክል ዲጂታል ኤክስፒሪያንስ ኦዲቢኤክስ) የሚመሩ አገልግሎቶችን ወደ አዲስ የልቀት ምዕራፍ በመውሰድ ትልቅ ማሻሻያዎች እንደሚያስከትሉ ባንኩ በመግለጫ አስታውቋል፡፡ በአገር ውስጥ ባለሙያዎች ይህ የቴክኖሎጂ ውጤት መተግበር በመቻሉ በትንሹ ከ700 እስከ 800 ሺሕ ዶላር ወይም ከ25 እስከ 26 ሚሊዮን ብር የሚገመት ወጪ እንደሚያድንለት ጠቁሟል፡፡ እንዲህ ላሉት የቴክኖሎጂ አገልግሎቶች የሚከፈለው በውጭ ምንዛሪ በመሆኑ የውጭ ምንዛሪ ከማዳን አኳያም አስተዋጽኦ እንዳበረከተለት ጠቅሷል፡፡

ከመጋቢት 23 ቀን 2012 ዓ.ም. ጀምሮ አዲሱን የኦራክል ሲስተምና አዳዲስ የባንክ አገልግሎት ቴክሎኖጂዎች በማስተግበር አገልግሎት መስጠት እንደጀመረ አብራርቷል፡፡

ባንኩ ከአንድ ሚሊዮን በላይ ለሆኑት ደንበኞቹ አዲስና የላቀ የኦንላይን ባንኪንግ አገልግሎት ለመስጠት ከ315 በላይ የሆኑት ቅርንጫፎቹ በአዲሱ ሲስተም በመታገዛቸው፣ የባንኩን አገልግሎቶች በቅልጥፍና ለማቅረብ እንደሚያስችሉት ጠቅሷል፡፡

የሕብረት ባንክ ደንበኞች ወደ ባንኩ በአካል መሄድ ሳያስፈልጋቸው በኤሌክትሮኒክ የባንክ አገልግሎት መጠቀም እንደሚችሉ የገለጸው ባንኩ፣ የኮሮና ቫይረስ ሥርጭትን ለመግታት ንክኪን የሚቀንሱ ዘዴዎችን እያስፋፋ፣ በሌሎች አካላትን የሚደረጉ ጥረቶችን ለማገዝ እንዲህ ያሉ አገልግሎቶች ተመራጭ መሆናቸውን አስታውቋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች