Monday, December 5, 2022
ሌሎች ዓምዶች
    - Advertisement -
    - Advertisement -
    ስፖርትታዋቂ ኢትዮጵያውያን የሚሳተፉበት በኢንተርኔት የታገዘ የቨርቿል ሩጫ ተዘጋጀ

    ታዋቂ ኢትዮጵያውያን የሚሳተፉበት በኢንተርኔት የታገዘ የቨርቿል ሩጫ ተዘጋጀ

    ቀን:

    ኮቪድ 19 ወረርሽኝ ያሳደረውን ተፅዕኖ መቀነስና መቀየር ይቻል ዘንድ በኢንተርኔት የታገዘ በመላው ዓለም የሚገኙ ኢትዮጵያውያንን የሚያሳትፍ ቨርቿል ሩጫ መዘጋጀቱ የታላቁ ሩጫ በዋሽንግተን ዲሲ አስተባባሪ ባወጣው መግለጫ አስታወቀ፡፡

    በመላው ዓለም የሚገኙ ኢትዮጵያውያን ይህ ዓለም አቀፍ ወረርሽኝ ከተከሰተ ጀምሮ ረዘም ላለ ጊዜ ቤት ውስጥ ለመቀመጥ በመገደዳቸው፣ ሥራ እንደወትሮ ወጥቶና ነፃ ሆኖ መሥራት አለመቻላቸው ብሎም የተወሰኑ ወገኖች ሥራቸውን ማጣታቸው ሥጋትና የአዕምሮ ጭንቀት በመፍጠር ለከፋ ችግር እየዳረጋቸው መሆኑ የገለጸው የሩጫው አዘጋጅና አስተባባሪ፣ “የወገኖቻችንን ችግር በተወሰነ መልኩ ማቃለል ይቻል ዘንድ በኢንተርኔት የታገዘ ቨርቿል ሩጫ ማዘጋጀት አስፈልጓል፡፡ ታዋቂ አትሌቶች በያሉበት ቦታ ሆነው፣ በቪዲዮ ተራ በተራ እየሮጡና ጆግ እያደረጉ ለውድድሩ በተዘጋጀው ‹ዙም› በተሰኘ መተግበሪያ ላይ በቀጥታ የሚሳተፉበትና ጎን ለጎንም በተለያዩ የዓለም ክፍል የሚገኙ ኢትዮጵያውያን ጋር በተመሳሳይ ሰዓት በአንድ ላይ የሚያሳትፍና የሚያሰባስብ የሩጫ ወይም የሶምሶማ ዝግጅት ነው፤” ብሏል፡፡

    በኢንተርኔት የታገዘው ሩጫ ቅዳሜ ግንቦት 8 ቀን 2012 ዓ.ም. በአንጋፋና ታዋቂ ኢትዮጵያውያን አትሌቶች መሪነት እንደሚካሄድ የዝግጅቱ አስተባባሪ አስታውቋል፡፡ በዝግጅቱ ይታደማሉ ከተባሉት ታላላቅና ታዋቂ አትሌቶች መካከል የኢትዮጵያ አትሌቲክስ ፌዴሬሽን ተቀዳሚ ምክትል ፕሬዚዳንት ኮማንደር ደራርቱ ቱሉ፣ ቀነኒሳ በቀለ፣ ጥሩነሽ ዲባባ፣ ገንዘቤ ዲባባ፣ ስለሺ ስህን፣ ፋጡማ ሮባ፣ ሚሊዮን ወልዴና እጅጋየሁ ዲባባ መሆናቸው ተጠቅሷል፡፡

    ተሳታፊዎች ቤት ወይም ግቢ ውስጥ የመሮጫ ማሽን (ትሬድ ሚል) ያላቸው ከሆኑ ማሽኑ ላይ ሆነው እየሮጡ ስልካቸውን ከኮምፒዩተር አልያም ከቴሌቪዥን ጋር በማገናኘት አትሌቶቹን እየተከተሉ መሳተፍ የሚችሉ ስለመሆኑ ጭምር የዝግጅት ክፍሉ መግለጫ ያስረዳል፡፡

    በመተግበሪያው ላይ በቀጥታ የሚሳተፉ ሰዎች በየትኛውም የዓለም ክፍል ከሚኖሩ ኢትዮጵያውያን ጋር እየተያዩና ከቤተሰቦቻቸው ጋር ሆነው የሚካፈሉበት የውድድር ዓይነት ሲሆን፣ ዕድሉ ቀድመው ለሚመዘገቡና የቴክኖሎጂው አቅም ለሚፈቅድላቸው አንድ ሺሕ ሰዎች የሚቀርብ እንደሆነም መግለጫው ያስረዳል፡፡ ከዝግጅቱ የሚገኘው ገቢ በኮቪድ 19 ዙሪያ ኢትዮጵያ ውስጥ ለሚሠሩ ሁለት መንግሥታዊ ያልሆኑ ድርጅቶች እንደሚበረከት የታላቁ ሩጫ በዲሲ አስተባባሪ አስታውቋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...