Tuesday, November 29, 2022
ሌሎች ዓምዶች

    ምርጫና ሕገ መንግሥታዊ ክፍተትን ከለላ ያደረገው የሥልጣን ጥያቄ

    - Advertisement -spot_img

    በብዛት የተነበቡ

    መጪው ምርጫ ወቅቱን ጠብቆ ባለመካሄዱ ሳቢያ የተነሳው የመንግሥት ቅቡልነት ጥያቄ፣ ከአገሪቱ የፖለቲካ ልሂቃን አልፎ የዜጎች አነጋጋሪ አጀንዳ ሆኖ ሰንብቷል፡፡ በምርጫው መራዘም ምክንያት የሕገ መንግሥት ጥያቄ ሲነሳ፣ በተለያዩ ወገኖች የተለያዩ አመራጭ ሐሳቦች ሲቀርቡ ነበር፡፡ መንግሥት አራት አማራጮች ለውይይት አቅርቦ ከተለያዩ የፖለቲካ ፓርቲዎች ጋር ከተነጋገረበት በኋላ፣ ፓርላማው ባለፈው ሳምንት የሕገ መንግሥት ትርጓሜ እንዲሰጥበት ለሚመለከተው አካል ወስኖ መላኩ ይታወሳል፡፡ ሕገ መንግሥቱ መለወጥ አለበት ከሚሉ እስከ ሕገ መንግሥታዊ ማሻሻያ ያስፈልጋል እስከሚሉ፣ እንዲሁም ሕገ መንግሥቱ በፍፁም መነካት የለበትም ከሚሉ ከእነ ችግሩም ቢሆን እስከ መጪው ምርጫ ድረስ እንገዛበት የሚሉ ድረስ ውዝግቦች ሲደመጡ ሰንብቷል፡፡ ምርጫው በኮሮና ወረርሽኝ ምክንያት በመራዘሙ ሳቢያ ከመስከረም 30 ቀን 2013 ዓ.ም. ጀምሮ በሥራ ላይ ያለው መንግሥት ቅቡልነት ስለማይኖረው ‹‹ሕገ መንግሥታዊ ቀውስ›› እንደሚያጋጥም፣ በዚህም ምክንያት ጊዜያዊ የባላደራ ወይም የሽግግር መንግሥት ምሥረታ ጥያቄ ያቀረቡ ተስተውለዋል፡፡ ይህ ካልሆነ ግን በአገሪቱ ግጭት እንደሚቀሰቀስም አስጠንቅቀዋል፡፡ በሌላ በኩል ካጋጠመው አገራዊና ዓለም አቀፋዊ ችግር አኳያ መንግሥት እስከ መጪው ምርጫ ድረስ ባለበት ቆይቶ፣ የሽግግር ሒደቱን እንዲመራ መግለጫ ያወጡ የፖለቲካ ፓርቲዎችም አሉ፡፡ ጠቅላይ ሚኒስትር ዓብይ አህመድ (ዶ/ር) ምርጫውን ለማካሄድ የመንግሥት ቁርጥ አቋም እንደነበር፣ በተከሰተው ችግር ሳቢያ ማካሄድ አዳጋች እንደሆነና ይህም የኢትዮጵያ ብቻ ችግር አለመሆኑን ምሳሌዎች በማጣቀስ አስረድተዋል፡፡ የመንግሥትን ሥልጣን ከምርጫ ውጪ በኃይል ለመያዝ የሚደረገውን እንቅስቃሴ ግን መንግሥታቸው እንደማይታገስ ማስጠንቀቃቸው ይታወሳል፡፡ በርካቶችም ይህንን ከባድ ጊዜ በመሻገር ለመጪው ምርጫ መዘጋጀት ሲገባ፣ ለአቋራጭ ሥልጣን ተብሎ ለምን የአመፅ ጥሪ ይደረጋል በማለት አስተያየታቸውን በተለያዩ የመገናኛ ዘዴዎች አቅርበዋል፡፡

    spot_img
    - Advertisement -

    ትኩስ ጽሑፎች

    ተዛማጅ ጽሑፎች

    - Advertisement -
    - Advertisement -