Wednesday, July 24, 2024
- Advertisement -
- Advertisement -
ዜናአገር አቀፍ ቁጥር ያልተሰጣቸው ተቋማት የሚያወጧቸው መመርያዎች ተግባራዊ እንዳይሆኑ ሕግ ወጣ

አገር አቀፍ ቁጥር ያልተሰጣቸው ተቋማት የሚያወጧቸው መመርያዎች ተግባራዊ እንዳይሆኑ ሕግ ወጣ

ቀን:

የፌዴራል መንግሥት አስፈጻሚ መሥሪያ ቤቶችና የፌዴራል መንግሥት ተጠሪ የሆኑ የከተማ አስተዳደሮች (አዲስ አበባና ድሬዳዋ ከተማ አስተዳደሮች) የሚያወጧቸው የማስፈጸሚያ መመርያዎች፣ ለፌዴራል ጠቅላይ ዓቃቤ ሕግ ቀርበው አገር አቀፍ ቁጥር ካልተሰጣቸው በስተቀር ተግባር ላይ እንደማይውሉ ታወቀ፡፡ ለዚህም የሚያገለግል ሕግ ሥራ ላይ ውሏል፡፡

መጋቢት 29 ቀን 2012 ዓ.ም. ታትሞ ሰሞኑን በሥራ ላይ የዋለው የፌዴራል አስተዳደር ሥነ ሥርዓት አዋጅ ቁጥር 1183/2012 እንደሚያስረዳው፣ በሰዎች (ተገልጋዮች) መብቶችና ጥቅሞች ላይ የሚታዩ ጣልቃ ገብነቶችን በሕግ ለመምራት፣ ለሕግ ተገዥና ተጠያቂ ለማድረግ ሕግ ያስፈልጋል፡፡

በሕገ መንግሥቱ መንግሥታዊ አሠራር ለሕዝብ ግልጽ በሆነ መንገድ መከናወን እንዳለበት፣ ማናቸውም የመንግሥት ባለሥልጣን ኃላፊነቱ ሳይጓደል መሥራትና ማገልገል እንዳለበት ተደንግጓል፡፡ በመሆኑም ጊዜ የወሰደ ቢሆንም ሁሉም የፌዴራልና የከተማ አስተዳደሮች ተቋማት የሚመሩበት የአስተዳደር ሥነ ሥርዓት አዋጅ በማስፈለጉ፣ አዋጅ ቁጥር 1183/2012 ከመጋቢት 30 ቀን 2012 ዓ.ም. ጀምሮ ተግባራዊ ተደርጓል፡፡

የአዋጁ ድንጋጌዎች እንደሚያስረዱት የፌዴራል አስተዳደር ተቋማት በአዋጁ የተሰጣቸውን መመርያ የማውጣት ውክልና ተግባራዊ ሲያደርጉ፣ ባለድርሻ አካላትንና ተገልጋዮችን በግልጽ በማሳተፍ በሚያዘጋጁት መመርያ ላይ አስተያየት እንዲሰጡና ውይይት ለማድረግ በቂ ጊዜ መስጠት አለባቸው፡፡

ተቋማቱ ያዘጋጁትን መመርያ ከማፅደቃቸው በፊት ለጠቅላይ ዓቃቤ ሕግ ልከው የሚሰጠውን አስተያየት በ15 ቀናት ውስጥ እንደሚቀበሉ፣ ነገር ግን በ15 ቀናት ውስጥ ካልመለሰላቸው ማፅደቅና መተግበር እንደሚችሉም አክሏል፡፡

በአዋጅ ቁጥር 1183/2012 ድንጋጌ መሠረት ተቋማቱ ያፀደቁትን መመርያ፣ ወዲያውኑ ለፌዴራል ጠቅላይ ዓቃቤ ሕግ በመላክ ማስመዝገብ እንዳለባቸው ያክላል፡፡ ዓቃቤ ሕግም መመዝገቡን ወዲያውኑ ማሳወቅ አለበት፡፡

አዋጁ ከመውጣቱ በፊት በሥራ ላይ የነበሩ የሁሉም የፌዴራል ተቋማት መመርያዎች፣ አዋጁ በሥራ ላይ ከዋለበት ቀን ጀምሮ በ90 ቀናት ውስጥ ለዓቃቤ ሕግ ልከው ማስመዝገብ እንዳለባቸውም ግዳጅ ጥሏል፡፡ መመርያዎቹ በሥራ ላይ የሚውሉት ወይም ተፈጻሚ የሚሆኑት በጠቅላይ ዓቃቤ ሕግ ከተመዘገቡና በተቋማቱ ድረ ገጽ ላይ ከተጫኑበት ቀን ጀምሮ መሆኑንም አዋጁ ደንግጓል፡፡

በተቋማት የሚወጡ መመርያዎች ሥነ ሥርዓቱን ሳይከተሉ ፀድቀው በሥራ ላይ ከዋሉና ሕግ ከጣሱ ወይም ውሳኔ ተሰጥቶባቸው ከተገኙ፣ የሚቀርቡ አቤቱታዎችን የማየት ሥልጣን የፌዴራል ከፍተኛ ፍርድ ቤት መሆኑንና ይግባኝም እንደሌለው አዋጁ ያስረዳል፡፡ የሕግ ስህተት ከተገኘበት ብቻ ለሰበር ሰሚ ችሎት እንደሚቀርብ አስታውቋል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...