Thursday, July 25, 2024
- ማስታወቂያ -
- ማስታወቂያ -

ብሔራዊ ባንክ ለንግድ ባንክ 17 ቢሊዮን ብር ፈቀደ

ተዛማጅ ፅሁፎች

የኢትዮጵያ ብሔራዊ ባንክ ለግል ባንኮችና ለኢትዮጵያ ንግድ ባንክ ከፈቀደው 31 ቢሊዮን ብር በተጨማሪ፣ ለኢትዮጵያ ንግድ ባንክ 17 ቢሊዮን ብር ፈቀደለት፡፡

ንግድ ባንክ ተጨማሪ 17 ቢሊዮን ብር እንዲፈቀድለት በመንግሥት የተወሰነ መሆኑን ብሔራዊ ባንክ አስታውቋል፡፡ የብሔራዊ ባንክ ገዥ ይናገር ደሴ (ዶ/ር) ይህንን ውሳኔ የሚያረጋግጥ መረጃ ሰጥተዋል፡፡

በዚህ መሠረት የኢትዮጵያ ብሔራዊ ባንክ በየሳምንቱ ከሚያካሂደው የግምጃ ቤት ጨረታ የሚያገኘውን ገቢ ወደ ንግድ ባንክ እንዲተላለፍ በማድረግ፣ ባንኩ ለሚፈለገው ዓላማ የሚያውለው እንደሆነ ታውቋል፡፡   

በአሁኑ ጊዜ የግል ባንኮች በግምጃ ቤት ጨረታ እንዲሳተፉ የተፈቀደላቸው በመሆኑ፣ መንግሥት ከጨረታው የሚያገኘውን ገንዘብ ለተለያዩ አገልግሎቶች እየዋለ ነው፡፡ ከሰሞኑ ከሚካሄዱ ጨረታዎች ከሚገኘው ገቢ ደግሞ ንግድ ባንክ የተፈቀደለትን ገንዘብ ያገኛል፡፡

መንግሥት የኮሮና ወረርሽኝ ከተከሰተ ወዲህ ለግል ባንኮች 15 ቢሊዮን ብር፣ ለኢትዮጵያ ንግድ ባንክ 16 ቢሊዮን ብር፣ በአጠቃላይ 31 ቢሊዮን ብር በብድር እንዲያገኙ አድርጓል፡፡

ለኢትዮጵያ ንግድ ባንክ የተፈቀደው ሲታከል ደግሞ በጠቅላላው የአገሪቱ ባንኮች የገንዘብ እጥረት እንዳይገጥማቸው ሲባል፣ እስካሁን 48 ቢሊዮን ብር በብድር ማግኘት ችለዋል፡፡

ይህ በመደረጉ በአሁኑ ወቅት የአገሪቱ ባንኮች ምንም ዓይነት የገንዘብ እጥረት እንዳይኖርባቸው መደረጉን፣ የብሔራዊ ባንክ ገዥ ይናገር (ዶ/ር) ሰሞኑን በሰጡት መግለጫ ተናግረዋል፡፡

ከዚህ ቀደም በተወሰኑ ባንኮች የተወሰነ የገንዘብ እጥረት እንደነበር የጠቆሙት ይናገር (ዶ/ር)፣ አሁን ግን በሁሉም ባንኮች ይህ ችግር እንደሌለ ተናግረዋል፡፡

ከዚህም በኋላ ቢሆን ባንኮች የገንዘብ እጥረት እንዳይገጥማቸው ብሔራዊ ባንክ እየሠራ መሆኑን፣ በተወሰነ ወለድ ሊበደሩ የሚችሉበት ዕድል የተመቻቸ ሁኔታ መኖሩን አመልክተዋል፡፡ በቀጥታ ከብሔራዊ ባንክ ብድር ከማመቻቸት ባሻገር፣ በተለየ መንገድ ኢኮኖሚውን ለመደገፍና ከወረርሽኙ ጋር በተያያዘ በከፍተኛ ሁኔታ ለተጎዱ የቢዝነስ ዘርፎች በተገደበ ወለድ መጠን (አምስት በመቶ ወለድ) ባንኮች ተበድረው ለተጎዱ የቢዝነስ ዘርፎች ተበዳሪዎቻቸው በአምስት በመቶ ወለድ የሥራ ማስኬጃ ብድር እንዲሰጡ ማድረጉም ይታወሳል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች