Monday, November 28, 2022
ሌሎች ዓምዶች

    በሕገ መንግሥት ትርጓሜ ጥያቄ ላይ ለመወሰን የፌዴሬሽን ምክር ቤት በቀጣዩ ሳምንት እንደሚጠራ ታወቀ

    - Advertisement -spot_img

    በብዛት የተነበቡ

    በምርጫ አለመካሄድ ምክንያት የተፈጠረውን የሕግ አጣብቂኝ በተመለከተ በቀረበው የሕገ መንግሥት ትርጉም ላይ ለመወሰን፣ የፌዴሬሽን ምክር ቤት በመጪው ሳምንት እንደሚጠራ ታወቀ።

    የሕዝብ ተወካዮች ምክር ቤት በኮሮና ወረርሽኝ ሳቢያ በተጣለው የአስቸኳይ ጊዜ አዋጅ ምክንያት የዘንድሮን ምርጫ በወቅቱ ማካሄድ እንደማይቻል አስታውቆ፣ ምርጫውን ማካሄድ ባለመቻሉ የተመረጡ ምክር ቤቶች የሥልጣን ዘመን በመገባደድ ላይ ስለሆነ፣ ሕገ መንግሥቱ እንዲህ ዓይነት ሁኔታ ሲያጋጥም ምን መደረግ እንዳለበት የሚያመለክተው ነገር ባለመኖሩ፣ የሕገ መንግሥት ትርጓሜ እንዲሰጥበት ለፌዴሬሽን ምክር ቤት መላኩ ይታወሳል።

    የፌዴሬሽን ምክር ቤት ለቀረበለት የትርጓሜ ጥያቄ ጉዳዩን መርምሮ የውሳኔ ሐሳብ እንዲያቀርብ፣ በሥሩ ለሚገኘው የሕገ መንግሥት አጣሪ ጉባዔ ሲልክ ጉባዔውም የተለያዩ ባለሙያዎችን ጋብዞ ይፋዊ ውይይቶችን ማካሄዱ ይታወሳል።

    የሕገ መንግሥት አጣሪ ጉባዔ ዓርብ ግንቦት 21 ቀን 2012 ዓ.ም. ለቀረበለት ጥያቄ የደረሰበትን ድምዳሜ ለፌዴሬሽን ምክር ቤት ልኳል፡፡ ይኼንን አስመልክቶም ባወጣው መግለጫ፣ ኃላፊነቱን ለመወጣት ባቀረበው ጥሪ ፈጣን ምላሽ በመስጠት ሙያዊ ድጋፍና አስተያየት በመስጠት የተባበሩ ዜጎችን አመሥግኗል።

    ‹‹ጉባዔው በሰጠው ምላሽ ሕገ መንግሥቱን መሠረት በማድረግ የፍርድ ቤት ክርክርን አስታከው የመጡ ሕገ መንግሥታዊ ሒደቶችን ብቻ ሳይሆን፣ ሕገ መንግሥታዊ የትርጉም ሥርዓትን ሊያሰፉ የሚችሉ አንኳር አገራዊ ጉዳዮች ላይ ትንተናና ብይን በመስጠት፣ ጉባዔውም ሆነ የፌዴሬሽን ምክር ቤት በሕገ መንግሥቱ የተጣለባቸውን የሕገ መንግሥት ትርጉም የማሳደግ ኃላፊነትንም ከግምት ውስጥ አስገብቷል፤›› በማለት በመግለጫው ገልጿል።

    ለጉዳዩ ቅርበት ያላቸው የሪፖርተር ምንጮች የፌዴሬሽን ምክር ቤት አመራሮች በዚህ ሳምንት መጀመርያ ተሰብስበው አጀንዳ እንደሚቀርፁ፣ ይኼንንም ተከትሎ የፌዴሬሽን ምክር ቤት አባላት በጉዳዩ ላይ ለመወሰን እንደሚጠሩ ገልጸዋል።

    የፌዴሬሽን ምክር ቤት ጽሕፈት ቤት የሕዝብ ግንኙነት ኃላፊ ጉባዔው ምላሹን መላኩን ለሪፖርተር ያረጋገጡ ሲሆን፣ ጉባዔው ምላሹን የላከው ዓርብ ዕለት በመሆኑ ፌዴሬሽን ምክር ቤት በጉዳዩ ላይ ለመወሰን ስብሰባ መቼ መጠራት እንዳለበት እንዳልወሰነ ገልጸዋል።

    spot_img
    - Advertisement -

    ትኩስ ጽሑፎች

    ተዛማጅ ጽሑፎች

    - Advertisement -
    - Advertisement -