Thursday, July 25, 2024
- ማስታወቂያ -
- ማስታወቂያ -

የኦሮሚያ ኢንተርናሽናል ባንክ አዲስ ፕሬዚዳንት ሹመት ፀደቀ

ተዛማጅ ፅሁፎች

የኢትዮጵያ ብሔራዊ ባንክ የኦሮሚያ ኢንተርናሽናል ባንክ ፕሬዚዳንት በነበሩት አቶ አቤ ሳኖ ምትክ፣ በተጠባባቂ ፕሬዚዳንትነት ሲያገለግሉ የቆዩት አቶ ተፈሪ መኮንን ሹመት አፀደቀው፡፡

አቶ ተፈሪ የኦሮሚያ ኢንተርናሽናል ባንክ ፕሬዚዳንት ሆነው ማገልገል እንዲችሉ ከባንኩ ዳይሬክተሮች ቦርድ ለብሔራዊ ባንክ የቀረበው ጥያቄ ከታየ በኋላ ሐሙስ፣ ግንቦት 21 ቀን 2012 ዓ.ም. ብሔራዊ ባንክ ሹመታቸውን አፅድቆታል፡፡

ከምሥረታው ጀምሮ የኦሮሚያ ኢንተርናሽናል ባንክን ሲመሩ የቆዩት አቶ አቤ ሳኖ፣ በመንግሥት ሹመት ከሁለት ወራት በፊት የኢትዮጵያ ንግድ ባንክ ፕሬዚዳንት ሆነው ከተሰየሙ በኋላ በምትካቸው አቶ ተፈሪን በተጠባባቂ ፕሬዚዳንትነት ባንኩን እንዲመሩት ተደርጎ ቆይተዋል፡፡ የአዲሱ ፕሬዚዳንት ሹመት እንዲፀድቅ የባንኩ ቦርድ አመራር ለብሔራዊ ባንክ ጥያቄ ማቅረቡ አይዘነጋም፡፡ በሳምንቱ አጋማሽ ሹመታቸው የፀደቀው አቶ ተፈሪ፣ በፋይናንስ ኢንዱስትሪው ውስጥ የ21 ዓመታት ልምድና ተሞክሮ አላቸው፡፡

የኦሮሚያ ኢንተርናሽናል ባንክን ከመቀላቀላቸው አስቀድሞ በኢትዮጵያ ንግድ ባንክ ውስጥ እስከ ሪሌሽንሽፕ ማናጀርነት በኃላፊነት ሠርተዋል፡፡ ከዚያም በወጋገን ባንክ በዲቪዥን ማናጀርነት ያገለገሉ ሲሆን፣ በኦሮሚያ ኢንተርናሽናል ባንክ ከዘጠኝ ዓመት በላይ ቆይታቸው ደግሞ የሁለት የተለያዩ ዘርፎች ምክትል ፕሬዚዳንት በመሆን የሠሩ ናቸው፡፡  አቶ አቤን ተክተው ፕሬዚዳንት ሆነው እንዲሠሩ በተሰየሙበት ወቅት የባንኩ የክሬዲትና የኢንተርናሽናል ባንኪንግ ምክትል ፕሬዚዳንት ሆነው ሲያገለገሉ ነበር፡፡  

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች