Tuesday, October 4, 2022
ሌሎች ዓምዶች

    የአስቸኳይ ጊዜ አዋጁን ድንጋጌ በመጣስ የተከሰሱ ከ90 በላይ ግለሰቦች በእስራትና በገንዘብ ተቀጡ

    - Advertisement -spot_img

    በብዛት የተነበቡ

    የኮሮና ቫይረስ ወረርሽኝን ለመከላከል የታወጀውን የአስቸኳይ ጊዜ አዋጅ ድንጋጌና አዋጁን ለማስፈጸም የወጣውን ደንብ በመተላለፋቸው፣ ክስ የተመሠረተባቸው 97 ግለሰቦች በቀላል እስራትና በገንዘብ ተቀጡ፡፡

    የአዲስ አበባ ከተማ ፖሊስ ኮሚሽን ባደረጋቸው ድንገተኛ ፍተሻዎችና በጥቆማ በቁጥጥር ሥር ካዋላቸው በርካታ ግለሰቦች ውስጥ፣ በተደጋጋሚ የአዋጁን ድንጋጌና ማስፈጸሚያ ደንብ ተላልፈው ተገኝተዋል ባላቸው 97 ግለሰቦች ላይ የክስ ፋይል በማዘጋጀት በፌዴራል የመጀመርያ ደረጃ ፍርድ ቤት ቂርቆስ ምድብ ችሎት፣ ንፋስ ስልክ ላፍቶ፣ ኮልፌ ቀራኒዮ፣ የአዲስ ከተማና ልደታ ምድብ ችሎቶች እንዲቀርቡ መደረጋቸውን የውሳኔ ሰነዶች ያመለክታሉ፡፡

    ተከሳሾቹ በአዋጁና አዋጁን ለማስተግበር የወጣውን ደንብ ድንጋጌዎች በመተላለፍ፣ እንዳይፈጸሙ ዕግድ የተጣለባቸውን ተሰባስቦ ጫት መቃምና ማስቃም፣ ካርታ ማጫወትና መጫወት፣ ሺሻ ማስጨስ፣ ከተፈቀደው በላይ ሰዎችን ጭኖ ማሽከርከር፣ ተሰባስቦ መጠጣትና መሸጥ፣ ያለበቂ ርቀት ከሦስት ሰዎች በላይ የሆቴልና የመጠጥ አገልግሎት መስጠት፣ ሲጨባበጡ መገኘት፣ ተቆጣጣሪ የፖሊስ ባልደረቦችን ገፍትሮ በመጣል፣ የአፍና የአፍንጫ መሸፈኛ አለማድረግና በቡድን ፑል ሲጫወቱ በመገኘታቸው ክስ ቀርቦባቸው ፍርድ ቤት ቀርበዋል፡፡

    በግለሰቦቹ ላይ የቀረቡትን የክስ ዝርዝሮች የተመለከቱት ችሎቶቹ፣ ግለሰቦቹን በተናጠልና በቡድን የገንዘብ ቅጣት ጥለውባቸዋል፡፡ በ79 ግለሰቦች ላይ ከ1,000 ብር እስከ 20,000 ብር በአጠቃላይ የ402,205 ብር የገንዘብ ቅጣት ሲጣልባቸው፣ በ18 ግለሰቦች ላይ ደግሞ ከአሥር ቀናት እስከ ስድስት ወራት የእስር ቅጣት ተወስኖባቸዋል፡፡  

    በአዲስ አበባ ከተማና በተለያዩ ሥፍራዎች የአስቸኳይ ጊዜ አዋጁን ድንጋጌ በመጣስ በተለያዩ ጊዜያት በርካታ ግለሰቦች ተይዘው በማስጠንቀቂያ የታለፉ ሲሆን፣ ፍርድ ቤት ቀርበው ቅጣት እንደተላለፈባቸው ይታወሳል፡፡

    - Advertisement -

    ትኩስ ጽሑፎች