Wednesday, October 5, 2022
ሌሎች ዓምዶች
    - Advertisement -
    - Advertisement -
    ስፖርትፊፋ ለአባል አገሮች 1.5 ቢሊዮን ዶላር ድጋፍ ለመስጠት ወሰነ

    ፊፋ ለአባል አገሮች 1.5 ቢሊዮን ዶላር ድጋፍ ለመስጠት ወሰነ

    ቀን:

    እያንዳንዱ አባል አገር አንድ ሚሊዮን ዶላር ያገኛል

    የዓለም አቀፉ እግር ኳስ ማኅበር (ፊፋ) በኮቪድ-19 ወረርሽኝ ምክንያት ጉዳት ለደረሰባቸው አባል አገሮች ድጋፍ የሚውል 1.5 ቢሊዮን ዶላር መደበ፡፡ የፊፋ ምክር ቤት ባለፈው ሐሙስ ሰኔ 18 ቀን 2012 ዓ.ም. በቪዲዮ ኮንፈረንስ ባደረገው ስብሰባ ድጋፉ በስጦታ፣ በብድርና በሌሎች የተለያዩ ደረጃዎች ተከፋፍሎ የሚከናወን እንደሚሆንም አስታውቋል፡፡

    በርካታ አገሮች ኮሮና ቫይረስ ባስከተለው ችግር ይህ ቀረሽ ለማይባል ማኅበራዊና ኢኮኖሚያዊ ቀውስ ተዳርገዋል፡፡ በዋናነትም በእግር ኳስ ደረጃቸው ብቻ ሳይሆን በኢኮኖሚያዊ አቅማቸው ዝቅተኛ የሆኑ አገሮች ሊጎቻቸውን ሰርዘው እጅና እግሮቻቸውን አጣጥፈው እንዲቀመጡ አስገድዷቸዋል፡፡ ክለቦቻቸው የተጫዋቾችን ወርሃዊ ክፍያ መሸፈን ተስኗቸው ውዝግብ ውስጥ እንዲገቡ አድርጓል፡፡

    ከሰሞኑ የዓለምን እግር ኳስ የሚያስተዳድረው ፊፋ ለእነዚህ አገሮች ብሔራዊ ፌዴሬሽኖች እፎይታን የሚሰጥ ውሳኔ አሳልፏል፡፡ እያንዳንዱ አባል አገር አንድ ሚሊዮን ዶላርና ከዚያም በላይ የገንዘብ ድጎማ እንደሚያገኝ ይጠበቃል፡፡ ከዚህም በተጨማሪ ፊፋ በልዩ ሁኔታ ድጋፍ የሚያስፈልጋቸው ብሔራዊ ፌዴሬሽኖች በተለይም ለሴቶች እግር ኳስ ልማት እስከ 500 ሺሕ ዶላር የሚደርስ የድጋፍ አማራጮችን አስቀምጧል፡፡

    የፊፋ ፕሬዚዳንት ጂያን ኢንፋንቲኖ ድጋፉን አስመልክቶ እንደተናገሩት፣ የዕርዳታው ፈንድ በምክር ቤቱ አባላት የጸደቀው በአንድ ድምፅ በመሆኑ፣ ገንዘቡ እንዴት እንደሚወጣ፣ አባል አገሮቹም ገንዘቡን ለተባለው ዓላማ ማድረስ አለማድረሳቸውን የሚያረጋግጥ ጥብቅ የክትትልና የቁጥጥር ሥርዓት ይኖራል፡፡

    - Advertisement -

    ይመዝገቡ

    spot_img
    spot_img