Tuesday, July 16, 2024
- ማስታወቂያ -
- ማስታወቂያ -

ፕላንና ልማት ኮሚሽን በ10 ዓመት መሪ ዕቅድ ላይ ሕዝባዊ ውይይት ማካሄድ ሊጀምር ነው

ተዛማጅ ፅሁፎች

የፕላንና ልማት ኮሚሽን በመጪዎቹ አሥር ዓመታት የኢትዮጵያ የኢኮኖሚ ዘርፎች የሚመሩበትን መሪ ዕቅድ በማስመልከት ሕዝባዊ የውይይት መድረኮችን በተከታታይ ማካሄድ ሊጀምር ነው፡፡

ኮሚሽኑ ለሪፖርተር በላከው መግለጫ መሠረት የአሥር ዓመታት መሪ ዕቅድ የተዘጋጀላቸውና በዘርፍ መሥሪያ ቤቶች የሚተገበሩ ዋና ዋና ዕቅዶች ላይ ውይይት ሲካሄድ፣ በዕቅዶቹ ላይ ሐሳብና አስተያየት መስጠት ለሚፈልጉ ወገኖችም መንገዱን እንዳመቻቸ አስታውቋል፡፡

በዚሁ መሠረት፣ ከሰኔ 22 ቀን 2012 ዓ.ም. መካሄድ የጀመረው ሕዝባዊ የውይይት መድረክ በጠቅላላው ለ11 ቀናት በተከታታይ ይካሄዳል፡፡ ዓላማውን የሚመለከታቸው አካላት በዕቅድ ዝግጅቱ ላይ እንዲሳተፉ ለማስቻል፣ ከባለድርሻዎች የሚነሱ ጥያቄዎች ላይ ምላሽ ለመስጠት፣ የጥናት ውጤቶችን በግብዓትነት የወሰደው የዕቅዱን መነሻ ሰነድ ከሕዝብ በሚሰበሰብ ግብዓት አዳብሮ ለማዘጋጀት ያለመ እንደሆነ ኮሚሽኑ አስታውቋል፡፡

በዚሁ መሠረት ሰኞ ሰኔ 22 ቀን የፕላንና ልማት ኮሚሽንን የተመለከተው መድረክ ይካሄዳል፡፡ በማግሥቱ የግብርና ዘርፍ፣ ሰኔ 24 ቀን የአምራች ኢንዱስትሪ ዘርፉን፣ ሰኔ 25 ቀን የቱሪዝም ልማትን፣ ሰኔ 26 ቀን የማዕድን ሀብትን፣ ሰኔ 29 ቀን የኢኖቬሽንና ቴክኖሎጂን፣ የመሠረተ ልማት ዘርፍን፣ የውኃ፣ መስኖና ኢነርጂ፣ ሰኔ 30 ቀን 2012 ዓ.ም. የከተማ ልማት፣ የደንና አካባቢ እንዲሁም የአየር ንብረት ዘርፍን በተመለከቱ ጉዳዮች ላይ ውይይት ይካሄዳል፡፡  

ከእነዚህ በተጨማሪ ከሐምሌ 1 እስከ ሐምሌ 4 ቀን 2012 ዓ.ም. ባሉት ተከታታይ ቀናት፣ የሰው ሀብት ልማት፣ የዘላቂ ልማት ፋይናንስ፣ የፍትሕና መልካም አስተዳደር፣ የልማት፣ የሰላምና አካታችነት ዘርፎችን የ10 ዓመታት የልማት ዕቅድ መነሻ ሰነዶች በየመሥሪያ ቤቶቹ ኃላፊዎች አማካይነት ለውይይት እንደሚቀርቡ ኮሚሽኑ ያወጣው መርሐ ግብር አማክሏል፡፡ ውይይቶቹም በኮሚሽኑ ድረ ገጽና የማኅበራዊ ትስስር አውታሮች እንዲሁም በፋና ቴሌቪዥን አማካይነት ዘወትር ጠዋት እስከ ረፋድ ድረስ እንደሚተላለፉ ይፋ አድርጓል፡፡ 

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች