Tuesday, February 20, 2024
- Advertisement -
- Advertisement -
ዜናሕዝብ የዞንነትና የክልልነት ምላሽ በትዕግሥት እንዲጠብቅ ኢሶዴፓ አሳሰበ

ሕዝብ የዞንነትና የክልልነት ምላሽ በትዕግሥት እንዲጠብቅ ኢሶዴፓ አሳሰበ

ቀን:

የክልልነት፣ የዞንነትና የልዩ ወረዳነት የመብት ጥያቄዎችን ያቀረቡ ሁሉ አገሪቱ ያለችበትን ወቅታዊ ሁኔታ ከግንዛቤ በማስገባት ከፍጥጫ ርቀው በሰላማዊ መንገድ ያቀረቧቸውን ሕገ መንግሥታዊ ጥያቄዎች፣ የአስቸኳይ ጊዜ አዋጁ ተነስቶ ሕዝቡ በነፃና ፍትሐዊ ምርጫ የራሱን ተወካዮች ከመረጠ በኋላ ምላሽ እንዲያገኙ በትዕግሥት እንዲጠብቅ የኢትዮጵያ ሶሻል ዴሞክራቲክ ፓርቲ (ኢሶዴፓ) ጥሪ አቀረበ፡፡

ከዚህ በተጨማሪም በደቡብ ክልል የክልልነት ጥያቄዎች ጋር በተያያዘ የሚነሱ ጥያቄዎችን ለመፍታት በመንግሥት በኩል እየቀረቡ ያሉትን አማራጮች ፓርቲው እንደሚገነዘበው ቢገልጽም፣ ‹‹በአማራጭነት እየቀረበ ያለው በክላስተር የማደራጀቱ ዕቅድ የየዞኑን ምልዓተ ሕዝብ ይሁንታ ማግኘት ይኖርበታል፤›› በማለት መፍትሔው የሕዝብን ይሁንታ ማስቀደም እንደሚኖርበት አሳስቧል፡፡

ፓርቲው የሕዝብ ይሁንታ የሚገልጸው የየዞኖቹም ሆኑ የየወረዳዎቹ ነዋሪዎች አንዱ ከሌላው ጋር በክላስተር የሚሰባሰቡበት ሁኔታ በዴሞክራሲያዊ አግባብ በሚገለጽ ነፃ ፈቃዳቸው መሠረት ሲደረግ መሆኑን ጠቁሞ፣ ይህ ነፃ ፈቃድም በሕዝብ ውሳኔ አልያም በሕዝቡ አቋም ላይ በገለልተኛ ምሁራን በሚደረግ ሳይንሳዊ የዳሰሳ ጥናት ተጣርቶ ሲረጋገጥ ብቻ ማለት መሆኑን አስታውቋል፡፡

- Advertisement -

Video from Enat Bank Youtube Channel.

ከዚህ ጎን ለጎን መንግሥት በገለልተኛ ምሁራን የሚያስደርገው ሳይንሳዊ የዳሰሳ ጥናት በሕዝቡ የተነሱ ጥያቄዎች ችላ አለመባላቸውንና ለሚሰጠው ውሳኔም አስፈላጊ መረጃዎችን በማሰባሰብ፣ በሕገ መንግሥቱ ድንጋጌ መሠረት መፍትሔ ለመስጠት መሠራቱን ለሕዝቡ ማሳየት አለበት በማለት ፓርቲው አሳስቧል፡፡

ኢሶዴፓ ከመድረክ ፓርቲዎች መካከል አንዱ ሲሆን፣ መድረክ ከኢሶዴፓ በተጨማሪ አረና ትግራይ ለዴሞክራሲና ሉዓላዊነት (አረና)፣ የኦሮሞ ፌዴራሊስት ኮንግረስ (ኦፌኮ) እና የሲዳማ አርነት ንቅናቄ (ሲአን) በአባልነት ያቀፈ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የካቲት አብዮት – ጥያቄዎችሽ ዛሬም እየወዘወዙን ነው!

በበቀለ ሹሜ አጭር መግቢያ የዚህ ጽሑፍ አቅራቢ ከ1960ዎች ወጣቶች ርዝራዦች አንዱ...

የሰሞኑ የ“መኖሪያ ቤቶች” የጨረታ ሽያጭ ምን ዓይነት ሕጋዊ መሠረት አለው?   

በዳዊት ዮሐንስ ሰሞኑን በአዲስ አበባ ከተማ አየር ላይ ከሚንሸረሸሩ ዜናዎች...

ሁለቱ ወጎች፡ ከሰማየ ሰማያት አድርሶ መላሹ ቋንቋ! እስከ በዓሉ ቤርሙዳ

በተክለ ጻድቅ በላቸው ሰማየ ሰማያት አድርሶ መላሹ ቋንቋ! ከሁለት ሦስት ዓመት...

ለትግራይ ክልል ድርቅ ተፈናቃዮች አፋጣኝና ቀጣይነት ያለው ድጋፍ እንዲደረግ ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዩች ቋሚ...