Saturday, March 2, 2024
- Advertisement -
- Advertisement -
ማኅበራዊየጎርፍ አደጋ ሥጋት

የጎርፍ አደጋ ሥጋት

ቀን:

በተመስገን ተጋፋው

ክረምት በመጣ ቁጥር ለጎርፍ ተጋላጭ በሆኑ አካባቢዎች የሚኖሩ የማኅበረሰብ ክፍሎች መሳቀቃቸው አይቀሬ ነው፡፡ በተለይም ወንዝ ዳር የሚኖሩ ሰዎች ትልቅ ፈተና ይገጥማቸዋል፡፡ የሚኖሩበት አካባቢም ገደላማ በመሆኑ ለጎርፍ አደጋ ተጋላጭነታቸውን ያጎላዋል፡፡  

ቁልቁል ከሚወርደውና ከትቦ ገንፍሎ ከሚወጣው ፍሳሽ ጋር የተለያዩ ቆሻሻዎችና የሽንት ቤት ፍሳሾችን ጠራርጎ የሚመጣው ጎርፍ፣ በጤናቸው ላይ ቀውስንም ፈጥሯል፡፡ ከዛም አልፎ በንብረታቸው ላይ ጉዳት አድርሷል፡፡ የአካባቢው ነዋሪም በውጭ መብራት ባለማድረጉና ያሉበት ቦታም ለስርቆት የተመቸ መሆኑ የተለያዩ ዝርፊያዎች እንዲከናወኑ መንገድን ከፍቷል፡፡  

- Advertisement -

Video from Enat Bank Youtube Channel.

በዚህም የተነሳ ከሥራ ወጥተው አምሽተው ወደ ቤታቸው በሰላም መግባታቸውን ይጠራጠራሉ፡፡ ክረምት በመጣ ቁጥር ይኼ ደግሞ ችግሩ ከፍተኛ በመሆኑ በኑሯቸው ላይ ተፅዕኖ ፈጥሯል፡፡

የጎርፍ አደጋ ሥጋት

በአዲስ አበባ ንፋስ ስልክ ላፍቶ ክፍለ ከተማ ወረዳ 11 ቀጣና 5 በተለምዶ መድኃኔዓለም ሠፈር ላይ ኑሯቸውን ያደረጉት ወ/ሮ ውልግርጌሽ ሙሉሸዋ፣ በአካባቢው ላይ ኑሮአቸውን ከመሠረቱ 25 ዓመትን አስቆጥረዋል፡፡ የሚኖሩበት አካባቢ ለጎርፍ ተጋላጭ በመሆኑ ወደ ቤታቸው ገብቶ በንብረታቸው ላይ ጉዳት እንዳያደርስባቸው ሥጋት ይዟቸዋል፡፡

ከዛሬ ሁለት ዓመት በፊት በተከሰተው ኃይለኛ ጎርፍ ምክንያት፣ ንብረታቸው ላይ ጉዳት እንዳደረሰባቸውና በዚህ የተነሳ ላልተፈለገ ወጭ መዳረጋቸውን ገልጸዋል፡፡

አደገኛ ዝናብ በሚዘንብበት ጊዜም የሽንት ቤት ሰገራን ከትቦ ገንፍሎ የሚያወጣ ቆሻሻንና ከተለያዩ ቦታዎች ላይ ፍሳሾችን ጠራርጎ የሚመጣው ጎርፍ ወደ ቤታቸው ገብቶ በልጆቻቸውና በራሳቸው እንዲሁም በአካባቢው ነዋሪዎች ላይ በሽታ እንዳያስከትል ጥንቃቄ እያደረጉ ቢሆንም በእነሱ አቅም ችግሩን መቋቋም እንደማይቻል ግን አስረድተዋል፡፡

በአካባቢያቸው ለጎርፍ አመቺ ናቸው የሚባሉትን ቦታዎች በመለየት ትቦ በመቅበር ፍሳሾችን ወደ ወንዝ እንዲወርዱ ቢያደርጉም፣ በግለሰቦች ግዴለሽነት ትቦው በመዳፈኑ ፍሳሹ ወደ ቤታቸው እየመጣ መሆኑን አስታውሰዋል፡፡

አካባቢው ላይ የሚገኙ ኢንዱስትሪዎች ከዚህ ቀደም በከፍተኛ ጎርፍ ምክንያት ንብረቶቻቸው ከጥቅም ውጭ እንደሆነ ያስታወሱት ወ/ሮ ውልግርጌሽ፣ አመሻሽ ላይ ቦታው የሚያስፈራ በመሆኑ የተለያዩ ሰዎች ለስርቆት መዳረጋቸውን ጠቁመዋል፡፡

በጎርፍም የተነሳ አንዳንድ የአካባቢው ነዋሪዎች ወደ ሌላ ቦታ ለቀው መሄዳቸውን፣ ወረዳውም ይኼን የጎርፍ አደጋ ለመቀነስ ምንም ዓይነት ዕርዳታ እንዳላደረገላቸው በራሳቸው ተነሳሽነትም እየሠሩ እንደሚገኙ አስታውሰዋል፡፡

ሌላኛዋ ነዋሪ ወ/ሮ የኔነሽ ዓለምሰገድ በአካባቢው ላይ ኑሯቸውን ከጀመሩ 17 ዓመታትን አስቆጥረዋል፡፡ የሚኖሩበት አካባቢም ለጎርፍ ተጋላጭ መሆኑ በንብረታቸው ላይ ጉዳት እንዳያደርስባቸው ሥጋት ፈጥሮባቸዋል፡፡

አንዳንድ ጊዜም ከላይ ተንደርድሮ የሚመጣው ጎርፍ መንገዶችን በመቦርቦር እንዲበላሹ ምክንያት ሆኗል ሲሉ ገልጸዋል፡፡

አደጋውም እንደከዚህ ቀደሙ እንዳይከሰትባቸው የውኃ ተፋሰስ የሚበዛባቸውን ቦታዎች በማፅዳትና እንደ አዲስ በመገንባት ተፋሰሱ ቀጥ ብሎ ወደ ወንዝ እንዲሄድ ከኅብረተሰቡ ጋር እያደረጉ መሆኑንም ይናገራሉ፡፡

የንፋስ ስልክ ላፍቶ ክፍለ ከተማ የወረዳ 11 የተፋሰስና የአረንጓዴ አካባቢዎች ፈቃድና ብቃት ማረጋገጫ ቡድን መሪ አቶ መከተ አያሌው እንደሚሉት፣ በአካባቢው በሚደርሰው የጎርፍ አደጋ ምክንያት ክነዋሪዎች ምንም ዓይነት ቅሬታ ባለመድረሱ ምንም ዓይነት ሥራዎች አልተሠሩም፡፡

የአዲስ አበባ ከተማ እሳትና አደጋ ሥጋት አመራር የሕዝብ ግንኙነት ኃላፊ አቶ ጉልላት ጌታነህ ለሪፖርተር እንደገለጹት፣ የጎርፍ አደጋን ለመከላከል በአሥሩም ክፍለ ከተሞች እየተሠራ ይገኛል፡፡

በአራዳ ክፍለ ከተማ 18፣ በቦሌ 32፣ በየካ 29፣ በንፋስ ስልክ 19፣ በኮልፌ 33፣ በአቃቂ 34፣ በአዲስ ከተማ 54፣ በጉለሌ 30፣ በቂርቆስ 45፣ በልደታ ስምንት ቦታዎች ላይ ትቦዎችን በማፅዳትና መንገድ ላይ የተደፉ ጠጠሮችን፣ አሸዋዎችንና ድንጋዮችን በማንሳት የጎርፍ አደጋን ለመቀነስ እየተሠራ መሆኑን አቶ ጉልላት ተናግረዋል፡፡

ለጎርፍም ይበልጥ ተጋላጭ የሆኑ ቦታዎችን በመለየት ከአካባቢው ነዋሪ ጋር ቅንጅት በመፍጠር ነዋሪዎቹ ለአደጋ ሰለባ እንዳይሆኑ በመሥራት ላይ መሆናቸውንም አክለዋል፡፡

የኢትዮጵያ ብሔራዊ ሚቲዮሮሎጂ ኤጀንሲ በሐምሌና ነሐሴ ከፍተኛ ዝናብ፣ ጎርፍና የመሬት መንሸራተት ሊከተል እንደሚችል አስታውቆ ኅብረተሰቡ ጥንቃቄ እንዲያደርግ መክሯል፡፡

በዘንድሮ ክረምት በሁሉም የኢትዮጵያ ክፍሎች ከባድ ዝናብ የሚጠበቅ ሲሆን፣ በቁልቁለታማና ወንዝ አካባቢ የሚኖሩ የኅብረተሰብ ክፍሎች ይበልጥ ጥንቃቄ ማድረግ ይገባቸዋል ብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...