Friday, December 9, 2022
ሌሎች ዓምዶች
    - Advertisement -
    - Advertisement -
    ዜና​​​​​​​ድምፃዊ ሃጫሉ ሁንዴሳን ገድሏል የተባለ ተጠርጣሪና ተባባሪዎች በቁጥጥር ሥር ዋሉ

    ​​​​​​​ድምፃዊ ሃጫሉ ሁንዴሳን ገድሏል የተባለ ተጠርጣሪና ተባባሪዎች በቁጥጥር ሥር ዋሉ

    ቀን:

    ሰኔ 22 ቀን 2012 ዓ.ም. ምሽት 3፡30 ሰዓት ላይ በአቃቂ ቃሊቲ ክፍለ ከተማ ገላን ኮንዶሚኒየም አካባቢ ድምፃዊ ሃጫሉ ሁንዴሳን ተኩሶ ገድሏል የተባለው ተጠርጣሪና ሌሎች ሁለት ተባባሪዎች፣ በቁጥጥር ሥር መዋላቸው ተገለጸ፡፡

    የፌዴራል ጠቅላይ ዓቃቤ ሕግ ወ/ሮ አዳነች አቤቤ ዓርብ ሐምሌ 3 ቀን 2012 ዓ.ም. በጽሕፈት ቤታቸው ለጥቂት መገናኛ ብዙኃን በሰጡት መግለጫ እንደተናገሩት፣ ድምፃዊ ሃጫሉን የገደሉት ሰዎች ታውቀዋል፡፡ በቀጥታ ተኩሶ የገደለው ግለሰብ ጥላሁን ያሚ እንደሚባል፣ ተባባሪዎቹ ደግሞ አብዲ ዓለማየሁና ከበደ ገመቹ እንደሚባሉ አስታውቀዋል፡፡

    በዋናነት ተኩሶ ገድሏል የተባለው ተጠርጣሪ ጥላሁን ያሚ፣ ‹‹ለምን ሃጫሉን እንደገደለው›› ለፖሊስ በሰጠው ቃል እንዳረጋገጠው፣ ተልዕኮውን የሰጠው ኦነግ ሸኔ የተባለው ታጣቂ ቡድን ነው ብለዋል፡፡ የኦነግ ሸኔ ሰዎች በሰኔ ወር ደጋግመው ሦስት ጊዜ እንዳገኙት፣ ግድያ የሚፈጽመበት ግለሰብ ሃጫሉ እንደሆነ በዝርዝር ባያስረዱትም፣ ሌሎች ብዙ መገደል ያለባቸው ሰዎች እንዳሉ እንደነገሩትና እንዳሳመኑት መናገሩን ዓቃቤ ሕጓ አስረድተዋል፡፡ ይህንን ተልዕኮ እንዲፈጽም ያደረጉት የኦሮሞ ሕዝብ እንዲያልፍለት መሆኑንና መንግሥት የተዳከመ በመሆኑ፣ ይህ ድርጊት አሁን ካልተፈጸመ የኦሮሞ ሕዝብ አደጋ ላይ ሊወድቅ እንደሚችል እንደነገሩትም መናገሩን አክለዋል፡፡ ተጠርጣሪው ድርጊቱን ከፈጸመ ጥቅም እንደሚያገኝ እንደገለጹለትም ለፖሊስ መናገሩን ወ/ሮ አዳነች ገልጸዋል፡፡

    በተደጋጋሚ ያገኙትና እሱን ለግድያው ሲያሳምኑት የነበሩት የኦነግ ሸኔ አባላት፣ ‹‹እርስ በርሳቸው ሲነጋገሩ በትግርኛ ቋንቋ ነው፡፡ እኔን ሲያናግሩኝ ደግሞ በኦሮሚኛ ቋንቋ ነው፤›› ማለቱንም ወ/ሮ አዳነች ተናግረዋል፡፡ በአጠቃላይ ጉዳዩ ሰፊ ምርመራ የሚያስፈልገውና ኔትወርክ ያለው መሆኑን መንግሥት መረዳቱን፣ በቀጣይ የሚኖረው የምርመራ ውጤት ለሕዝብ እንደሚገለጽ አስታውቀዋል፡፡

    ዓለም በሠለጠነችበትና ወደ አንድ መንደር በመለወጥ ላይ ባለችበት በ21ኛው ክፍለ ዘመን፣ ‹‹እኛ ሰኔ 1፣ 2 እና 3 እየቆጠርን መጥተናል፤›› ያሉት ዓቃቤ ሕጓ፣ ምንም እንኳን ንፁኃን ተገድለው ንብረት የወደመ ቢሆንም፣ በኃይል ወደ ሥልጣን መምጣት አይቻልም ብለዋል፡፡

    ራሳቸውን በጥሩ ቦታ አስቀምጠው ወጣቱን ለአመፅ በማነሳሳት እርስ በርሱ ለማባላት ጥረት የሚያደርጉ እንዳሉ ጠቁመው፣ ሕዝቡ ‹‹እንቢ›› ሊላቸው እንደሚገባ አሳስበዋል፡፡ መንግሥት ግን ሕግ የማስከበር ግዴታውን አጠናክሮ መቀጠሉን፣ አገርንና ሕዝብን ከመጠበቅ ባለፈም ከዚህ በኋላ ዳግም የሰው ሕይወት ለማጥፋትም ሆነ ንብረት ለማውደም በሚወጡ ላይ ያለ ምንም ርህራሄና ማወላዳት ዕርምጃ እንደሚወስድ ሊታወቅ እንደሚገባ ወ/ሮ አዳነች አስታውቀዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...