Wednesday, June 12, 2024
- Advertisement -
- Advertisement -

ስፖርትካፍ ከአንድ ዓመት በፊት የላከው የሥልጠና ስምምነት የት ደረሰ?

ካፍ ከአንድ ዓመት በፊት የላከው የሥልጠና ስምምነት የት ደረሰ?

ቀን:

የኢትዮጵያ እግር ኳስ ፌዴሬሽን በቴክኒክ ዲፓርትመንቱ አማካይነት ላለፉት ዓመታት በተለየ ደረጃ ከ“ሲ” እስከ “ኤ” ሲሰጥ የቆየው የእግር ኳስ አሠልጣኞች ሥልጠና ካለፈው ዓመት ጀምሮ ተቋርጧል፡፡ ሥልጠናው ከመቋረጡ ቀደም ብሎ ሥልጠና ለወሰዱ ሠልጣኖች ከካፍ የሚሰጠው ሠርተፊኬት እንዳይሰጣቸው ተደርጓል፡፡ ምክንያቱ ደግሞ ሥልጠናውን እንዲወስዱ ዕድሉ የተሰጣቸው በቀረቤታና በሙያተኛ ስም ከመከናወኑ በተጨማሪ የአፍሪካ እግር ኳስ ኮንፌዴሬሽን (ካፍ) ጥራትና ብቃቱ ላይ ጥያቄ በማንሳቱ እንደሆነ የፌዴሬሽኑ ምንጮች ማረጋገጫ እየሰጡ ይገኛል፡፡

ለዚህ ችግር መፍትሔ ይሆን ዘንድ፣ በተለይም ለአፍሪካ እግር ኳስና ለሙያውም ጥራት ሲባል ከሥልጠና ጋር በተያያዘ በካፍና በአባል አገሮች ይሁንታ አግኝቶ በቀጣይ የሚተገበር ስምምነት (ኮንቬንሽን) የመጀመሪያው ድራፍት በ2011 ዓ.ም. ለአባል አገሮች መድረሱ ታውቋል፡፡

የስምምነቱ ሁለተኛው ሒደትና አባል አገሮቹ የተስማሙበትን ደግሞ ባለፈው በመስከረም 2012 ዓ.ም. መጀመሪያ ላይ እንዲደርሳቸው ማድረጉም በተመሳሳይ ተረጋግጧል፡፡ ይሁን እንጂ የፈዴሬሽኑ የቴክኒክና ልማት ዲፓርትመንት በዚህ ጉዳይ ላይ እስከ አሁን ምንም ዓይነት ማብራሪያ አልሰጠም፡፡

- Advertisement -

ካፍ ከአንድ ዓመት በፊት የላከው የሥልጠና ስምምነት የት ደረሰ?

 

ለሪፖርተር ዝግጅት ክፍል የደረሰው ይህ የስምምነት ሰነድ በዝርዝር እንደሚያብራራው ከሆነ፣ የካፍ አባል አገሮች በስምምነቱ ካካተቷቸው የተለያዩ ግዴታዎችና መብቶች ውስጥ በሙስናና ብልሹ አሰራር ተዘፍቆ ከ”ሲ” እስከ “ኤ” ሲሰጥ የቆየው የአሰልጣኝነት ፈቃድ (ላይሰንስ) እንደገና እንዲከለስ ያስገድዳል፡፡

በኢትዮጵያ የነበረው የሥልጠና ሒደት ካፍ ባወጣው ስምምነት መሠረት እንደገና መቃኘትና መከለስ እንዳለበት የኢትዮጵያ እግር ኳስ ፌዴሬሽን ፕሬዚዳንት አቶ ኢሳያስ ጅራን ጨምሮ በርካቶች አስተያየት የሰጡበት አንገብጋቢ ጉዳይ ሆኖ ቢገኝም፣ እስከ አሁን ባለው ግን አዲሱ ስምምነት ተግባራዊ ስለሚደረግበት ሁኔታ በተለይ በዲፓርትመንቱ በኩል ምንም የተባለ ነገር የለም፡፡

በስምምነቱ መሠረት በአፍሪካ ኢትዮጵያን ጨምሮ በተለያዩ አገሮች ሲሰጡ የነበሩ ሥልጠናዎች በአብዛኛው ጥራት የሌላቸው፣ ሥልጠናውን የሚወስዱትም ሆነ የሚሰጡት ሙያተኞች በሙያው ውስጥ ያላለፉ ለአባል አገሩም ሆነ ለአፍሪካ እግር ኳስ ዕድገት ፋይዳ የሌለው በመሆኑ የአሠልጣኝነት ብቃት ማረጋገጫ ሠርተፊኬት በሙሉ ውድቅ እንደሚሆን በስምምነቱ ተካቷል፡፡

ከዚህም በተጨማሪ በነበረው ሁኔታ የአሠልጣኞች አሠልጣኝ (ኢንስትራክተር) የሚል የካፍ መለያ ይዘው ሲያሠለጥኑ የቆዩ ሙያተኞች በአዲሱ ስምምነት መሠረት ዕውቅናቸው (የሙያ ማረጋገጫቸው) የሚረጋገጠው በፕሮፌሽናል ደረጃ በአሠልጣኝነት ሥራ ላይ ተሰማርተው በሚያሳዩት ብቃት የሚታይ ይሆናል፡፡

የስምምነቱን መስፈርት በሚመለከት በካፍና በአባል አገሮች የተፈረመው፣ የአሠልጣኝነት ደረጃ የሚጀምረው ከ “ዲ” እንደሆነና ተዋረዱን ጠብቆ እስከ “ኤ” ሆኖ ለእያንዳንዱ የአሠልጣኝነት ደረጃ (ላይሰንስ) በአሠልጣኞች ዕድሜ የሚወሰን ሆኖ የተዘጋጀ ነው፡፡

በዚሁ መሠረት በ“ዲ” የሚጀምረውን የአሠልጣኝነት ደረጃ  ለመውሰድ የሠልጣኙ ዕድሜ 18 ዓመት የሞላው ሲሆን፣ ሥልጠናውን ለመውሰድ የሚያስፈልገው መሥፈርት ደግሞ የአገሪቱን የሥራ ቋንቋ መጻፍና ማንበብ መቻል ይኖርበታል፡፡ የሚያሠለጥነው ከ6 እስከ 12 ዕድሜ ላይ የሚገኙ ታዳጊዎችን ይሆናል፡፡

የ“ሲ” ላይሰንስ መውሰድ የሚችለው ሙያተኛ በተመሳሳይ የአገሪቱን የሥራ ቋንቋ መጻፍና ማንበብ የሚችል ሆኖ፣ የሚያሠለጥናቸው ታዳጊዎች ዕድሜ ከ12 እስከ 16 ስለመሆኑ ያመለክታል፡፡ የ“ቢ” ላይሰንስን በሚመለከት የአገሪቱን የሥራ ቋንቋ ማንበብና መጻፍ የሚችል ሆኖ የሚያሠለጥናቸው ታዳጊዎች ዕድሜ ከ16 እስከ 20 እና ከክፍያ ውጭ ለሚሠሩ ማለትም እንደ ጤና ቡድን የመሳሰሉትን እንደሚካተት ይገልጻል፡፡ የ“ኤ” ላይሰንስ መውሰድ የሚችሉት ደግሞ በወጣት ደረጃ ለሚገኙ ምርጥ ቡድኖች ሆኖ እንደ አስፈላጊነቱ ትልልቅ አማተሮችን (የጤና ቡድኖች) ማሠልጠን የሚችል ይሆናል፡፡

የመጨረሻው የአሠልጣኝነት ደረጃ (ላይሰንስ) “Pro” በመባል የሚታወቀው ላይሰንስ ሲሆን ይህም በፕሮፌሽናል ደረጃ ለሚጫወቱ ክለቦችን የሚያሠለጥን ሲሆን፣ ይህን ለማግኘት ሠልጣኙ የካፍን የሥራ ቋንቋ ማለትም ከእንግሊዝኛ፣ ከፈረንሳይኛና ከዓረብኛ አንዱን መናገርና መጻፍ የሚችል መሆን እንዳለበት ስምምነቱ ያሳያል፡፡

ከሥልጠና ጋር በተያያዘ ካፍና አባል አገሮች የተፈራረሙት የስምምነት ሰነድ ኢትዮጵያን ጨምሮ ለሁሉም አባል አገሮች የደረሰው ባለፈው መስከረም ወር መጀመሪያ ላይ ነው፡፡ በፌዴሬሽኑ ቴክኒክና ልማት ዲፓርትመንት የሚገኙ ሙያተኞችና አመራሩ ጭምር ስምምነቱ እንደደረሳቸው፣ የአፈጻጸሙን ዝርዝር በሚመለከት የተባለ ነገር ባለመኖሩ ሰሞነኛ መነጋገሪያ ሆኖ ይገኛል፡፡

ብሔራዊ ፌዴሬሽኑም ሆነ የቴክኒክና ልማት ዲፓርትመንቱ ቀደም ሲል “የካፍ ላይሰንስ” ያገኙ አሠልጣኞችን በአዲሱ ስምምነት መሠረት ምን ሊያደርጉ እንዳሰቡ አልተገለጸም፡፡ ስምምነቱ ለፌዴሬሽኑ መድረሱ ከታወቀበት ዕለት ጀምሮ ላለፉት 11 ወራት ያህል የተሰጠ ምንም ዓይነት ሥልጠና የለም፡፡ ካፍ ከአንድ ዓመት በፊት የላከው የሥልጠና ስምምነት (ኮንቬንሽን) የት ደረሰ? የእግር ኳስ ቤተሰቡ ጥያቄ ነው፡፡

የፌዴሬሽኑ ቴክኒክና ልማት ዲፓርትመንት ከአንድ ዓመት በፊት የደረሰው ይህን ስምምነት አስመልክቶ ተገቢውን ማብራሪያ ለመስጠት የዘገየበት ምክንያትስ ምንድነው? 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...