Wednesday, September 28, 2022
ሌሎች ዓምዶች
    - Advertisement -
    - Advertisement -
    ዜናኢሶዴፓና ኢዜማ የወላይታ ዞን የክልልነት ጥያቄ በሰላማዊ መንገድ እንዲፈታ ለመንግሥት ጥሪ አቀረቡ

    ኢሶዴፓና ኢዜማ የወላይታ ዞን የክልልነት ጥያቄ በሰላማዊ መንገድ እንዲፈታ ለመንግሥት ጥሪ አቀረቡ

    ቀን:

    የኢትዮጵያ ሶሻል ዴሞክራሲ ፓርቲ (ኢሶዴፓ) እና የኢትዮጵያ ዜጎች ለማኅበራዊ ፍትሕ (ኢዜማ) መንግሥት የወላይታ ዞን የክልልነት ጥያቄን በንግግርና በሰላማዊ መንገድ መፍትሔ እንዲያበጅለት ጥሪ አቀረቡ፡፡

    ሁለቱ ፓርቲዎች በተናጠል ባወጡት መግለጫ የዞኑን የክልልነት ጥያቄ በኃይል ከመመለስ ይልቅ፣ በሰላማዊ መንገድ ከሚመለከታቸው አካላት ጋር በመነጋገርና በሕገ መንግሥታዊ መንገድ ሊፈታው እንደሚገባ አሳስበዋል፡፡

    በዚህም መሠረት ኢሶዴፓ ‹‹በደቡብ ክልል ወላይታ ዞን የክልልነት ጥያቄ በማነሳሳት የሚንቀሳቀሰው የዞኑ አመራርና ሕዝብ በሕገ መንግሥቱ መሠረት ተገቢ መልስ በሰላማዊ አግባብ ሊያገኝ ይገባል፤›› በሚል ነሐሴ 6 ቀን 2012 ዓ.ም. ባወጣው መግለጫ አስታውቋል፡፡ ‹‹መንግሥት የጉዳዩን ሰፊ አንድምታ በጥልቀት በመመልከት በዞኑ ለተነሳው ሕገ መንግሥታዊ ጥያቄ ተገቢ ምላሽ ይስጥ፤›› በማለት ኢሶዴፓ ጥያቄውን አቅርቧል፡፡

    ከዚህ በተጨማሪም የደቡብ ክልልና በቡድን (ክላስተር) የማደራጀት የሚለውን ምክረ ሐሳብ ከመነሻው መቃወሙን የገለጸው ፓርቲው፣ ከዚህ ቀደም እንደገለጸው ጉዳዩ የሌላ ችግር ምንጭ ይሆናል የሚል ሥጋት እንዳለው ጠቅሷል፡፡ ለዚህም ሥጋቱ በዞኑ የተፈጠረው አለመረጋጋት ዕውን መሆኑን በመጥቀስ፣ መንግሥት አሁንም ቢሆን ለውይይትና ሰላማዊ መንገድ ቅድሚያ በመስጠት እንዲሠራ አሳስቧል፡፡

    ለተከሰተው ችግር ሰላማዊ መፍትሔ በአስቸኳይ እንዲፈለግ መንግሥትን ያሳሰበው ኢሶዴፓ፣ ‹‹ሕዝቡም ጉዳዩን በወትሮ ጥበቡ በትዕግሥት በመያዝ የሰላማዊ መፍትሔ አካል ይሁን፤›› በማለት ጥሪ አቅርቧል፡፡

    በተመሳሳይ ኢዜማ ‹‹በወላይታ ዞን የተፈጠረው አለመረጋጋት በሰላማዊ መንገድ ይፈታ›› በሚል ነሐሴ 6 ቀን 2012 ዓ.ም. ባወጣው መግለጫ፣ አሁን የተፈጠረውን አለመረጋጋት ለመፍታት መንግሥት ፍፁም ሰላማዊ መንገድ እንዲከተል አሳስቦ፣ የዜጎችን ሕይወት ለአደጋ ሳያጋልጥ ሕግን እንዲያስከብር እንዲሁም ከኅብረተሰቡ ጋር ተቀራርቦ ለመሥራትና መግባባት ላይ በመድረስ ሊፈታው ይገባል ብሏል፡፡

    ሁለቱ ፓርቲዎች ይህን መግለጫ ያወጡት እሑድ ነሐሴ 2 ቀን 2012 ዓ.ም. የታሰሩ የዞኑ አመራሮች ይፈቱ በሚል በዞኑ የተለያዩ ከተሞች የተከሰተውን ግጭት አስመልክቶ ሲሆን፣ በቁጥጥር ሥር ውለው የነበሩት የዞኑ አመራሮች ሐሙስ ነሐሴ 7 ቀን 2012 ዓ.ም. ከእስር ተፈትተዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ጦርነቱና ውስጣዊ ችግሮች

    መስከረም 14 ቀን 2015 ዓ.ም. የመንግሥት ኮሙዩኒኬሽን አገልግሎት ባወጣው...

    መኖሪያ ሸጦ መዞሪያ!

    እነሆ ከመካኒሳ ወደ ጀሞ ልንጓዝ ነው። ቀና ሲሉት እየጎበጠ...

    በምግብ ራሳችንን የመቻል ፈተና

    በጋሹ ሃብቴ (ዶ/ር) በኢትዮጵያ በምግብ ራሳችንን መቻል እጅግ በጣም የተወሳሰበ...