Thursday, June 13, 2024
- Advertisement -
- Advertisement -

ማኅበራዊወጣቶች የሰላም እምብርት መሆናቸውን ተገንዝበው ኃላፊነታቸውን እንዲወጡ ጥሪ ቀረበ

ወጣቶች የሰላም እምብርት መሆናቸውን ተገንዝበው ኃላፊነታቸውን እንዲወጡ ጥሪ ቀረበ

ቀን:

በተመስገን ተጋፋው

የኢትዮጵያን ኢኮኖሚያዊና ማኅበራዊ ዕድገት አንድ ዕርምጃ ከፍ ለማድረግ ወጣቶች የልማትና የሰላም እምብርት መሆናቸውን ተገንዝበው ኃላፊነታቸውን እንዲወጡ ጥሪ ቀረበ፡፡

የሴቶች ሕፃናትና ወጣቶች ሚኒስትር ዴኤታ ወ/ሮ ሕይወት ኃይሉ እንደገለጹት፣ ኢትዮጵያ የጀመረችውን የብልፅግና ጉዞ ዕውን ለማድረግ ወጣቶች በሁሉም መስክ ላይ ያላቸው የነቃ ተሳትፎ ወሳኝ ነው፡፡

- Advertisement -

የልማቱ እምብርትና አስኳል መሆናቸውን ራሳቸው ወጣቶች በሚገባ እንዲገነዘቡ፣ እንዲሁም የበኩላቸውን አስተዋጽኦ እንዲያበረክቱና የጊዜን ድንበር ሊሻገርና ሊዘልቅ የሚችል የዜግነት አሻራቸውን እንዲያሳርፉ አጽንኦት ሰጥቶ ማስገንዘብና ማነሳሳት እንደሚገባ ወ/ሮ ሕይወት ተናግረዋል፡፡

የኮቪድ-19 ወረርሽኝን የመከላከል፣ አረንጓዴ አሻራን የማሳረፉ ተግባርና የታላቁ ህዳሴ ግድብን ፍጻሜ ከዳር ለማድረስ የወጣቶች ተሳትፎ ከምን ጊዜው በላይ አሁን እንደሚያስፈልግ ሚኒስትር ዴኤታዋ አውስተው፣ ኢትዮጵያ ከድህነት ለመውጣትና አንድነትን ለማጠናከር የጽናት ምልክት የሆነውን የኢትዮጵያ ታላቁ የህዳሴ ግድብ ግንባታ ከግብ ለማድረስ ወጣቱ ያለው ሚና ከፍተኛ ነው ብለዋል፡፡ ስለሆነም ወጣቶች ለተጀመረው ልማት እንቅፋት፣ ለሰላም ዕጦት መንስዔ ከሆኑ ድርጊቶች ራሳቸውን በማራቅና የሚገጥማቸውን ፈተናዎች በፅናት በማለፍ ለማኅበረሰቡና ለአገር የሚተርፍ የሰላም ትሩፋት እንዲያበረክቱም ጥሪ አስተላልፈዋል፡፡

ለኢትዮጵያ ኢኮኖሚያዊ፣ ማኅበራዊና ፖለቲካዊ ዕድገት መፍጠን ላይ ወጣቶች ያላቸው ሚና ከፍተኛ በመሆኑም በግጭቶች ላይ ባለመሳተፍ የሚከሰተውን የንብረት ውድመትና የሰው ሕይወት መጥፋት መታደግ እንደሚቻልም ተገልጿል፡፡

ሁከትና ብጥብጥ የሰላምና የዕድገት ፀር መሆኑን በመገንዘብ ወጣቱ ከምን ጊዜውም በበለጠ ለሰላም ዘብ ሊቆም እንደሚገባ፣ የዓለም የወጣቶች ቀን ‹‹የወጣቶች ተሳትፎ ለኢትዮጵያ ብልፅግና›› በሚል መሪ ቃል ነሐሴ 16 ቀን 2012 ዓ.ም. በሸራተን አዲስ ለ17ኛ ጊዜ ተከብሮ ሲውል፣ ለታላቁ የኢትዮጵያ ህዳሴ ግድብ የዲፕሎማሲ ሥራዎችን በመሥራትና ለተለያዩ አገሮችም ግድቡ የኢትዮጵያ መሆኑን በመንገር አስተዋጽኦ ላበረከቱት መሐመድ አል አርሲ፣ መቅደላዊት መሳይና ሀሊፈት ዓሊ መሐመድ ዕውቅና ተሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...