Wednesday, February 8, 2023
- Advertisement -
- Advertisement -
ዜና‹‹ሚኒስትሮቹ ከመሾማቸው በፊት ጠቅላይ ሚኒስትሩ አሳውቀውኝ ነበር›› አፈ ጉባዔ ታገሰ ጫፎ

‹‹ሚኒስትሮቹ ከመሾማቸው በፊት ጠቅላይ ሚኒስትሩ አሳውቀውኝ ነበር›› አፈ ጉባዔ ታገሰ ጫፎ

ቀን:

ጠቅላይ ሚኒስትሩ ዓብይ አህመድ (ዶ/ር) በሕዝብ ተወካዮች ምክር ቤት ሳያፀድቁ ስለሾሟቸው ሚኒስትሮች የተጠየቁት የምክር ቤቱ አፈ ጉባዔ፣ ጠቅላይ ሚኒስትሩ በደብዳቤ አሳውቀዋቸው እንደነበር አስታወቁ፡፡

በሕገ መንግሥቱ አንቀጽ 55 (13) መሠረት የሕዝብ ተወካዮች ምክር ቤት፣ የፌዴራል መንግሥት ፍርድ ቤት ዳኞችን፣ የሚኒስትሮችን፣ የምክር ቤት አባላትን፣ የኮሚሽነሮችንና የዋና ኦዲተርን ሹመት የማፅደቅ ኃላፊነት ተሰጥቶታል፡፡

ይሁን እንጂ ጠቅላይ ሚኒስትር ዓብይ (ዶ/ር) በሕዝብ ተወካዮች ምክር ቤት ሳያፀድቁ፣ ሦስት ሚኒስትሮችን ነሐሴ 11 ቀን 2012 ዓ.ም. መሾማቸው ይታወሳል፡፡ የመከላከያ ሚኒስትሩ ቀንዓ ያደታ (ዶ/ር)፣ የሳይንስና ከፍተኛ ትምህርት ተቋማት ሚኒስትሩ ሳሙኤል ሁርቃቶ (ዶ/ር) እና የማዕድንና ነዳጅ ሚኒስትሩ ታከለ ኡማ (ኢንጂነር) ሲሆኑ፣ እንዲሁም በሚኒስትር ማዕረግ የሚኒስትሮች ምክር ቤት አባልና የፌዴራል ዋና ጠቅላይ ዓቃቤ ሕግ ሆነው የተሾሙት ደግሞ ጌዲዮን ጢሞቲዎስ (ዶ/ር) ናቸው፡፡

ሚኒስትሮችን የመሾም ሥልጣን የሕዝብ ተወካዮች ምክር ቤት ሆኖ ሳለ፣ ጠቅላይ ሚኒስትሩ በደብዳቤ መሾማቸው የምክር ቤቱን ሥልጣንና የሕግ የበላይነትን አይጋፋም ወይ ተብለው የተጠየቁት የምክር ቤቱ አፈ ጉባዔ አቶ ታገሰ፣ ሚኒስትሮቹን በደብዳቤ ከመሾማቸው በፊት ጠቅላይ ሚኒስትሩ አሳውቀዋቸው እንደነበር ገልጸዋል፡፡

አፈ ጉባዔው ይህንን የተናገሩት ባለፈው ሳምንት የሚኒስትሮቹ ሹመት በፓርላማ ከፀደቀ ከአንድ ቀን በኋላ በሰጡት ጋዜጣዊ መግለጫ ነው፡፡

‹‹ጠቅላይ ሚኒስትሩ ደውለውልኝ የአመራር ክፍተቶች ስላሉብንና ማሟላት ስለምንፈልግ እንዴት ማድረግ ይሻላል? ብለው ጠይቀውኛል፤›› ያሉት አፈ ጉባዔው፣ ‹‹ጠቅላይ ሚኒስትሩ ይህንን ጥያቄ ያቀረቡት በወቅቱ ፓርላማው እረፍት ላይ ስለነበር ነው፤›› ብለዋል፡፡

እሳቸውም ደብዳቤ ጽፈው እንዲልኩላቸው ለጠቅላይ ሚኒስትሩ መንገራቸውን፣ በዚህም መሠረት ሚኒስትሮቹ ከመሾማቸው በፊት የምክር ቤቱ አፈ ጉባዔ በደብዳቤ እንዲያውቁት መደረጉን ገልጸዋል፡፡

‹‹እኔም የደረሰኝን ደብዳቤ ለሁሉም የምክር ቤት አባላት አሠራጭቻለሁ፤›› ሲሉ አፈ ጉባዔው አስረድተዋል፡፡

ምክር ቤቱ በእረፍት ላይ ስለነበረ ያጋጠመ ቢሆንም ሥርዓቱን ጠብቆ የተፈጸመ እንደሆነ ገልጸዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...