Tuesday, November 29, 2022
ሌሎች ዓምዶች
    - ማስታወቂያ -
    - ማስታወቂያ -

    በአሰላ ከ5.8 ቢሊዮን ብር በላይ ወጪ 100 ሜጋ ዋት የሚያመነጭ የንፋስ ኃይል ፕሮጀክት ሊገነባ ነው

    - ማስታወቂያ -

    ተዛማጅ ፅሁፎች

    በኦሮሚያ ክልል በአሰላ አካባቢ 100 ሜጋ ዋት የሚያመነጭ የንፋስኤሌክትሪክ ኃይል ፕሮጀክት ሊገነባ ነው። 

    የንፋስ ኃይል በመጠቀም ለማመንጨት የታቀደው የኤሌክሪክ ኃይል ፕሮጀክት በመጪዎቹ ሁለት ዓመታት የሚጠናቀቅ ሲሆንፕሮጀክቱን ዕውን ለማድረግ የሚያስፈልገው 146 ሚሊዮን ዩሮ (ከ5.8 ቢሊዮን ብር በላይ) የበጀት ፍላጎትም ከዴንማርክ መንግሥት በዕርዳታና በድጋፍ መልክ ተገኝቷል። 

    ለፕሮጀክቱ ከሚያስፈልገው 146 ሚሊዮን ዩሮ ውስጥ 117.3 ሚሊዮን ዩሮ ያህል ዳንሴክ ግሩፕ ከተሰኘው የዴንማርክ ባንክ በብድር የተገኘ ሲሆን፣ የተቀረውን የገንዘብ መጠን ደግሞ የዴንማርክ መንግሥት በዕርዳታ ለመስጠት ከኢትዮጵያ መንግሥት ጋር ስምምነትፈራርሟል። 

    ፕሮጀክቱ የሚጠይቀውን አጠቃላይ ወጪ በድጋፍና በብድር ለመደገፍ የዴንማርክ መንግሥትና ዳንሴንክ ግሩፕ የተሰኘው ባንክ ከኢትዮጵያ መንግሥት ጋር ስምምነት የፈጸሙ ሲሆንይህንንም ስምምነት የሕዝብ የወካዮች ምክር ቤት ባለፈው ሳምንት ባካሄደው አስቸኳይ ስብሰባ አፅድቆታል። 

    በብድር መልክ የተገኘው 117.3 ሚሊዮን ዩሮ የአምስት ዓመታት የዕፎይታ ጊዜን ጨምሮ 20 ዓመታት ጊዜ ውስጥ የሚከፈል ነው፡፡ የዴንማርክ መንግሥት በብድሩ የሚከፈለውን ወለድ ለመሸፈን በመስማማቱከብድር ወለድ ክፍያ ነፃ መሆኑን በሁለቱ ወገኖች መካከል የተፈረመው የስምምነት ሰነድ ያስረዳል። 

    የንፋስ ኃይል ማመንጫ ፕሮጀክቱን ዕውን ለማድረግ የሚያስፈልጉ የንፋስ ኃይል ማመንጫ ተርባዮኖች በሙሉ ከዴንማርክ የሚገዙ ሲሆንዕቃዎቹን የማቅረብና ፕሮደክቱን በበላይነት የማስተዳደር ኮንትራት ሲመንስ ከተባለው የዴንማርክ ኩባንያ ጋር መፈረሙን ሪፖርተር ያገኘው መረጃ ያመለክታል። 

    የአሰላ የንፋስ ኃይል ማመንጫ ፕሮጀክት በምሥራቅ ኦሮሚያ በኢተያ ወረዳ የሚገነባ ነው። ፕሮጀክቱ 100 ሜጋ ዋት የኤሌክትሪክ ኃይል የማመንጨት አቅም የሚኖረው ሲሆንእያንዳንዳቸው 3.45 ሜጋ ዋት የሚያመነጩ 84 ሜትር ከፍታ ያላቸው 29 የንፋስ ኃይል ማመንጫ ተርባይኖች ይኖሩታል ተብሏል። 

    የፕሮጀክቱ ግንባታ አገሪቱ በአሁኑ ወቅት ከንፋስ ኃይል እያመነጨች ያለውን 324 ሜጋ ዋት የኃይል መጠን ከፍ እንደሚያደርገውየአሰላውና በአይሻ እየተገነባ ያለው 120 ሜጋ ዋት የማመንጨት አቅም የሚኖረው የንፋሰ ኃይል ማመንጫ ሲጠናቀቅ፣ አገሪቱ ከንፋስ ኃይል የምታገኘው አጠቃላይ የኤሌክትሪክ ኃይል 544 ሜጋ ዋት እንደሚደርስ ይጠበቃል። 

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች