Sunday, January 29, 2023
- Advertisement -
- Advertisement -
ዜናአምስት ዞኖችና አንድ ልዩ ወረዳ ከደቡብ ክልል ወጥተው አዲስ ክልል ለመመሥረት ወሰኑ

አምስት ዞኖችና አንድ ልዩ ወረዳ ከደቡብ ክልል ወጥተው አዲስ ክልል ለመመሥረት ወሰኑ

ቀን:

በደቡብ ክልል ውስጥ የሚገኙ አምስት ዞኖችና አንድ ወረዳ አሁን ከሚገኙበት ክልል ወጥተው የደቡብ ምዕራብ ኢትዮጵያ የሚባል አዲስ ክልል ለመመሥረት ወሰኑ።

ከዚህ ቀደም ያራምዱት የነበረውን በተናጠል ክልል የመመሥረት የፖለቲካ ፍላጎትና ውሳኔ ውድቅ በማድረግ በጋራ አዲስ ክልል ለመመሥረት የሕዝብ ምክር ቤቶቻቸው ውሳኔ ያሳለፉት አምስት ዞኖች፣ ቤንች ሸኮ ዞን፣ ከፋ ዞን፣ ምዕራብ ኦሞ ዞን፣ ሸካ ዞን፣ ዳውሮ ዞን ናቸው፡፡ ከእነዚህ ዞኖች ጋር የሚቀራረበው የኮንታ ልዩ ወረዳም ይገኝበታል። 

ጠቅላይ ሚኒስትር ዓብይ አህመድ (ዶ/ር) በደቡብ ክልል ለሚነሱ በርካታ የክልልነት ጥያቄዎች መፍትሔ ለመስጠት ‹‹የሰላም አምባሳደሮች›› በሚል ስያሜ ልዩ ኮሚቴ አቋቁመው የነበረ ሲሆን፣ ኮሚቴው ከደቡብ ክልል ተለይተው የራሳቸውን ክልል ለመመሥረት ጥያቄ ያነሱ ብሔረሰቦችን በማነጋገር፣ ለጠቅላይ ሚኒስትሩ አዲስ የክልል አደረጃጀት የያዘ የመፍትሔ ሐሳብ አቅርቦ እንደነበር ይታወሳል። 

ጠቅላይ ሚኒስትሩ ኮሚቴው ባቀረበው የመፍትሔ ሐሳብና አዲስ አደረጃጀት ላይ ከቤሔረሰቦቹ ተወካዮች ጋር ምክክር አድርገው የነበረ ቢሆንም፣ አደረጃጀቱን ወደ ተግባር ለማውረድ ግን የተለያዩ ተቃውሞዎች በመነሳታቸው ተግባራዊ ሳይሆን ቆይቷል።

ከጥቂት ወራት በፊት በሕዝብ ተወካዮች ምክር ቤት ተገኝተው የነበሩት ጠቅላይ ሚኒስትሩ በዚህ ጉዳይ ላይ ተጠይቀውበእሳቸው ደረጃ የመፍትሔ አማራጭ ለማቅረብ ያደረጉት ሙከራ ቢኖርም አጥጋቢ ውጤት እንዳላመጣ፣ ከዚህ በኋላ ጉዳዩ በሕጉ መሠረት በሚመለከተው አካል የሚመለስ እንደሚሆን ገልጸው ነበር። 

ይሁን እንጂ ከዚህም በኋላ ምክክሮች ሲደረጉ ቆይተዋል። በዚህም መሠረት ከሰኞ መስከረም 18 ቀን 2012 ዓ.ም. ጀምሮ የተገለጹት ዞኖችና አንድ ወረዳ በተናጠል ምክር ቤቶቻቸው ባደረጓቸው ስብሰባዎች፣ በኮሚቴው የቀረበውን አደረጃጀት ተቀብለው ማፅደቃቸው ታውቋል። 

ከአንድ የዞን ምክር ቤት ውጪ የተቀሩት የቀረበውን አዲስ ክልል አደረጃጀት በሙሉ ድምፅ ማፅደቃቸው ተገልጿል። ‹‹የደቡብ ምዕራብ ኢትዮጵያ ሕዝቦች ክልል›› በሚሰኘው አዲስ ክልል ለመደራጀት ውሳኔያቸውን ቢያሳልፉም፣ በክልሉ አደረጃጀት ላይ ማለትም የክልሉ ዋና ከተማ ወይም የክልሉ መንግሥት መቀመጫ የት ይሆናል? የሥራ ቋንቋው ምን ይሆናል? በሚሉ ጉዳየች ላይ ወደፊት በሚደረግ የጋራ ምክክር መፍትሔ ለመስጠት እንዳሳደሩት ታውቋል። 

አሁን ካለው የደቡብ ክልል ውስጥ የወጣው የሲዳማ ዞን የራሱን ክልል ያቋቋመ ሲሆን፣ ‹‹የደቡብ ምዕራብ ኢትዮጵያ ሕዝቦች ክልል›› ሲደራጅ በደቡብ ክልል ውስጥ የሚቀሩት ሌሎች ዞኖች ደግሞ በሌላ አደረጃጀት ሌላ አዲስ ክልል በጋራ ወይም በተናጠል ሊመሠርቱ ይችላሉ ተብሎ ይጠበቃል። 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...