Thursday, September 21, 2023
- Advertisement -
- Advertisement -
ዜና‹‹የፈረሰው ቤት እንጂ አገር ባለመሆኑ የፈረሰውን እንገነባለን›› የኦሮሚያ ክልል ምክትል ፕሬዚዳንት

‹‹የፈረሰው ቤት እንጂ አገር ባለመሆኑ የፈረሰውን እንገነባለን›› የኦሮሚያ ክልል ምክትል ፕሬዚዳንት

ቀን:

ከፀጥታ ችግር ጋር ተያይዞ በኦሮሚያና በሌሎች የአገሪቱ ክፍሎች የፈረሰው ቤት እንጂ አገር ባለመሆኑ፣ የፈረሰውን ለመገንባትና አሠሪዎችን ለማቋቋም በሚደረገው ርብርብ የበኩሉን እንደሚያደርግ የኦሮሚያ ክልላዊ መንግሥት ምክትል ፕሬዚዳንት ገለጹ፡፡

ምክትል ፕሬዚዳንቷ ወ/ሮ ጫልቱ ሳኒ ይህንን የገለጹት ከትናንት በስቲያ በኦሮሚያና በሌሎች አካባቢዎች ከፀጥታ ችግር ጋር ተያይዞ በተፈጠረ ችግር ንብረት የወደመባቸውን አሠሪዎች ለመደገፍና ዕርዳታ ለማሰባሰብ የተቋቋመው ኮሚቴ በይፋ ሥራ መጀመሩን ለማስታወቅ በተሰናዳ ፕሮግራም ላይ ነው፡፡

አፅንኦት ሰጥተው ያመለከቱት ግን ‹‹በፀጥታው ችግር የፈረሰብን ቤት እንጂ አገር ያለመሆኑን በመገንዘብ፣ የፈረሰን በተሻለ መገንባት ማስተማሪያ እናደርገዋለን፤›› ብለዋል፡፡

‹‹ቤት ከፈረሰ ቤት ይገነባል፡፡ አገር ከፈረሰ ግን የሚገነባ ቤትም የለም›› ያሉት ወ/ሮ ጫልቱ፣ ‹‹እኛ የፈረሰብን ቤት እንጂ አገር ያለመሆኑን አምነን ተግዳሮቶችን ሁሉ እንደ መልካም አጋጣሚ በማየት የተሻለ መደላድል መፍጠር ይገባል፣ አሁን በፀጥታ ችግር ጉዳት የደረሰባቸውን አሠሪዎች ኢትዮጵያውያን በመተባበር መደገፍ ኢትዮጵያዊ ባህል ነው፤›› በማለት ገልጸዋል፡፡

አሁን የገጠመንን ችግር ልክ አገር እንደፈረሰባቸው ዜጎች ማየት ሳይሆን ጉዳቱ የደረሰበትን አካባቢ በመለወጥ የዚህ አስፈጻሚ አካላት እልሃቸውን የምናስጨርስበት መሆን ይኖርብናል ብለዋል፡፡

እነዚህ የጥፋት ኃይሎች ዓላማቸው ክፋትና ጥፋት ስለሆነም የጠቀሱት ምክትል ፕሬዚዳንቷ፣ መንግሥት የሕግ የበላይነትን በየደረጃው እያረጋገጠ ስለመሆኑም አስታውሰዋል፡፡

አሁንም ‹‹ዋስትናችን የሕግ የበላይነትን ማረጋገጥ ነው›› ያሉት ወ/ሮ ጫልቱ፣ ከዚህ አኳያ አሠሪው ለአሠሪው በሚል መሪ ቃል መደጋገፍ፣ መተባበር መረዳዳት የኢትዮጵያውያን ባህል በመሆኑ ሁሉም መተጋገዝ እንዳለበትና የክልላቸው መንግሥትም ለዚህም ዓላማ የበኩሉን እንደሚያደርግም አስታውቀዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የዓለም አቀፍ የሰብዓዊ መብት ባለሙያዎች ኮሚሽን ሪፖርት ምን ይዟል?

ለአሜሪካ ድምፅ አማርኛ ዝግጅት የስልክ አስተያየት የሰጡ አንድ የደንበጫ...

መንግሥት በአማራ ክልል ለወደሙ የአበባ እርሻዎች ድጋፍ እንዲያደርግ ተጠየቀ

ከቅርብ ጊዜ ወዲህ በአማራ ክልል የተፈጠረው ግጭትና አለመረጋጋት በቢዝነስ...

አምናና ዘንድሮ!

እነሆ መስከረም ጠብቶ በአዲስ መንፈስ ተሞልተን መንገድ ጀምረናል። ‹‹አዲስ...